ଧାନ
ଧାନର ସବୁଜ ପତ୍ର ଡିଆଁ ପୋକ
Nephotettix spp.
ପୋକ
ସଂକ୍ଷେପରେ
- ଏହା ଟୁଙ୍ଗରୋ ରୋଗର ବାହକ ଅଟେ । ପତ୍ର ଅଗ ବର୍ଣ୍ଣ ହରେଇଥାଏ । କମ ସଂଖ୍ୟକ ପିଲ ସୃଷ୍ଟି ହୋଇଥାଏ । ବୃଦ୍ଧି ରୁଗୁଡିଆ ହୁଏ । କଳା ଦାଗ ଥିବା କିମ୍ବା ନଥିବା ଫିକା ସବୁଜ ପତ୍ର ଡିଆଁ ପୋକ ଥାଆନ୍ତି ।.
ମଧ୍ୟ ଦେଖା ଯାଇପାରେ
ଧାନ
ଲକ୍ଷଣ
ସବୁଜ ପତ୍ର ଡିଆଁ ପୋକ ଗୁଡିକ ଧାନ ଜମି ଗୁଡିକରେ ସବୁଠାରୁ ସାଧାରଣ ପତ୍ର ଡିଆଁ ପୋକ ଅଟନ୍ତି ଓ ଏମାନେ ଟୁଙ୍ଗରୋ ନାମକ ଏକ ଭୁତାଣୁଜନିତ ରୋଗ କୁ ବିସ୍ତାର କରିଥାଆନ୍ତି । ଏହି ଭୁତାଣୁ ଦ୍ୱାରା ପତ୍ର ଅଗ ବର୍ଣ୍ଣ ହରେଇଥାଏ. କମ ସଂଖ୍ୟକ ପିଲ ସୃଷ୍ଟି ହୋଇଥାଏ , ଚେହେରାରେ ହ୍ରାସ ସହ ରୁଗୁଡିଆ ହୋଇଥାଏ ଓ ସବୁଠାରୁ ଖରାପ କ୍ଷେତ୍ରରେ ଫସଲ ଝାଉଁଳି ଯାଇପାରେ । ଟୁଙ୍ଗରୋ ରୋଗ ଦ୍ୱାରା ସଂକ୍ରମିତ ରୋଗର ଲକ୍ଷଣ ଗୁଡିକୁ ଯବକ୍ଷାରଜାନ ଅଭାବ କିମ୍ବା ଲୌହ ବିଷାକ୍ତତା ଭଳି ରୋଗର ଲକ୍ଷଣ ଠାରୁ ଅଲଗା କରିବା ପାଇଁ, କୀଟ ମାନଙ୍କର ଉପସ୍ଥିତିକୁ ଅନୁଧ୍ୟାନ କରନ୍ତୁ: ପତ୍ର ଛଦ କିମ୍ବା ମଝି ଶିରା ଭିତରେ ଧଳା କିମ୍ବା ଫିକା ହଳଦିଆ ରଙ୍ଗର ଅଣ୍ଡା; କଳା ଦାଗ ଥିବା କିମ୍ବା ନଥିବା ହଳଦିଆ କିମ୍ବା ଫିକା ସବୁଜ ଛୁଆ ପୋକ ଥିବା ; ଏକ ନିର୍ଦ୍ଦିଷ୍ଟ ତେରଛା ଚଳ ପ୍ରଚଳ କରୁଥିବା କଳା ଦାଗ ଥିବା କିମ୍ବା ନଥିବା ଫିକା ସବୁଜ ରଙ୍ଗ ର ବୟସ୍କ ପୋକକୁ ଖୋଜନ୍ତୁ ।
ସୁପାରିଶ ଗୁଡିକ
ଜୈବିକ ନିୟନ୍ତ୍ରଣ
ଜୈବିକ ନିୟନ୍ତ୍ରଣ ଗୁଡିକ ମଧ୍ୟରେ ଛୋଟ ବିରୁଡି (ଯାହା ଅଣ୍ଡାଗୁଡିକୁ ସଂକ୍ରମିତ କରିଥାଏ), ମିରିଡି ପୋକ; ସ୍ଟ୍ରେପ୍ସିପଟେରାନ୍ସ, ପାଇପୁନକୁଲିଡ଼ ମାଛି ଓ ସୂତ୍ରଜୀବ (ଏମାନେ ଉଭୟ ଛୁଆ ଓ ବୟସ୍କ ମାନଙ୍କୁ ନିଷ୍କ୍ରିୟ କରିଦିଅନ୍ତି), ଜଳୀୟ ଭେଲିଡ଼ ପୋକ, ନବିଡ ପୋକ, ଏମ୍ପିଡ଼ ମାଛି, ଡାର୍ମସେ ମାଛି, କଙ୍କି ଓ ବୁଢିଆଣୀ କିମ୍ବା କବକଜନିତ ପରଜୀବି ଅନ୍ୟତମ ଅଟନ୍ତି.
