ଆଳୁ

ଆଳୁ ଯାଦୁରା ରୋଗ

Streptomyces scabies

ବ୍ୟାକ୍ଟେରିଆ

ଫସଲକୁ ସୁସ୍ଥ କରନ୍ତୁ

ଏକ ଫୋଟ ନିଅନ୍ତୁ

ଡାଇଗ୍ନୋସିସ ଦେଖନ୍ତୁ

ଔଷଧ ପାଆନ୍ତୁ

ପ୍ଲାଣ୍ଟିକ୍ସ ଆପ ପ୍ରାପ୍ତ କରନ୍ତୁ

ସଂକ୍ଷେପରେ

ଗଛର ଭୂମି ଉପରେ କୌଣସି ଲକ୍ଷଣ ଦେଖାଯାଏ ନାହି। ଆଳୁ ଉପରେ ବାଦାମି ସୋଲ ପରି ଫୋଟକା ଦେଖାଯାଏ । ଆଳୁ ଉପରେ ଅଗଭୀର ଠାରୁ ଗଭୀର କଣା ଏବଂ ଜାଲ ଭଳି ଫାଟ ଥାଏ ।.

ମଧ୍ୟ ଦେଖା ଯାଇପାରେ

1 ଫସଲ ଗୁଡିକ

ଆଳୁ

ଲକ୍ଷଣ

ଗଛର ଭୂମି ଉପର ଅଂଶ ଯଥା ପତ୍ର , କାଣ୍ଡ , ଡେମ୍ଫ ଆଦିରେ କୌଣସି ଲକ୍ଷଣ ଦେଖାଯାଏ ନାହି । ସାଧାରଣତଃ , ନୂଆ ଆଳୁ କନ୍ଦର ଉପରେ ପ୍ରାଥମିକ ଲକ୍ଷଣ ଦେଖାଯାଏ ଏବଂ ଗଛର ବୃଦ୍ଧି ସହିତ ଏହା ସମ୍ପ୍ରସାରିତ ହୁଏ ଓ ବିଭିନ୍ନ ଲକ୍ଷଣ ଯଥା ବାହ୍ୟ ପିଙ୍ଗଳ ବର୍ଣ ଯାହାକି ଚୋପାର ଅଧିକାଂଶ ସ୍ଥାନ ଆବରଣ କରେ , ଲାଲ ବାଦାମି ବହଳିଆ ସୋଲ ପରି ଚୋପା , ଗାଢ ରଙ୍ଗର , ଊଣା ଅଧିକେ ଗଭୀର କଣା ଏବଂ ଜାଲ ଭଳି କ୍ରମାନ୍ଵୟରେ ଫାଟ ଇତ୍ୟାଦି । ଗୋଟିଏ ଆଳୁରେ ଏକାଧିକ ଲକ୍ଷଣ ଦେଖାଯାଇପାରେ । ଅନ୍ୟ କନ୍ଦ ଜାତୀୟ ଓ ମୂଳ ଜାତୀୟ ପରିବା ଫସଲ ଯଥା ବିଟ , ଗାଜର , ହଳଦିଆ ଗାଜର ଏବଂ ମୂଳା ପ୍ରଭାବିତ ହୋଇପାରନ୍ତି । ଏହି ସବୁ କ୍ଷେତ୍ରରେ , ଉଭୟ ଅମଳ ଓ ମାନ ରେ ହ୍ରାସ ଘଟେ ।

ସୁପାରିଶ ଗୁଡିକ

ଜୈବିକ ନିୟନ୍ତ୍ରଣ

କମ୍ପୋଷ୍ଟ , କମ୍ପୋଷ୍ଟ ଚାହା କିମ୍ବା ଉଭୟର ମିଶ୍ରଣ ସହ ଆଳୁ ଉପଚାର କଲେ ସାଧାରଣ ଆଳୁ ଯାଦୁରା ରୋଗ କମିଥାଏ । ବୀଜାଣୁର ପ୍ରତିଦ୍ଵନ୍ଦୀ କିସମ ଥିବା ଜୈବିକ ସାର ପ୍ରୟୋଗ ଉଭୟ ଅମଳ ଓ ମାନ ବୃଦ୍ଧି କରେ ।

