ବଳୟ ଦାଗ

ଲକ୍ଷଣ

ସାଧାରଣତଃ ପୁରୁଣା ପତ୍ରରେ ଲକ୍ଷଣ ଦେଖାଯାଏ, କିନ୍ତୁ ଯଦି ନୂଆ ପତ୍ର ପ୍ରଭାବିତ ହୁଏ, ତାହାହେଲେ ଅତ୍ୟଧିକ ଲକ୍ଷଣ ହୋଇଥାଏ। ପ୍ରାରମ୍ଭରେ ପତ୍ର ଫଳକରେ ହଳଦିଆ ବଳୟ ଘେରି ରହିଥିବା 3-5 ମିମି ଛୋଟ ଗାଢ ଦାଗ ଦେଖାଯାଏ। ଶିରା ମଧ୍ୟରେ ସୀମିତ ରହି ତାହା ସବୁଜ-ମାଟିଆ କିମ୍ବା ଧୂସର-କଳା ଓ 2-3 ସେମି ବଡ ହୋଇଥାଏ। ଦାଗ ମଧ୍ୟରେ ଛୋଟ ବିନ୍ଦୁଗୁଡିକ ସମକେନ୍ଦ୍ରିକ ବଳୟ ସୃଷ୍ଟି କରିଥାନ୍ତି। ଦାଗ ଗୁଡିକ ପରସ୍ପର ମିଶି ପତ୍ରକୁ ହଳଦିଆ କରିଥାନ୍ତି। ଅତ୍ୟଧିକ ସଂକ୍ରମଣ ସ୍ଥଳେ, ଅସମୟ ପତ୍ରଝଡା ଦେଇଥାଏ। ବଳୟ ଦାଗ କବକ ଦ୍ଵାରା ହୋଇଥିବା ଦାଗ ଅଲ୍ଟର୍ନାରିଆ ଜାତି ଦ୍ଵାରା ହୋଇଥିବା ଦାଗ ସଦୃଶ ଦେଖାଯାଏ। ମୁଖ୍ୟ ପ୍ରଭେଦ ହେଉଛି, ବଳୟ ଦାଗ ଧୂସର ଓ ସମକେନ୍ଦ୍ରିକ ବଳୟ ଭିତରେ କଳା, ପିନ ମୁନ ଭଳି ବିନ୍ଦୁ ଥାଏ। ଭୁଇଁ ଉପରେ ଗଛର ସବୁ ଅଂଶରେ ଲକ୍ଷଣ ଦେଖାଯାଇ ପାରେ। ପ୍ରତି କ୍ଷତ ଚିହ୍ନରେ ଗାଢ ସମକେନ୍ଦ୍ରିକ ବଳୟ ଥାଏ, କଳା ଫଳନ ଅଂଶ ଗଠନ କରେ ଏବଂ ଏକ ହଳଦିଆ କ୍ଷେତ୍ର ଦ୍ଵାରା ଆବୃତ୍ତ ନିର୍ଦ୍ଦିଷ୍ଟ ଧାର ଥାଏ। ଅତ୍ୟଧିକ ସଂକ୍ରମଣରେ ଦାଗ ଗୁଡିକ ପରସ୍ପର ମିଶିଥାନ୍ତି ଏବଂ ସଂପୂର୍ଣ୍ଣ ଗଛ ପ୍ରଭାବିତ ହୋଇପାରେ ଓ କଳା ପଡିଯାଇ ପାରେ। ମଞ୍ଜି ଡେମ୍ଫରେ କବକ 2,4-ଡ଼ି ତୃଣନାଶକ ଦ୍ଵାରା ହେଉଥିବା କ୍ଷତ ସଦୃଶ ବିକୃତି ସୃଷ୍ଟି କରିଥାଏ। ଗଚ୍ଛିତ ବନ୍ଧାକୋବିରେ ଗାଢ କ୍ଷତ ଚିହ୍ନ ବିକାଶିତ ହୋଇପାରେ ଓ ଅଧିକ ଭିତରକୁ ଯାଇପାରେ।