કોફીના પાંદડાં માં કાણાં

તે શાના કારણે થયું?

કોફીના પાંદડાંમાં કાણાં પાડનાર (સીએલએમ) ના લાર્વા ના કારણે નુકસાન થાય છે, જે ફક્ત કોફીના પાંદડા ને જ ખાય છે. રાત્રી દરમિયાન પુખ્ત કીડા પ્રજનન કરે છે અને માદા કિડા કોફીના પાંદડાની ઉપરની સપાટી પર ઇંડા મૂકે છે. ઈંડા મુકવા પૂર્વેનો સમય 20 ડિગ્રી સેલ્સિયસ તાપમાને 3.6 દિવસ હોય છે. દરેક ઇંડા લગભગ 0.3 મીમી કદના હોય છે અને તે નરી આંખથી જોવા મુશ્કેલ હોય છે. ઈંડામાંથી બહાર આવ્યા બાદ, પાંદડાની બહારની સપાટીના સંપર્કમાં રહેલ ઈંડાનો નીચલો ભાગ પાંદડા પર જ છોડી દઈને લાર્વા પાંદડામાં પ્રવેશ કરે છે. લાર્વા પારદર્શક અને 3.5 મીમી લંબાઈ સુધીના હોય છે. લાર્વા પાંદડાના મેસોફિલ પર નભે છે અને પાંદડામાં કાણા પાડે છે. આ કાણા ના કારણે પાંદડા સુકાય છે, તથા પ્રકાશસંશ્લેષણ માટે જરૂરી પાંદડાની સપાટીને ઘટાડે છે. આનાથી છોડમાં પ્રકાશસંશ્લેષણનો દર ઘટે છે અને છોડને નાશ તરફ દોરી જાય છે. લાર્વા ને ચાર તબક્કા હોય છે. લાર્વા કાણામાંથી બહાર આવે છે અને રેશમ જેવા તાંતણાથી એક્સ આકારના કોશેટા બનાવે છે, જે સામાન્ય રીતે પાંદડાના રેખીય પ્રદેશમાં હોય છે અને ત્યાં પુપ નિર્માણ થાય છે. સામાન્ય રીતે, છોડના નીચલા ભાગમાં જ્યાં નાશ પામેલ પાંદડાનો ભરાવો હોય છે ત્યાં વધુ પુપ જોવા મળે છે. પુપમાંથી સરેરાશ 2 મીમી લંબાઈ અને 6.5 મીમી પાંખ સાથે પુખ્ત વયના કીડા ઉદ્ભવે છે. તેઓ લાંબા એન્ટેના સાથે સફેદ વાળ જેવા ભીંગડા ધરાવે છે જે પેટના છેડા સુધી ફેલાયેલ હોય છે અને કથ્થઈ-સફેદ રંગની પાંખો ધરાવે છે. પુખ્ત વયના કીડા બહાર આવ્યા બાદ પ્રજનન કરે છે અને ઈંડા મૂકી આવનારી પેઢીનું ચક્ર ફરીથી શરૂ કરે છે. સૂકા અને વધુ તાપમાનવાળા વાતાવરણમાં જંતુની ઘટના વધુ જોવા મળે છે.