ରାସାୟନିକ ନିୟନ୍ତ୍ରଣ

ଯଦି ମିଳେ , ସର୍ବଦା , ଜୈବିକ ଉପଚାର ସହିତ , ଏକ ସମନ୍ଵିତ ନିରାକରଣ ପଦ୍ଧତି ଗ୍ରହଣ କରନ୍ତୁ । ଆଳୁ ଯାଦୁରା ପାଇଁ ରାସାଯନିକ ନିୟନ୍ତ୍ରଣ କଷ୍ଟକର ଅଟେ , କାରଣ ଏହା ବେଳେବେଳେ ଗଛକୁ ଆଘାତ ଦିଏ । ଫ୍ଳୁଏଜିନାମ ,କ୍ଳୋରୋଥାଲୋନୀଲ , ଏବଂ ମାଙ୍କୋଜେବ ଦ୍ଵାରା ବିହନ ଉପଚାର କଲେ ସଂକ୍ରମଣର ମାତ୍ର କମିଥାଏ ।

ଏହାର କାରଣ କଣ

ଷ୍ଟ୍ରେପ୍ତୋମାଇସେସ ସ୍କେବିସ ବୀଜାଣୁ ଯାହାକି ମାଟିରେ ସଂକ୍ରମିତ ଚେର ଟିସୁରେ ବଞ୍ଚେ , ଏହି ଲକ୍ଷଣ ସୃଷ୍ଟି କରେ । ଏହା ପାଣି , ସଂକ୍ରମିତ ଗଛ ସାମଗ୍ରୀ , ଏବଂ ପବନ ଦ୍ଵାରା ଉଡୁଥିବା ମାଟି ଦ୍ଵାରା ବିସ୍ତାର ହୁଏ । ଏହା ମୁଖ୍ୟତଃ ଘା' ଓ ପ୍ରକୃତିକ ରନ୍ଧ୍ର ଦେଇ ଗଛ ମଧ୍ୟକୁ ପ୍ରବେଶ କରେ । ଆଳୁର ବୃଦ୍ଧି ଅବସ୍ଥାରେ ଶୁଖିଲା ଓ ଗରମ ପାଗ ସଂକ୍ରମଣର ଶଙ୍କା ବଢାଏ । ଯେହେତୁ ବୀଜାଣୁ ଅଧିକ ପରିମାଣର ଅମ୍ଳଜାନ ଆବଶ୍ୟକ କରେ , ଉତ୍ତମ ବାୟୁ ଚଳାଚଳ କରୁଥିବା ମାଟି ଓ ଫସଫସିଆ ମାଟିରେ ଏହି ସଂକ୍ରମଣର ସମ୍ଭାବନା ଅଧିକ ଥାଏ । ଶୁଖିଲା ଓ କ୍ଷାରୀୟ ମାଟିରେ ଏହି ଜୀବାଣୁ ବ୍ୟାପକ ଭାବରେ ଦେଖାଯାନ୍ତି। ଷ୍ଟ୍ରେପ୍ତୋମାଇସେସ ସ୍କେବିସ ପ୍ରତି ପ୍ରବଣତା ଆଳୁ କିସମ ଅନୁସାରେ ଭିନ୍ନ ଭିନ୍ନ ହୁଏ ଏବଂ କେତେକ ପ୍ରତିରୋଧି କିସମ ଅଳ୍ପ , ଟାଣ ରନ୍ଧ୍ର ଏବଂ ବହଳ ଚୋପା ଧାରଣ କରିଥାନ୍ତି ।

ସୁରକ୍ଷାତ୍ମକ ଉପାୟ

ସହନୀୟ କିସମ ଲଗାନ୍ତୁ । ଉତ୍ତମ ସମନ୍ଵିତ ଜମି ପର୍ଯ୍ୟାୟ କରନ୍ତୁ । ନିୟମିତ ଜଳସେଚନ ସହିତ ଉତ୍ତମ ମୃତ୍ତିକା ଆର୍ଦ୍ରତା ରକ୍ଷା କରନ୍ତୁ ଓ ଅତ୍ୟଧିକ ଜଳସେଚନ ଦିଅନ୍ତୁ ନାହି । ନିର୍ଦ୍ଦିଷ୍ଟ ସାର ପ୍ରୟୋଗ ଯୋଜନା ସହିତ ମାଟିର ପିଏଚ କମ ରଖନ୍ତୁ । ଉଦାହରଣ ସ୍ଵରୁପ ,ସରଳ ଗନ୍ଧକ , ଜିପସମ କିମ୍ବା ଏମୋନିଆମ ସଲ୍ଫେଟର ପ୍ରୟୋଗ ମାଟିର ପିଏଚ ଏବଂ ରୋଗର ମାତ୍ରା କମାଏ । ଲଗାଇବା ପୂର୍ବରୁ ଚୂନ ପ୍ରୟୋଗ କରନ୍ତୁ ନାହି ।.