પાંદડાં પર કથ્થાઈ રંગના ટપકાં

લક્ષણો

કાસાવાના છોડ પર રહેલા અથવા જમીન પર પડેલા રોગગ્રસ્ત પાંદડાં પર આ ફૂગ નભે છે. તે પવન અથવા વરસાદના ઝાપટાં દ્વારા નવા પાંદડા અને છોડમાં ફેલાય છે. એમ. હેનર્નિંગ્સી એક ઘા નિર્માણ કરે છે જે શરૂઆતમાં નાના ગોળાકાર, લીલા-પીળા ટપકાં તરીકે શરૂ થાય છે. તે જેમજેમ વિકાસ પામે છે તેમ તેમ, પાંદડાની મુખ્ય નસો દ્વારા વિભાજીત થઇ અને ખૂણાવાળા પટ્ટા તરીકે વિકાસે છે. ઉપલી સપાટી પર આ ટપકાં વિવિધ કદના, અને ઉપસેલી ઘેરા કથ્થાઈ રંગની કિનારી સાથે સહેજ કથ્થાઈ રંગના દેખાય છે. કેટલીકવાર, આ પટ્ટામાંથી પસાર થતી પાંદડાંની નાની નસો કાળા રંગની સુકાયેલી રેખા તરીકે જોવા મળે છે. સમય જતાં, ટપકાંઓનું કેન્દ્ર સૂકાઈ જાય છે. ગંભીર ચેપના કિસ્સામાં પાંદડાના ટપકાની ફરતે પીળા રંગની આભા દેખાય છે જે ટોક્સિન દ્વારા ઉત્પન્ન થાય છે. આગળ વધતાં આ ઘા આખા પાંદડાને આવરી શકે છે, જેના કારણે અકાળે પાનખરનું કારણ બને છે. પાંદડાની નીચલી સપાટી પર આ ટપકાં રાખોડી રંગના અને ઓછા અલગ તરી આવે છે.