କଦଳୀ
କଦଳୀର ବୀଜାଣୁ ମୃଦୁ ଗଳନ ବା ପଚା
Pectobacterium carotovorum
ବ୍ୟାକ୍ଟେରିଆ
5 mins to read
ସଂକ୍ଷେପରେ
- ମୂଳ ପୁଆର ଅନ୍ତଃ ଟିସୁ ପଚିଯାଏ । ଖରାପ ଗନ୍ଧ ଆସେ । ଗଛର ବେକ ଓ ପତ୍ର ମୂଳରେ ବାଦାମୀ କିମ୍ବା ହଳଦିଆ ପାଣିଭିଜା ଚିହ୍ନ ଦେଖାଯାଏ । କାଣ୍ଡ ମୂଳ ଫୁଲି ଯାଏ ଓ ଫାଟି ଯାଏ । ପତ୍ର ଶୁଖିଯାଏ ।.
ମଧ୍ୟ ଦେଖା ଯାଇପାରେ
କଦଳୀ
ଲକ୍ଷଣ
ନୂଆ ଲଗାଯାଇଥିବା ପୁଆରେ ଅନ୍ତଃ ଟିସୂ ପଚିଯିବା ଓ ମିଥ୍ୟା କାଣ୍ଡ ଓ ଚେର ମଧ୍ୟ ପଚିଯିବା ଏହାର ପ୍ରାରମ୍ଭିକ ଲକ୍ଷଣ । ଏହା ବ୍ୟତୀତ ଘନ ବାଦାମୀ କିମ୍ବା ହଳଦିଆ ପାଣିଭିଜା ଚିହ୍ନ ଅନ୍ତଃ ଟିସୂରେ ଦେଖାଯାଏ ଓ ଖରାପ ଗନ୍ଧ ବାହାରେ । ଯେତେବେଳେ ସଂକ୍ରମିତ ଗଛକୁ କାଟି ବେକ ପାଖରେ ଖୋଲାଯାଏ ,ହଳଦିଆଠୁ ଲଳ ରଙ୍ଗର ତରଳ ପଦାର୍ଥ ଦେଖାଯାଏ । ବେକ ପାଖ ପଚିବା ପରେ ପତ୍ରର ଚେହେରାରେ ହଠାତ ହ୍ରାସ ହୁଏ ଓ ପରେ ସମ୍ପୂର୍ଣ ଶୁଖିଯାଏ । ପରବର୍ତ୍ତୀ ସମୟରେ କାଣ୍ଡ ମୂଳ ଫୁଲି ଯାଏ ଓ ଫାଟିଯାଏ । ବୟସ୍କ ଗଛରେ ବେକ ପାଖରେ ଏବଂ ପତ୍ର ମୂଳେ ପଚେ । ଯଦି ସଂକ୍ରମିତ ଗଛକୁ ବାହାରକୁ ଟଣାଯାଏ ଏହା ବେକ ପାଖରେ ଭାଙ୍ଗି ଯାନ୍ତି ଓ କନ୍ଦ ଓ ଚେରକୁ ଜମିରେ ଛାଡିଦିଅନ୍ତି । ସାଧାରଣତଃ ଏହି ରୋଗ ଲଗାଇବାର 3-5 ମାସ ପରେ ଦେଖାଯାଏ ।
Recommendations
ଜୈବିକ ନିୟନ୍ତ୍ରଣ
ବାରତାମମାନ ପାଇଁ କୌଣସି ଜୈବିକ ଉପଚାର ଏହି ରୋଗ ପାଇଁ ନାହି। ରୋଗହେବା ଜଣା ପଡିଲା ପରେ ସଂକ୍ରମିତ ଗଛକୁ ରୋଗମୁକ୍ତ କରାଯାଇପାରିବ ନାହି କିମ୍ବା ସଂକ୍ରମଣ କମାଯାଇପାରିବ ନାହି । ଯଦି ଆପଣ କିଛି ଜୈବିକ ନିୟନ୍ତ୍ରଣ ବିଷୟରେ ଜାଣିଛନ୍ତି ଦୟାକରି ଆମକୁ କୁହନ୍ତୁ ।
ରାସାୟନିକ ନିୟନ୍ତ୍ରଣ
ଯଦି ସମ୍ଭବ ଜୈବିକ ଉପଚାର ସହିତ ସର୍ବଦା ସମନ୍ଵିତ ନିରାକରଣ ପଦ୍ଧତି ଗ୍ରହଣ କରନ୍ତୁ । ରୋଗହେବା ଜଣା ପଡିଲା ପରେ ସଂକ୍ରମିତ ଗଛକୁ ରୋଗମୁକ୍ତ କରାଯାଇପାରିବ ନାହି କିମ୍ବା ସଂକ୍ରମଣ କମାଯାଇପାରିବ ନାହି । ଯଦି ଆପଣ କିଛି ରାସାଯନିକ ନିୟନ୍ତ୍ରଣ ବିଷୟରେ ଜାଣିଛନ୍ତି ଦୟାକରି ଆମକୁ କୁହନ୍ତୁ ।
