પાક કાપી નાખનાર કાળી ઈયળ

તે શાના કારણે થયું?

કાળી ઈયળો ભૂખરા-છીકણી રંગની ખડતલ હોય છે. તેની આગળની પાંખો છીકણી રંગની હોય છે અને તેની કિનારીઓ તરફ ઘાટા નિશાનો હોય છે, તેની પાછળની પાંખો સફેદ હોય છે. તેઓ નિશાચર છે અને દિવસ દરમિયાન જમીનમાં છુપાય છે. માદા દેખાવમાં નર જેવી જ દેખાય છે પણ તેનો રંગ થોડાક અંશે ઘાટો હોય છે. તેઓ છોડ પર, ભેજવાળી જમીન પર અથવા જમીનની તિરાડો પર એકદમ સફેદ મોતી જેવા(પછીથી આછા છીકણી) રંગનાં ઇંડા મૂકે છે. લાર્વાની ઇંડામાંથી બહાર નીકળવાની પ્રક્રિયા તાપમાન પર આધાર રાખે છે અને તે લગભગ 3 થી ૨૪ દિવસ (ક્રમશઃ ૩૦ ડિગ્રી સેલ્સિયસ અને ૧૨ ડિગ્રી સેલ્સિયસ) સુધીનો સમય લે છે. યુવાન લાર્વા દેખાવમાં આછા ભૂખરા, મુલાયમ અને ચીકણા હોય છે અને તેમની લંબાઈ ૫ થી ૧૦ મીમી હોય છે. પુખ્ત લાર્વા ઘાટા છીકણી રંગના હોય છે અને ૪૦ મીમી સુધીની લંબાઈ ધરાવે છે. તેની પીઠ પર બે પીળા રંગની ટપકાંવળી પટ્ટીઓ જોવા મળે છે. તેઓ રાત્રે છોડમાંથી પોષણ મેળવે છે અને દિવસ દરમિયાન C આકારમાં માટીની સપાટીની નીચે નાના છીછરા ટનલમાં વળેલ જોવા મળે છે.