ବନ୍ଧାକୋବି ବୁଢିଆଣୀ କୀଟ

ଏହାର କାରଣ କଣ

ମୁଖ୍ଯତଃ କ୍ରାନ୍ତୀୟ ଓ ଉପକ୍ରାନ୍ତୀୟ ଅଞ୍ଚଳରେ, ହେଲୁଲା ଅଣ୍ଡାଲିସର ଲାର୍ଭାର ଖାଇବା ପ୍ରକ୍ରିୟା ଯୋଗୁଁ ବ୍ରାସିକା ପରିବାର (ବନ୍ଧାକୋବି, ଫୁଲକୋବି)ରେ ଏହି ଲକ୍ଷଣ ଦେଖାଯାଏ। ଅଣ୍ଡାଗୁଡିକ ଅଣ୍ଡାକାର ହୋଇଥାଏ। ଏହା ଏକଲା କିମ୍ବା ଗୁଚ୍ଛ ଭାବରେ, ବେଳେବେଳେ ଏକ ଶିକୁଳି ପରି ଅଣ୍ଡା ଦେଇଥାଏ। ପ୍ରାୟ ତିନି ଦିନ ପରେ ଅଣ୍ଡା ଫୁଟେ, ଏବଂ ପାଞ୍ଚଟି ବିକାଶ ଅବସ୍ଥା ଅତିକ୍ରମ କରିବା ପରେ ଧୂସର- ହଳଦିଆ ଓ ଗୋଲାପି ଅନୁଦୈର୍ଘ୍ୟ ରେଖା ସହିତ ଏହା ପରିପକ୍ଵ ହୁଏ। ଶରୀରରେ ଇଷତ ଗୋଲାପି ମାଟିଆ ଗାର ଓ ଏକ କଳା ମୁଣ୍ଡ ସହିତ ସମ୍ବାଳୁଆ ଗୁଡିକ କ୍ଷୀର ଭଳି ଧବଳ ହୋଇଥାନ୍ତି। ପରିପକ୍ଵ ସମ୍ବାଳୁଆ ଦେହରେ ଫିକା ଗାର ଥାଏ। ଶେଷ ଅବସ୍ଥାରେ, ସମ୍ବାଳୁଆ 12-15 ମିମି ଲମ୍ବା ହୋଇ ରେଶମୀ କୋଷାରେ ରହି ଖାଇଥାଏ। ତରଙ୍ଗାୟିତ ଗାର ଏବଂ ଏକ କଳା ଦାଗ ସହିତ ଆଗ ଡେଣାଗୁଡିକ ସାଧାରଣତଃ ଧୂସର-ମାଟିଆ ହୋଇଥାଏ। ବୟସ୍କ ପ୍ରଜାପତି ଛୋଟ, କୋମଳ ଓ ଧୂସର-ମାଟିଆ ରଙ୍ଗର ହୋଇଥାଏ। ଡେଣା 18 ମିମି ପର୍ଯ୍ୟନ୍ତ ହୋଇପାରେ। କୋଷାରୁ ବାହାରିବା ଓ ସଂଗମ ପରେ, 3 ରୁ 10 ଦିନ ମଧ୍ୟରେ ମାଇ ପ୍ରଜାପତି ମାନେ 150 କିମ୍ବା ଅଧିକ ଅଣ୍ଡା ଦେଇଥାନ୍ତି। ବୟସ୍କ ପ୍ରଜାପତି ଦୂର ସ୍ଥାନକୁ ଉଡି ଯିବା ପାଇଁ ସମର୍ଥ ଅଟେ।