ଏହାର କାରଣ କଣ
ଏହି ରୋଗ ମୃତ୍ତିକା ବାହିତ ବୀଜାଣୁ ପେକ୍ଟୋବାକ୍ଟେରିଆମ କାରଟୋଭୋରମ ର ଏକ ଉପଜାତି ଯୋଗୁଁ ହୋଇଥାଏ । ଏହା ଫସଲର ଅବଶେଷ ଓ ଆର୍ଦ୍ର ମାଟିରେ ବଞ୍ଚି ରହେ । ଏହା ଗଛ ଗଛ ମଧ୍ୟରେ ବର୍ଷା ଜଳ ,ଜଳସେଚନ ଓ ସଂକ୍ରମିତ ବିହନ ସାମଗ୍ରୀ ଦ୍ଵାରା ବିସ୍ତାର ଲାଭ କରିଥାଏ । ମୁଖ୍ୟତଃ ନୂଆ ଗଛ (ମୂଳ ପୁଆ ) ଏହି ରୋଗ ଦ୍ଵାରା ପ୍ରଭାବିତ ହୁଅନ୍ତି । ଗଛର ଟିସୂରେ ଥିବା ପ୍ରକୃତିକ ଓ କୃତିମ କ୍ଷତ ଦେଇ ଏହି ବୀଜାଣୁ ଭିତରେ ପ୍ରବେଶ କରେ । ଅନ୍ତଃ ଟିସୂର କ୍ଷୟ ଓ ତତଜନିତ ଜଳ ଓ ପୋଷାକ ପରିବହନରେ ବାଧାପ୍ରାପ୍ତ ଯୋଗୁଁ ଏହାର ଲକ୍ଷଣ ଦେଖାଦିଏ । ଉଚ୍ଚ ଆର୍ଦ୍ରତା ଓ ବାରମ୍ବାର ବର୍ଷା ବୀଜାଣୁ ବୃଦ୍ଧିକୁ ସାହାଯ୍ୟ କରନ୍ତି । ଖରା ଦିନେ ଗରମ ଓ ଓଦା ପାଗରେ ଏହା ଅଧିକ ହୁଏ । ଯଦି ରୋଗ କାନ୍ଧି ହେଲାବେଳେ ହୁଏ ଅର୍ଥନୈତିକ କ୍ଷତି ଅଧିକ ହୁଏ ।
ସୁରକ୍ଷାତ୍ମକ ଉପାୟ
- ରୋଗ ସଂସର୍ଗ ନିୟମ ପାଳନ କରନ୍ତୁ । ସୁସ୍ଥ ବିହନ ସାମଗ୍ରୀ ବିଶ୍ଵସନୀୟ ସ୍ଥାନରୁ ଆଣନ୍ତୁ ବା ସୁସ୍ଥ ମୂଳ ପୁଆ ବ୍ୟବହାର କରନ୍ତୁ । ଗଛ ଓ ଗଛ ମଧ୍ୟରେ ଠିକ ବ୍ୟବଧାନ ରଖନ୍ତୁ । କ୍ଷେତ୍ରରେ ଜଳ ଜମି ନ ରହିବା ପାଇଁ ଉତ୍ତମ ଜଳ ନିଷ୍କାସନ ସୁନିଶ୍ଚିତ କରନ୍ତୁ ।ଭଲଭାବରେ ସଢିଥିବା କମ୍ପୋଷ୍ଟ ବା ଜୈବିକ ପଦାର୍ଥ ବ୍ୟବହାର କରନ୍ତୁ । ରୋଗର ଲକ୍ଷଣ ଦେଖିବା ପାଇଁ ଜମିରେ ବା ଗଛରେ ନିୟମିତ ନିରୀକ୍ଷଣ କରନ୍ତୁ । ବ୍ଲିଚିଙ୍ଗ ସାହାଯ୍ୟରେ କମ ପରେ ଯନ୍ତ୍ରପାତି ବିଶୋଧନ କରନ୍ତୁ । ଅତି କମରେ ତିନି ବର୍ଷ ପାଇଁ ପ୍ରତିରୋଧି କିସମ ଓ ଅପୋଷକ ଫସଲ ସହ ଫସଲ ପର୍ଯ୍ୟାୟ କରନ୍ତୁ । ଚାଷ କରିବା ସମୟରେ ସତର୍କତା ସୁନିଶ୍ଚିତ କରନ୍ତୁ । ଯାନ୍ତ୍ରିକ କ୍ଷତ କରନ୍ତୁ ନାହି। ପତ୍ର ଓଦା ଥିବା ସମୟରେ ଜମିରେ କାମ କରନ୍ତୁ ନାହି କିମ୍ବା ସାର ପ୍ରୟୋଗ କରନ୍ତୁ ନାହି । ଶୁଖିଲା ପାଗରେ ଅମଳ କରନ୍ତୁ । ସଂକ୍ରମିତ ଗଛକୁ କଢନ୍ତୁ ଏବଂ ପୋଡି ନଷ୍ଟ କରନ୍ତୁ ।.
ସେୟାର କରନ୍ତୁ
ପ୍ଲାଣ୍ଟିକ୍ସ ଡାଉନଲୋଡ୍ କରନ୍ତୁ
