ବିରି ଓ ମୁଗ
ଚଣାର ନୀଳ ପ୍ରଜାପତି
Euchrysops cnejus
ପୋକ
5 mins to read
ସଂକ୍ଷେପରେ
- କଢ, ଫୁଲ ଓ କଞ୍ଚା ଛୁଇଁ ରେ କଣା ହୋଇଥାଏ.
- ସ୍ଲଗ୍ ପରି ସମ୍ବାଳୁଆ ଉପରେ ଲାଲ ଗର ଥାଏ.
- ଛୋଟ କଳା ବାଳ ଶରୀରରେ ଥାଏ.
- ଅଣ୍ଡିରା ପ୍ରଜାପତି ନୀଳ ରଙ୍ଗର ହୋଇଥାଏ ଓ ଏହାର ସ୍ପଷ୍ଟ କଳା ଦାଗ ଥାଏ.
ମଧ୍ୟ ଦେଖା ଯାଇପାରେ
ବିରି ଓ ମୁଗ
ଲକ୍ଷଣ
କଢ଼, ଫୁଲ ଓ ଛୁଇଁରେ ଲକ୍ଷଣ ଗୁଡିକ ସ୍ପଷ୍ଟ ଦେଖାଯାଏ ଯେଉଁଠାରେ ପୋକ ପ୍ରବେଶ କରିଥାଏ କିମ୍ବା ଖିଆ କଣା ଗୁଡିକ ଦେଖାଯାଏ. ଛୁଇଁ ରେ କ୍ଷତ ଗୁଡିକରେ ସାଧାରଣତଃ ଏକାଧିକ କଣା ଦେଖାଦେଇଥାଏ. ଏହି କାନରୁ ସ୍ରାବ ନିର୍ଗତ ହୋଇଥାଏ ଓ ଏହିଁ କଣାର ଧାର କଳା ପଡ଼ିଯାଏ.
Recommendations
ଜୈବିକ ନିୟନ୍ତ୍ରଣ
ପ୍ରାକୃତିକ ଶତ୍ରୁ ମାନଙ୍କୁ ବ୍ୟବହାର କରି ସବୁ ଲେପିଡୋପ୍ଟେରା ଜାତୀୟ ପୋକ ଗୁଡିକୁ ଆକ୍ରମଣ କରି ଘାସ ନୀଳ ପ୍ରଜାପତି ସଂଖ୍ୟା କୁ ନିୟନ୍ତ୍ରଣ କରନ୍ତୁ. ଅଣ୍ଡା ପରଜୀବୀ ଟ୍ରାଇକୋଗ୍ରାମା ସ୍ପେସିସ (Trichogramma sp.) ସାପ୍ତାହିକ ଅନ୍ତରରେ ଚାରି ଥର 0.6 ଲକ୍ଷ ପ୍ରତି ଏକର ପ୍ରୟୋଗ କରନ୍ତୁ. କୀଟନାଶକ ସ୍ପ୍ରେ ନ କରି ଟେଲୋନୋମସ ସ୍ପେସିସ (Telonomus spp.) ଏକ ଅଣ୍ଡା ପରଜୀବୀ, ଏବଂ ଆପନାଟେଲେସ ସ୍ପେସିସ (Apnateles spp.) ଏକ ଲାର୍ଭା ପରଜୀବୀ ର ସଂରକ୍ଷଣ କରନ୍ତୁ. ଅନ୍ୟ ସମ୍ବାଳୁଆ ନିୟନ୍ତ୍ରଣ ପାଇଁ ବ୍ୟବହୃତ ହେଉଥିବା କୀଟନାଶକ ବ୍ୟବହାର କରି ଏହି ପୋକର ସମ୍ବାଳୁଆ କୁ ମଧ୍ୟ ନିୟନ୍ତ୍ରଣ କରାଯାଇପାରେ. ବାସିଲସ ଥୁରିଜିଏନସିସ (Bacillus thuringiensis) ଅତି କମ ରେ 100 ଲିଟର ପାଣି ପ୍ରତି ହେକ୍ଟର ପିଛା ସ୍ପ୍ରେ କରି ପୁରା ଫସଲକୁ କଭର କରନ୍ତୁ. ଏହି ପୋକକୁ ନିୟନ୍ତ୍ରଣରେ ରଖିବା ପାଇଁ ନିମ ତେଲ ର ଉପଯୋଗ ମଧ୍ୟ କରାଯାଇପାରେ.
