କଦଳୀ
କଦଳୀର ଧଳା ପତ୍ର ଚିହ୍ନ ରୋଗ
Cordana musae
ଫିମ୍ପି
ସଂକ୍ଷେପରେ
- ପତ୍ର ଧାର ପାଖରେ ଅଣ୍ଡାକାର ହଳଦିଆ କିମ୍ବା ଫିକା ବାଦାମୀ ଚିହ୍ନ ଦେଖାଯାଏ ।ଲମ୍ବା ଫିକା ବାଦାମୀ ଟିସୂର ପଟୀ ଥାଏ। ବଡ ଉଜ୍ଜଳ ହଳଦିଆ ଚିହ୍ନ ।.
ମଧ୍ୟ ଦେଖା ଯାଇପାରେ
କଦଳୀ
ଲକ୍ଷଣ
ତଳ ପତ୍ରର ଧାର ପାଖରେ ଅଣ୍ଡାକାର କିମ୍ବା ଆଖି ଆକାରର ହଳଦିଆ ଫିକା ବାଦାମୀ ଚିହ୍ନ ଦେଖାଯାଏ । ସମୟକ୍ରମେ ,ଏହି ଚିହ୍ନ ବଢେ ଓ କେନ୍ଦ୍ର ସ୍ଥାନ ବିଗଳିତ ହୁଏ ଏବଂ ଧୀରେ ଧୀରେ ଏହା ସକେନ୍ଦ୍ରୀ ସ୍ଵଛ ଚିହ୍ନରେ ( concentric zonation) । ଏହି ଚିହ୍ନ ଅଧିକ ଦିନ ରହିଲେ ଏହା ଶିରା ଲମ୍ବରେ ପତ୍ର ବଢିବା ସହ ବଢେ । ଅନେକ ଚିହ୍ନ ପରସ୍ପର ସହ ମିଶି ହଳଦିଆ ରଙ୍ଗ ଘେରି ରହିଥିବା ବଡ ବିଗଳିତ ଚିହ୍ନ ହୁଏ । ଯେତେବେଳେ ପତ୍ର ଧାର ସଂକ୍ରମିତ ହୁଏ , ଛୋଟ ସକେନ୍ଦ୍ରୀ ଚିହ୍ନ ବିକଶିତ ହୁଏ ଯାହା ପରେ ଫିକା ବାଦାମୀ ବିଗଳିତ ଟିସୂର ବଡ଼ ପଟୀରେ ପରିଣତ ହୁଏ । ଏହି ପଟୀ ବେଳେବେଳେ ମଧ୍ୟ ଶିରା ପର୍ଯ୍ୟନ୍ତ ଆସିଥାଏ । ଯେହେତୁ ସଂକ୍ରମିତ ସ୍ଥାନ ଉଜ୍ଜଳ ହଳଦିଆ ରଙ୍ଗ ଦ୍ଵାରା ଘେରି ରହିଥାଏ ରୋଗାକ୍ରାନ୍ତ ପତ୍ର ସ୍ପଷ୍ଟ ଭାବରେ ଜଣାପଡେ ।
ସୁପାରିଶ ଗୁଡିକ
ଜୈବିକ ନିୟନ୍ତ୍ରଣ
ଏହି ରୋଗ ପାଇଁ କିଛି ଜୈବିକ ସମାଧାନ ନାହି। ତେଣୁ କଦଳୀ ବଗିଚାର ଉପଯୁକ୍ତ ପରିଚାଳନା ଅଧିକ ଗୁରୁତ୍ବପୂର୍ଣ । ଅତ୍ୟଧିକ କ୍ଷେତ୍ରରେ ,ଜୈବିକ ତମ୍ବା ବା କପର ମିଶ୍ରଣ ଉଦାହରଣ ସ୍ୱରୂପ 1% ବୋର୍ଡୋକ୍ସ ମିଶ୍ରଣ ସଂକ୍ରମିତ ଜାଗାରେ ସିଂଚନ କରାଯାଇପାରେ ।
ରାସାୟନିକ ନିୟନ୍ତ୍ରଣ
ଯଦି ମିଳେ , ସର୍ବଦା ,ଜୈବିକ ଉପଚାର ସହିତ ଏକ ସମନ୍ଵିତ ନିରାକରଣ ପଦ୍ଧତି ଗ୍ରହଣ କରନ୍ତୁ । ଯେହେତୁ କଦଳୀର ଅନେକଗୁଡିଏ ପତ୍ର ଦାଗ ରୋଗ ରହିଛି ,ତେଣୁ ସୁନିଶ୍ଚିତ କରନ୍ତୁ ଯେ ଏହା କୋର୍ଡନା ପତ୍ରଦାଗ ବା ଚିହ୍ନ ଏବଂ ଫ୍ରିକଲେ ଦାଗ କମ୍ବା