କପା
କପା ଫଳ କବକ ପଚା ରୋଗ
Fusarium/Aspergillus/Phytophthora/Rhizopus/Diplodia
ଫିମ୍ପି
ସଂକ୍ଷେପରେ
- ଗାଢ ବିବର୍ଣ୍ଣତା ଏବଂ ଫଳ ନରମ ହୋଇଯାଏ। ଫଳ ଅକାଳରେ ଖୋଲିଯାଏ ଏବଂ କପାଫଳ ଝଡିଯାଏ।.
ମଧ୍ୟ ଦେଖା ଯାଇପାରେ
କପା
ଲକ୍ଷଣ
କପା ଫସଲରେ କପା ଫଳ କବକ ପଚା ରୋଗ କ୍ରମ ଉନ୍ନତ ଲକ୍ଷଣ ଦ୍ୱାରା ଚିହ୍ନିତ ଅଟେ। ପ୍ରାରମ୍ଭରେ, ଛୋଟ ସବୁଜ ରଙ୍ଗର କପା ଫଳରେ ଛୋଟ ବାଦାମୀ କିମ୍ବା କଳା ଦାଗ ଦେଖାଯାଏ, ଯାହା ପରେ ସମଗ୍ର ଫଳକୁ ଆଚ୍ଛାଦନ କରିବାକୁ ବିସ୍ତାର କରେ। ପ୍ରଭାବିତ ଫଳ ଗାଢ ବାଦାମୀ ରଙ୍ଗରୁ କଳା ରଙ୍ଗ ହୁଏ, ନରମ ହୋଇଯାଏ ଏବଂ ପାଣିରେ ଭିଜାଯାଇଥିବା ଭଳି ଦେଖାଯାଏ। ଏହି ରୋଗ ଅଗ୍ରଗତି କଲାବେଳେ ଏହା ଭିତର ଟିସୁକୁ ପ୍ରବେଶ କରି ମଞ୍ଜି ଏବଂ ତନ୍ତୁ କୁ କ୍ଷୟ କରେ। ଗୁରୁତର ପରିସ୍ଥିତିରେ, କବକ ଯୋଗୁଁ ଫଳ ଅକାଳରେ ଖୋଲିପାରେ, ଯାହାଦ୍ୱାରା କପା ସୂତା ଦାଗଯୁକ୍ତ ଏବଂ ଖରାପ ହୋଇଯାଏ। ଆର୍ଦ୍ର ଅବସ୍ଥାରେ, ଫଳରେ କବକ ବୃଦ୍ଧି ଦୃଶ୍ୟମାନ ହୋଇପାରେ।
ସୁପାରିଶ ଗୁଡିକ
ଜୈବିକ ନିୟନ୍ତ୍ରଣ
କେବଳ ଜୈବିକ ପ୍ରଣାଳୀ ବ୍ୟବହାର କରି କପା ଫଳ କବକ ପଚା ରୋଗକୁ ସମ୍ପୂର୍ଣ୍ଣ ନିୟନ୍ତ୍ରଣ କରିବା ଏକ ଚ୍ୟାଲେଞ୍ଜ ଅଟେ। ଅନୁସନ୍ଧାନକାରୀମାନେ ଟ୍ରାଇକୋଡର୍ମା ଭିରିଡେ ପରି ବିକଳ୍ପଗୁଡିକ ଅନୁସନ୍ଧାନ କରୁଛନ୍ତି, କିନ୍ତୁ ଏହା ବ୍ୟବସାୟିକ ବ୍ୟବହାର ପାଇଁ ଏପର୍ଯ୍ୟନ୍ତ ଉପଲବ୍ଧ ହୋଇନାହିଁ।
ରାସାୟନିକ ନିୟନ୍ତ୍ରଣ
ରୋଗ ବିସ୍ତାରକୁ ରୋକିବା ପାଇଁ ପତ୍ର ଏବଂ ବିହନ ଜି ଉପରେ ସ୍ପ୍ରେ ଭାବରେ ତମ୍ବା/କପର ଅକ୍ସିକ୍ଲୋରାଇଡ୍ ଏବଂ ମାନକୋଜେବ୍ ପ୍ରୟୋଗ କରନ୍ତୁ। ଆହୁରି ମଧ୍ୟ, ବିଭିନ୍ନ ଜୀବାଣୁ ସହିତ ଲଢିବା ପାଇଁ ଫ୍ଲକ୍ସାପାଇରୋକ୍ସାଡ ଏବଂ ପିରାକ୍ଲୋଷ୍ଟ୍ରୋବିନକୁ ମିଶ୍ରଣ କରନ୍ତୁ। ଯେତେବେଳେ ଆପଣ ପ୍ରଥମେ ରୋଗକୁ ଲକ୍ଷ୍ୟ କରନ୍ତି, ଏହି ମିଶ୍ରଣକୁ ପ୍ରୟୋଗ କରନ୍ତୁ ଏବଂ ସଂପୂର୍ଣ୍ଣ ନିୟନ୍ତ୍ରଣ ପାଇଁ 