ରାସାୟନିକ ନିୟନ୍ତ୍ରଣ
ସବୁବେଳେ ସମନ୍ବିତ ଉପାୟ ରେ ସୁରକ୍ଷାତ୍ମକ ଉପଚାର ଏବଂ ଉପଲବ୍ଧ ଜୈବିକ ନିୟନ୍ତ୍ରଣ ସହିତ କରିବା ଦରକାର. କୌଣସି କୀଟନାଶକ ନିର୍ଦ୍ଧିଷ୍ଟ ଭାବେ ଘାସ ନୀଳ ପ୍ରଜାପତି ପାଇଁ ପଞ୍ଜିକୃତ ହୋଇନାହିଁ. ଲେପିଡୋପ୍ଟେରା (Lepidoptera) ପରିବାରର ଅନ୍ୟ ପ୍ରଜାତି ପାଇଁ ବ୍ୟବହୃତ ହେଉଥିବା ଅଧିକାଂଶ କୀଟନାଶକ ଏହି ପୋକ ମଧ୍ୟ ନିୟନ୍ତ୍ରଣ କରିପାରିବ. ଇ. ନେଜସ (E. cnejus) ର ପ୍ରଭାବୀ ରୂପେ ନିୟନ୍ତ୍ରଣ ପାଇଁ ପ୍ରୋଫେନୋଫସର (profenophos) ବ୍ୟବହାର କରିବାକୁ ପରାମର୍ଶ ଦିଆଯାଇଛି.
ଏହାର କାରଣ କଣ
ପ୍ରଥମତଃ ଇଉକ୍ରିସପ୍ସ ନେଜସ (Euchrysops cnejus) ର ଲାର୍ଭା ଯୋଗୁଁ ଏହି ଲକ୍ଷଣ ଗୁଡିକ ଦେଖାଦେଇଥାଏ. ବୟସ୍କ ଅଣ୍ଡିରା ପୋକ ଇସତ ବାଇଗଣୀ ରଙ୍ଗ ର ହୋଇଥାଏ ଯେତେବେଳେ କି ମାଈ ପୋକ ଉପରେ ପ୍ରବଳ କଳା ଚିହ୍ନ ଥାଏ ଏବଂ ଏହାର ଡେଣା ମୂଳ ମଳିନ ଚମକିଲା ନୀଳ ରଙ୍ଗ ର ହୋଇଥାଏ. ମାଈ ପ୍ରଜାପତି ନିଜ ଜୀବନକାଳରେ 60-200 ଅଣ୍ଡା ଗୋଟିଏ ଲେଖାଏଁ କାନ୍ଦ, କଢ କିମ୍ବା ପତ୍ରରେ ଦେଇଥାଏ. ଏହାର ଲାର୍ଭା ନିର୍ଦ୍ଧିଷ୍ଟ ରୂପେ ମଜଭୁତ, ସପାଟ, ମଳିନ ସବୁଜ କିମ୍ବା ହଳଦିଆ, 13 ମିମି ଲମ୍ବା ଏବଂ ଶରୀରରେ ଏକ ଲାଲ ରେଖା ଓ ଛୋଟ କଳା ବାଳ ଥାଏ. ଅନେକ ସମୟରେ ଏହି ଲାର୍ଭା ପାଖରେ କଳା ପିମ୍ପୁଡି ବି ଥାଆନ୍ତି. ସମ୍ବାଳୁଆ ଗୁଡିକର ରଙ୍ଗ ଏବଂ ଖାଇବା ଜାଗା ଏମିତି ଥାଏ ଯେ ସେଗୁଡିକୁ ଦେଖିବା କଷ୍ଟକର ହୋଇଥାଏ, ଯଦିଓ ସେମାନେ ଦିବାଚର (ଦିନ ବେଳା ସକ୍ରିୟ ଥାଆନ୍ତି). ବିଶେଷ କରି ଦଳି ଜାତୀୟ ଫସଲରେ ଏହି ଲାର୍ଭା ଫୁଲ ଏବଂ କଞ୍ଚା ଛୁଇଁ ଖାଇଥାନ୍ତି ଏବଂ ଖୋଳି କଣା କରି ଦିଅନ୍ତି. ପ୍ୟୁପା ପ୍ରକ୍ରିୟା ପତ୍ରରେ ହୋଇଥାଏ.
ସୁରକ୍ଷାତ୍ମକ ଉପାୟ
- ଗଛରୁ ଗଛ ମଧ୍ୟରେ ଯଥେଷ୍ଟ ବ୍ୟବଧାନ ରଖି ଫସଲ ଲଗାନ୍ତୁ ଏବଂ ସଅଳ କିମ୍ବା ବିଳମ୍ବ ବୁଣା ରୁ ବିରତ ରୁହନ୍ତୁ.
- ସଂକ୍ରମଣର ସମୟରେ ଲାର୍ଭା ଓ ପ୍ୟୁପାକୁ ମାରିବା ପାଇଁ ମାଟିକୁ ଖୁଶାଣୀ କରନ୍ତୁ.
- ପୋକର ସଂକେତ ଦେଖିବା ପାଇଁ ଜମି ନିରୀକ୍ଷଣ କରନ୍ତୁ.
- ଲାର୍ଭା, ପ୍ୟୁପା ଓ ବୟସ୍କ ପୋକ ଗୁଡିକୁ ସଂଗ୍ରହ କରି ନଷ୍ଟ କରି ଦିଅନ୍ତୁ.
ସେୟାର କରନ୍ତୁ
ପ୍ଲାଣ୍ଟିକ୍ସ ଡାଉନଲୋଡ୍ କରନ୍ତୁ
