ସୋୟାବିନ

ବେକ୍ଟେରିଆ ବା ବୀଜାଣୁ ବ୍ରଣ

Xanthomonas axonopodis pv. glycines

ବ୍ୟାକ୍ଟେରିଆ

ଫସଲକୁ ସୁସ୍ଥ କରନ୍ତୁ

ଏକ ଫୋଟ ନିଅନ୍ତୁ

ଡାଇଗ୍ନୋସିସ ଦେଖନ୍ତୁ

ଔଷଧ ପାଆନ୍ତୁ

ପ୍ଲାଣ୍ଟିକ୍ସ ଆପ ପ୍ରାପ୍ତ କରନ୍ତୁ

ସଂକ୍ଷେପରେ

ପତ୍ରର ଉଭୟ ପାର୍ଶ୍ଵରେ ବହଳିଆ କେନ୍ଦ୍ର ସହିତ ଫିକା ସବୁଜ ଚିହ୍ନ ଦେଖାଯାଏ । ଚିହ୍ନର କେନ୍ଦ୍ରରେ ବ୍ରଣ ସୃଷ୍ଟି ହୁଏ । ବାଦାମୀ ଅନିୟମିତ ବିଗଳିତ ତାଳି ସୃଷ୍ଟି ହୁଏ । ତାଳିଗୁଡିକ ପଡିଯାଏ ଏବଂ ଜୀର୍ଣ୍ଣ ପତ୍ର ସୃଷ୍ଟି ହୁଏ ।.

ମଧ୍ୟ ଦେଖା ଯାଇପାରେ

1 ଫସଲ ଗୁଡିକ

ସୋୟାବିନ

ଲକ୍ଷଣ

ପତ୍ରର ଗୋଟିଏ କିମ୍ବା ଉଭୟ ପାର୍ଶ୍ଵରେ ଛୋଟ ଫିକା ସବୁଜ ଚିହ୍ନ ଥାଏ । ଏହି ଚିହ୍ନର ବହଳିଆ କେନ୍ଦ୍ର ଥାଏ ଏବଂ ପରେ ଛୋଟ ଫିକା ବାଦାମୀ କିମ୍ବା କମଳା ରଙ୍ଗର ବ୍ରଣରେ ପରିଣତ ହୁଏ ( ବେଳେବେଳେ ପତ୍ର ଶିରା ପାଖେ ପାଖେ ଥାଏ । ରୋଗର ବିଳମ୍ବ ଅବସ୍ଥାରେ ସେମାନେ ପରସ୍ପର ମିଶନ୍ତି ଏବଂ ବଡ ବାଦାମୀ ଅନିୟମିତ (ବେଳେବେଳେ ହଳଦିଆ ବଳୟ ସହିତ) କ୍ଷତ ଚିହ୍ନରେ ପରିଣତ ହୁଅନ୍ତି । ଏହିମୃତ ଅଂଶ ଚିରି ପବନରେ ଉଡିଯାଏ ଓ ପତ୍ର ଜୀର୍ଣ୍ଣ ଦେଖାଯାଏ । ଛୁଇଁ ଉପରେ ବହଳିଆ ଚିହ୍ନ ସୃଷ୍ଟି ହୁଏ । ଏହି ରୋଗ ପତ୍ରହୀନତା , ମଞ୍ଜି ମାନ ଓ ପରିମାଣ ହ୍ରାସ କରିପାରେ ।

ସୁପାରିଶ ଗୁଡିକ

ଜୈବିକ ନିୟନ୍ତ୍ରଣ

ଆମେ ଦୁଖିତ ଯେ ଏହି ଜାନ୍ଥୋମୋନାଶ ଆକ୍ସୋନୋପୋଡିଶ ପାଇଁ ଆମେ କିଛି ବିକଳ୍ପ ଉପଚାର ଜାଣି ନାହୁଁ । ଆପଣ ଏ ବିଷୟରେ କିଛି ଜାଣିଥିଲେ ଆମ ସହିତ ସମ୍ପର୍କ କରନ୍ତୁ

