ଚିତ୍ରିତ ମକା ବିଟିଲ

ଏହାର କାରଣ କଣ

ଚିତ୍ରିତ ମକା ପୋକ ଆସ୍ଟିଲସ ଆଟ୍ରୋମାକ୍ୟୁଲାଟସ (Astylus atromaculatus) ଦ୍ୱାରା କ୍ଷୟକ୍ଷତି ହୋଇଥାଏ. ବୟସ୍କ ପୋକ ଟିକେ ଅଧିକ ଲମ୍ବା ଓ ଏହାର ହଳଦିଆ ଡେଣା ରେ କଳା ଚିହ୍ନ ଥାଏ. ସେମାନେ ମୁଖ୍ୟତଃ ନିରାମିଷାଶୀ ଏବଂ ମକାର ଵାଳ, ପରାଗ କିମ୍ବା ଦାନା ଖାଇଥାନ୍ତି. ମକା, ଧାନ, ଯଅ ଓ ସୂର୍ଯ୍ୟମୁଖୀ ଫସଲରେ ଏମାନେ ଆକ୍ରମଣ କରିଥାନ୍ତି. ସାଧାରଣତଃ ଏହି ସବୁ ଫସଲରେ ଅଧିକ କ୍ଷୟକ୍ଷତି କରି ନଥାନ୍ତି. ଯଦି କମ ଫସଲ ଥାଏ ତାହେଲେ ଏହି ପୋକ ପ୍ରବଳ ଭାବେ ଘାସ ଖାଇଥାନ୍ତି ଏବଂ ଏହା ଗାଈଗୋରୁ ମାନଙ୍କ ପାଇଁ ସମସ୍ୟା ସୃଷ୍ଟି କରିପାରେ ଯେତେବଳେ ଏହି ପୋକଙ୍କୁ ଖାଇଥାନ୍ତି. ଏହାଦ୍ୱାରା ଗାଈଗୋରୁ ମରିଯିବାର ସମ୍ଭାବନା ମଧ୍ୟ ରହିଛି. ମାଇ ପୋକ ଶୁଖିଲା ପତ୍ରର ତଳେ ଅଣ୍ଡା ଦେଇଥାନ୍ତି. ଲାର୍ଭା ବା ଶୂକ ଜମିରେ ରହିଥାଏ ଓ ପଚାସଢ଼ା ଡାଳପତ୍ର ଖାଇଥାଏ. ବେଳେବେଳେ ସେମାନେ ବିହନ କିମ୍ବା ଗଜା ହୋଉଥିବା ଗଛ କୁ ନଷ୍ଟ କରିଦିଅନ୍ତି ଯାହା ଫଳରେ ଗଛ ସଂଖ୍ୟା କମିଯାଏ. ଗରମ ଶୁଖିଲା ପାଗ ( 15°C ରୁ ଅଧିକ) ଏହି ପୋକର ଜୀବନ ଚକ୍ର ପାଇଁ ଅନୁକୂଳ.