ରାସାୟନିକ ନିୟନ୍ତ୍ରଣ
ଯଦି ଉପଲବ୍ଧ ଥାଏ ତାହାଲେ ସର୍ବଦା ଜୈବିକ ଉପଚାର ସହିତ ଏକ ସମନ୍ଵିତ ନିରାକରଣ ପଦ୍ଧତି ଗ୍ରହଣ କରନ୍ତୁ । ଏହି ପୋକ ପାଇଁ ନାନା ପ୍ରକାରର କୀଟନାଶକ ବଜାରରେ ଉପଲବ୍ଧ ଅଛି । ଆପଣଙ୍କ ଜମିରେ ହେଉଥିବା ଅସୁବିଧା ସହ ମେଳ ଖାଉଥିବା ସମାଧାନ କୁ ନିଜ ଆଞ୍ଚଳିକ ବିକ୍ରେତାଙ୍କଠାରୁ ବୁଝି ନିଅନ୍ତୁ । ବ୍ୟୁପ୍ରୋଫେଯ଼ିନ କିମ୍ବା ପାଇମେଟ୍ରୋଯ଼ିନ ର ବୈକଲ୍ପିକ ଉପଚାର ସହାୟକ ହୋଇଥାଏ । କ୍ଲୋରୋପାଇରିଫୋସ, ଲାମ୍ବଡା ସାଇହାଲୋଥ୍ରୀନ କିମ୍ବା ଅନ୍ୟ କୃତ୍ରିମ ପାଇରେଥ୍ରୋଏଡ଼ ମିଶ୍ରଣ ପରି ରସାୟନ ର ବ୍ୟବହାର କରନ୍ତୁ ନାହିଁ ଯାହା ପ୍ରୟୋଗ କରିବା ଦ୍ୱାରା କି ପୋକ ମାନଙ୍କ ଦେହରେ ପ୍ରତିରୋଧି ଶକ୍ତିର ବିକାଶ ହୋଇଯାଏ ।
ଏହାର କାରଣ କଣ
ସବୁଜ ପତ୍ର ଡିଆଁ ପୋକ ଗୁଡିକ ଉଭୟ ଵନ୍ୟପ୍ଲାଵିତ ଅଞ୍ଚଳ ଓ ଜଳସେଚିତ ଓଦାଳିଆ ପରିବେଶରେ ସାଧାରଣ ଅଟେ । ଏମାନେ ଢିପ ଜମି ଧାନ ଫସଲରେ ଏତେ ଦେଖା ଯାଆନ୍ତି ନାହିଁ . ଉଭୟ ଛୁଆ ଓ ବୟସ୍କ ପୋକ ଗୁଡିକ ପତ୍ର ଛଦ ଓ ମଝି ପତ୍ର ଖାଇବା ପରିବର୍ତେ ପତ୍ର ଫଳକର ତଳ ପଟୁ ନିଜ ପୋଷଣ କରିଥାଆନ୍ତି । ଏମାନେ ଅଧିକ ପରିମାଣରେ ଯବକ୍ଷାରଜାନ ଦିଆ ଯାଇଥିବା ଧାନ ଫସଲ ଗୁଡିକୁ ପସନ୍ଦ କରିଥାଆନ୍ତି । ଏହି ପୋକ ଗୁଡିକ ସାଧାରଣତଃ ଆରଟିଭି ସଂକ୍ରମଣ କରିବାର ସମ୍ଭାବନା ବ୍ୟତୀତ ଅନ୍ୟ କିଛି ପାଇଁ ଉଦବେଗର କାରଣ ନୁହନ୍ତି ।
ସୁରକ୍ଷାତ୍ମକ ଉପାୟ
- ପୋକ ପ୍ରତି ପ୍ରତିରୋଧି ଓ ଟୁଙ୍ଗରୋ ପ୍ରତିରୋଧି କିସମ ର ବ୍ୟବହାର କରନ୍ତୁ(ଉଦାହରଣ: ସିଆର-1009) । ବର୍ଷ ପିଛା ଧାନ ଫସଲ ସଂଖ୍ୟା ଦୁଇକୁ କମେଇ ଦିଅନ୍ତୁ । ଜମିରେ ଫସଲ ସ୍ଥାପନ ସମକାଳୀନ ଭାବେ କରନ୍ତୁ । ମୁଖ୍ୟତଃ ଶୁଷ୍କ ଋତୁ ରେ, ଉଦ୍ଦିଷ୍ଟ ରୋପଣ ସମୟ କାଳ ମଧ୍ୟରେ ସହଳ ଲଗାନ୍ତୁ। ଶୁଷ୍କ ଋତୁ ସମୟରେ ଅଣ ଧାନ ଫସଲ ସହିତ ପର୍ଯ୍ୟାୟ କରନ୍ତୁ । ଏମାନଙ୍କୁ ଦେଖେଇବା ପାଇଁ କିମ୍ବା ଏମାନଙ୍କ ସଂଖ୍ୟା କମେଇବା ପାଇଁ ଆଲୋକ ଜନ୍ତା ବ୍ୟବହାର କରାଯାଇ ପାରେ । ସୁପାରିସ ପରିମାଣର ଯବକ୍ଷାରଜାନ ଉପଯୋଗ କରନ୍ତୁ । ଜମି ଭିତରେ ଓ ଏହାର ସୀମା ପାଖରେ ବିକଳ୍ପ ପୋଷକ ଗଛ ସଂଖ୍ୟା କମେଇବା ପାଇଁ ଅନାବନା ଘାସକୁ ନିୟନ୍ତ୍ରଣ କରନ୍ତୁ ।.
ସେୟାର କରନ୍ତୁ
ପ୍ଲାଣ୍ଟିକ୍ସ ଡାଉନଲୋଡ୍ କରନ୍ତୁ