ରାସାୟନିକ ନିୟନ୍ତ୍ରଣ

ଯଦି ମିଳେ , ସର୍ବଦା , ଜୈବିକ ଉପଚାର ସହ ଏକ ସମନ୍ଵିତ ନିରାକରଣ ପଦ୍ଧତି ଗ୍ରହଣ କରନ୍ତୁ ।ଆବଶ୍ୟକ ଫଳ ସୁନିଶ୍ଚିତ କରିବା ପାଇଁ ରୋଗର ସହଳ ଅବସ୍ଥାରେ ତମ୍ବା ଆଧାରିତ କବକନାଶୀ( ଉଦାହରଣ ସ୍ୱରୂପ କପର ଅକ୍ସିକ୍ଳୋରାଇଡ , 3 ଗ୍ରାମ /ଲିଟର ପାଣି ) ପ୍ରୟୋଗ କରନ୍ତୁ ।

ଏହାର କାରଣ କଣ

ଜାନ୍ଥୋମୋନାଶ ଆକ୍ସୋନୋପୋଡିଶ , ପିଭି ଗ୍ଲାଇସିନେସ ଯୋଗୁଁ ଏହି ଲକ୍ଷଣ ଦେଖାଯାଏ । ଏହା ଏକ ବିହନ ବାହିତ ବୀଜାଣୁ ଯାହାକି ମାଟିରେ ଥିବା ଫସଲ ଅବଶେଷ ମଧ୍ୟରେ ଶୀତ ସୁପ୍ତି କରିପାରେ । ଏହା ପବନ ,ଜଳ ବିନ୍ଦୁ କିମ୍ବା ପୋକ ଦ୍ଵାରା ବାହିତ ହୁଏ ଏବଂ ପ୍ରକୃତିକ ରନ୍ଧ୍ର ବା ଯାନ୍ତ୍ରିକ ଆଘାତ ଦେଇ ଗଛ ମଧ୍ୟରେ ପ୍ରବେଶ କରେ । ଏହି ରୋଗ ପ୍ରାୟ ଋତୁରେ ସହଳ ଦେଖାଯାଏ , କିନ୍ତୁ ବିଳମ୍ବ ସମୟରେ ମଧ୍ୟ ଦେଖାଯିବା ସମ୍ଭବ ଅଟେ । ଏହା ବାରମ୍ବାର ବର୍ଷା ଓ ଓଦା ପତ୍ର ସହିତ ଗରମ ଓ ଓଦା ପାଣିପାଗ ପରିସ୍ଥିତି ଦ୍ଵାରା ଅନୁକୂଳିତ ହୁଏ । 30 - 33 ଡିଗ୍ରୀ C ହେଉଛି ଏହି ରୋଗ ପାଇଁ ଅନୁକୂଳ ତାପମାତ୍ରା । ଏହି ବୀଜାଣୁ ପରିଚାଳନା ପାଇଁ ପୋଟାସ ଓ ଫସଫରସ ମୁଖ୍ୟ ଭୂମିକା ଗ୍ରହଣ କରେ ।

ସୁରକ୍ଷାତ୍ମକ ଉପାୟ

ପ୍ରତିରୋଧି କିସମ ରୋପଣ କରନ୍ତୁ । କେବଳ ରୋଗମୁକ୍ତ ବିହନ ବ୍ୟବହାର କରନ୍ତୁ । ପୋଷକ ନଥିବା ଫସଲ ସହ ପର୍ଯ୍ୟାୟ କରନ୍ତୁ । ପତ୍ର ଓଦା ଥିବା ସମୟରେ ଜମିରେ କାମ କରି ଗଛକୁ ଆଘାତ ଦିଅନ୍ତୁ ନାହିଁ ।ସୁନିଶ୍ଚିତ କରନ୍ତୁ ଯେ ଆପଣଙ୍କ ଉର୍ବରୀକରଣ ଯୋଜନାରେ ପୋଟାସ ଓ ଫସଫରସ ଅନ୍ତର୍ଭୁକ୍ତ ଅଛି । ଜମିର ଉତ୍ତମ ପରିଚ୍ଛନ୍ନତା ରକ୍ଷା କରନ୍ତୁ । ଅମଳ ପରେ ଗଭୀର ଚାଷ କରନ୍ତୁ କିମ୍ବା ସବୁ ଗଛ ଅବଶେଷକୁ କାଢି ଜାଳି ଦିଅନ୍ତୁ ।.