କଫି ପତ୍ର ସୁଡଙ୍ଗକାରୀ

ଏହାର କାରଣ କଣ

କଫି ପତ୍ର ସୁଡଙ୍ଗକାରୀର ଲାର୍ଭା ଦ୍ଵାରା ଏହି କ୍ଷତି ହୋଇଥାଏ, ଯାହା କେବଳ କଫି ପତ୍ର ଖାଇଥାଏ। ବୟସ୍କ ରାତିରେ ସଂଗମ କରିଥାଏ ଓ ମାଇ କଫି ପତ୍ର ଉପରେ ଅଣ୍ଡା ଦେଇଥାଏ। ପ୍ରାକ ଅଣ୍ଡାଦାନ ଅବଧି 20°C ରେ 3.6 ଦିନ ହୋଇଥାଏ। ପ୍ରତ୍ୟେକ ଅଣ୍ଡା ହାରାହାରି 0.3 ମିମି ଲମ୍ବା ହୋଇଥାଏ ଓ ଖାଲି ଆଖିରେ ଦେଖିବା କଷ୍ଟକର ହୋଇଥାଏ। ଫୁଟିବା ପରେ, ପତ୍ରର ଉପର ସ୍ତର ସଂସ୍ପର୍ଶରେ ଥିବା ଅଣ୍ଡାର ତଳ ପଟୁ ବାହାରି ପତ୍ର ମଧ୍ୟରେ ପ୍ରବେଶ କରିଥାଏ। ଲାର୍ଭା ସ୍ଵଚ୍ଛ ଦେଖାଯାଏ ଏବଂ 3.5 ମିମି ପର୍ଯ୍ୟନ୍ତ ଲମ୍ବା ହୋଇଥାଏ। ଲାର୍ଭା ପତ୍ରର ଅନ୍ତଃ ଟିସୂ ଖାଇ ସୁଡଙ୍ଗ ସୃଷ୍ଟି କରିଥାଏ। ସୁଡଙ୍ଗ ବିଗଳନ ସୃଷ୍ଟି କରିଥାଏ ଓ ଆଲୋକ ସଂଶ୍ଳେଷଣ ପୃଷ୍ଠ କମାଇ ଥାଏ। ଏହା ଯୋଗୁଁ ଗଛର ଆଲୋକ ସଂଶ୍ଳେଷଣ ହାର କମିଥାଏ ଓ ଗଛର ଅବନତି ହୋଇଥାଏ। ଲାର୍ଭା ପର୍ଯ୍ୟାୟରେ ଚାରୋଟି ଅବସ୍ଥା ରହିଥାଏ। ଲାର୍ଭା ସୁଡଙ୍ଗ ଛାଡି ସାଧାରଣତଃ ପତ୍ରର ଅକ୍ଷ ଅଞ୍ଚଳରେ ରେଶମୀ ସୂତାରେ X - ଆକାରର କୋଷା ବୁଣି ପ୍ୟୁପା ଗଠନ କରିଥାଏ। ସାଧାରଣତଃ, ମୃତ ପତ୍ର ଜମି ରହିଥିବା ଗଛର ନିମ୍ନ ଅଞ୍ଚଳରେ ଅଧିକ ପ୍ୟୁପା ଦେଖାଯାଏ। ପ୍ୟୁପାରୁ ହାରାହାରି 2 ମିମି ଲମ୍ବ ଦେହ ଓ 6.5 ମିମି ଲମ୍ବ ଡେଣା ସହିତ ବୟସ୍କ ପୋକ ବାହାରିଥାଏ। ସେମାନଙ୍କ ଲମ୍ବା ଆଣ୍ଟିନା ସହିତ ଧଳା କେଶ କାତି ଥାଏ ଯାହାକି ବକ୍ଷସ୍ଥଳର ଶେଷ ପର୍ଯ୍ୟନ୍ତ ପହଞ୍ଚି ଥାଏ ଏବଂ ମାଟିଆ-ଧଳା ଏବଂ ଝାଲର ଡେଣା ଧାରଣ କରିଥାଏ। ପ୍ୟୁପାରୁ ବୟସ୍କ ବାହାରିବା ପରେ ସେମାନେ ସଂଗମ କରନ୍ତି ଓ ଅଣ୍ଡା ଦିଅନ୍ତି ଓ ଚକ୍ର ପୁଣି ଆରମ୍ଭ କରିଥାନ୍ତି। ଶୁଖିଲା ପାଗ ଓ ଉଚ୍ଚ ତାପମାତ୍ରା ଏହି କୀଟର ଆବିର୍ଭାବକୁ ଅନୁକୂଳ କରିଥାଏ।