15 ଦିନ ପରେ ଉପଚାର ପୁନରାବୃତ୍ତି କରନ୍ତୁ। ଯଦି କୀଟନାଶକ କିମ୍ବା ଯେ କୌଣସି ରାସାୟନିକ ପଦାର୍ଥ ବ୍ୟବହାର କରାଯାଏ, ସୁରକ୍ଷାତ୍ମକ ପୋଷାକ ପିନ୍ଧିବା ଏବଂ ଲେବେଲର ନିର୍ଦ୍ଦେଶ ଯତ୍ନର ସହିତ ପଢିବା ଗୁରୁତ୍ୱପୂର୍ଣ୍ଣ ଅଟେ। ଦେଶ ଅନୁସାରେ ନିୟମାବଳୀ ଭିନ୍ନ ହୋଇଥାଏ, ତେଣୁ ଏହା ସୁନିଶ୍ଚିତ କରନ୍ତୁ ଯେ ଆପଣ ଆପଣଙ୍କ ଅଞ୍ଚଳ ପାଇଁ ନିର୍ଦ୍ଦିଷ୍ଟ ମାର୍ଗଦର୍ଶିକା ପାଳନ କରୁଛନ୍ତି। ଏହା ନିରାପତ୍ତା ସୁନିଶ୍ଚିତ କରିଥାଏ ଏବଂ ଫଳପ୍ରଦ ପ୍ରୟୋଗର ସମ୍ଭାବନା ବଢାଇ ଥାଏ।
ଏହାର କାରଣ କଣ
କପା ଫଳ କବକ ପଚା ରୋଗ ମାଟିରେ ଏବଂ ବିହନରେ ଥିବା ବିଭିନ୍ନ କବକ ଦ୍ଵାରା ହୋଇଥାଏ। ଅତ୍ୟଧିକ ଯବକ୍ଷରଜାନ, ଅତ୍ୟଧିକ ଜଳସେଚନ, ବର୍ଷା ଏବଂ ଉଚ୍ଚ ଆର୍ଦ୍ରତା ଭଳି କାରକ ଏହି ରୋଗର ଆଶଙ୍କା ବଢାଇ ଥାଏ। ଏହି ସାଧାରଣତଃ ଗଛର ତଳ ଭାଗରେ ଖୋଲି ନଥିବା ଫଳରେ ଦେଖାଯାଏ ଏବଂ ପ୍ରାୟତଃ ବୁଣିବାର 100 ଦିନ ପରେ ହୋଇଥାଏ। ଅନେକ ସମୟରେ ଫଳ କୀଟ ଏବଂ ଲାଲ କପା କୀଟ ଭଳି ପୋକ ଦ୍ଵାରା ଫଳରେ ହୋଇଥିବା ଫାଟ ବା ଆଘାତ ଦେଇ କବକ ଏବଂ ବ୍ୟାକ୍ଟେରିଆ ଭିତରକୁ ପ୍ରବେଶ କରିଥାଏ। ଏହି ରୋଗ ସଂକ୍ରମିତ ଫଳରେ ଥିବା କବକ ଦ୍ଵାରା ଉତ୍ପନ୍ନ ହେଉଥିବା ପବନ ବାହିତ କବକ ରେଣୁ ମାଧ୍ୟମରେ ମଧ୍ୟ ବିସ୍ତାର ଲାଭ କରିପାରେ।
ସୁରକ୍ଷାତ୍ମକ ଉପାୟ
- ସୁସ୍ଥ ବିହନ ବ୍ୟବହାର କରନ୍ତୁ। ଅତ୍ୟଧିକ ନାଇଟ୍ରୋଜେନ୍/ଯବକ୍ଷରଜାନ ପ୍ରୟୋଗରୁ ଦୂରେଇ ରୁହନ୍ତୁ ଏବଂ ସଠିକ୍ ଭାବରେ ଜଳସେଚନ କରନ୍ତୁ। ବିଳମ୍ବରେ ବୁଣିବା ଠାରୁ ଦୂରେଇ ରୁହନ୍ତୁ। ଚଉଡା ବ୍ୟବଧାନ ଦିଅନ୍ତୁ। ବର୍ଷା ଋତୁରେ ଲକ୍ଷଣ ଦେଖିବା ପାଇଁ ଗଛର ନିମ୍ନ ଭାଗରେ ପରିପକ୍ୱ ଫଳକୁ ନିୟମିତ ଯାଞ୍ଚ କରନ୍ତୁ। ଫଳ କୀଟ (ବୋଲ ୱାର୍ମ) ଏବଂ ରେଡ୍ କଟନ୍ ବଗ୍ (ଲାଲ କପା ଭୃଙ୍ଗ) ଭଳି କୀଟକୁ ନିୟନ୍ତ୍ରଣ କରିବା ଏହି କ୍ଷେତ୍ରରେ ମହତ୍ତ୍ୱପୂର୍ଣ୍ଣ ଅଟେ।.
ସେୟାର କରନ୍ତୁ
ପ୍ଲାଣ୍ଟିକ୍ସ ଡାଉନଲୋଡ୍ କରନ୍ତୁ
