ବିଟ ଆର୍ମୀ କୀଟ

ଏହାର କାରଣ କଣ

ସ୍ପୋଡୋପ୍ଟୋରା ଏକ୍ସିଗୁଆ,ବିଟ ଆର୍ମି କୀଟର ଶୂକ ଦ୍ଵାରା ଏହି କ୍ଷତି ହୋଇଥାଏ । ଏସିଆ , ଆଫ୍ରିକା , ଆମେରିକା ଓ ଇୟୁରୋପର ଗରମ ଅଞ୍ଚଳରେ ଏବଂ ଥଣ୍ଡା ଜଳବାୟୁର ସବୁଜ ଘରେ ଏହି ପୋକ ଦେଖାଯାଏ । ସେମାନେ କପା , ବିଟ ଏବଂ ମକା ଭଳି ବିଭିନ୍ନ ଫସଲକୁ ଆକ୍ରମଣ କରିଥାନ୍ତି । ବୟସ୍କ ପ୍ରଜାପତିମାନେ ଧୂସର ବାଦାମୀ ରଙ୍ଗର ହୋଇଥାନ୍ତି । ଆଗ ଡେଣାଗୁଡିକ ଏକ ଅନିୟମିତ ସରଞ୍ଚନା ଏବଂ ମଝିରେ ଫିକା ରଙ୍ଗର ବିନ ଆକୃତିର ଚିହ୍ନ ସହିତ ଚିତ୍ରିତ ବାଦାମୀ ଓ ଧୂସର ହୋଇଥାନ୍ତି । ପଛ ଡେଣାଗୁଡିକ ଧାର ପାଖରେ ଗାଢ ଗାର ସହିତ ଧୂସର କିମ୍ବା ଧଳା ରଙ୍ଗର ହୋଇଥାନ୍ତି । ଧଳା ବା ଧୂସର ଲୋମ ଦ୍ଵାରା ଆବରିତ ମାଇମାନେ ଗୁଚ୍ଛ ଭାବରେ ପତ୍ରର ତଳ ପଟେ ଅଣ୍ଡା ଦିଅନ୍ତି । ନୂଆଁ ଶୂକମାନେ ସବୁଜ ବାଦାମୀ ଅଟନ୍ତି ଏବଂ ସେମାନଙ୍କ ପିଠି ଉପରେ ଅନୁଦୈର୍ଘିକ ଗାଢ ପଟ୍ଟୀ ବା ଗାର ଥାଏ । ପରିପକ୍ଵ ଶୂକ ପ୍ରତ୍ୟେକ ପାର୍ଶ୍ଵରେ ହଳଦିଆ ପଟ୍ଟୀ ବା ଗାର ଏବଂ ପିଠି ଉପରେ ଏକ ହଳଦିଆ-ସବୁଜ ଚଉଡା ପଟ୍ଟୀ ସହିତ ଧୂସର-ବାଦାମୀ ଅଟନ୍ତି ।