ସିଗାଟୋକା ନୁହେଁ । ଅତ୍ୟଧିକ କ୍ଷେତ୍ରରେ ,0.4% ମଙ୍କୋଜେବ କିମ୍ବା କାଫର ଅକ୍ସିକ୍କ୍ଲୋରାଇଡର ତେଲ ଭିତ୍ତିକ ମିଶ୍ରଣ (0.2 - 0.4%) ପ୍ରାୟୋଗ କରନ୍ତୁ । ସଂସ୍ପର୍ଶ କବକନାଶୀ ଯଥା କ୍ଳୋରୋଥାଲୋନୀଳ କିମ୍ବା ମଙ୍କୋଜେବ ଏବଂ ଶରୀର ଚର କବକନାଶୀ ଟେବୁକୋନାଜଲ କିମ୍ବା ପ୍ରୋପିକୋନାଜଳ ସୁପାରିସ କରାଯାଏ । ସୁନିଶ୍ଚିତ କରନ୍ତୁ ଯେ ଏହି ପ୍ରୟୋଗ ଉପର ପତ୍ରକୁ ଯାଉଛି ।
ଏହାର କାରଣ କଣ
କୋର୍ଡନା ମୁସେ ନାମକ କବକ ଯୋଗୁଁ ଏହି ରୋଗର ଲକ୍ଷଣ ଦେଖାଯାଏ । ତେଣୁ ଏହାକୁ କୋର୍ଡନା ପତ୍ରଦାଗ ବା ଚିହ୍ନ ବୋଲି ମଧ୍ୟ କୁହାଯାଏ । ଏହା କଦଳୀର ଗୋଟିଏ ମୁଖ୍ୟ କବକ ଜନିତ ରୋଗ ଏବଂ ପ୍ରାୟ ସବୁ କଦଳୀ ଚାଷ ଅଞ୍ଚଳରେ ପ୍ରଭାବ ବିସ୍ତାର କରିଥାଏ । ଏହା ବର୍ଷା ଛାଟ କିମ୍ବା ପବନ ଦ୍ଵାରା ବିସ୍ତାର ଲାଭ କରେ ଯାହାକି ଘଞ୍ଚ ଭାବରେ ଲଗାଯାଇଥିବା ଜମିରେ ଅଧିକ କ୍ଷତି କରିଥାଏ । ବାରମ୍ବାର ବର୍ଷା ସହିତ ଗରମ ଓ ଆର୍ଦ୍ର ପରିସ୍ଥିତିରେ ଏହି କବକର ବୃଦ୍ଧି ତ୍ଵରିତ ହୋଇଥାଏ । ଏହି ସଂକ୍ରମଣ ଦ୍ଵାରା ପତ୍ରର କ୍ଷତି ବହୁମାତ୍ରାରେ ଆଲୋକସଂଶ୍ଳେଷଣ କ୍ଷେତ୍ର କମାଇଥାଏ ଓ ଅମଳ କମାଏ ।
ସୁରକ୍ଷାତ୍ମକ ଉପାୟ
- ଯଦି ବଜାରରେ ମିଳେ ,ତାହାହେଲେ ସହନୀୟ କିସମ ବ୍ୟବହାର କରନ୍ତୁ । ପତ୍ରର ପରସ୍ପର ସ୍ପର୍ଶ ଓ ଛାଇକୁ ଦୂରେଇବାକୁ ଉପଯୁକ୍ତ ବ୍ଯବଧାନ ରଖନ୍ତୁ । ସୁନିଶ୍ଚିତ କରନ୍ତୁ ଯେ ନୂଆ ବଗିଚା ସଂକ୍ରମିତ ବଗିଚା ଠାରୁ ଦୂରରେ ଅଛି । ଆପେକ୍ଷିକ ଆର୍ଦ୍ରତା କମାଇବା ପାଇଁ ସିଂଚନ ଜଳସେଚନ ବାରଣ କରନ୍ତୁ ଓ ତା ପରିବର୍ତେ ବୁନ୍ଦା ଜଳସେଚନ ପ୍ରଣାଳୀ ବ୍ୟବହାର କରନ୍ତୁ । ସମତୁଲ ପୋଷଣ ପ୍ରୟୋଗ କରନ୍ତୁ । ଅତିରିକ୍ତ ଯବକ୍ଷାରଜନ ଦିଅନ୍ତୁ ନାହି । ସଂକ୍ରମିତ ପତ୍ର କାଢନ୍ତୁ ଓ ପୋଡନ୍ତୁ । ପୁରୁଣା ଝୁଳୁଥିବା ପତ୍ର କାଢି ବଗିଚା ସଫା ରଖନ୍ତୁ ।.
ସେୟାର କରନ୍ତୁ
ପ୍ଲାଣ୍ଟିକ୍ସ ଡାଉନଲୋଡ୍ କରନ୍ତୁ
