નાળિયેર
નાળિયેરની મસી
Aceria guerreronis
સૂક્ષ્મ જીવાત
ટૂંકમાં
- કુમળા મોરની ટોચ પાસે આછા પીળા કે સફેદ ત્રિકોણાકાર ધબ્બા દેખાય છે.
- આ ધબ્બા ભૂરા કે કાળા થઈ જાય છે અને ઊંડી ખરબચડી તિરાડો નિર્માણ કરે છે.
- હુમલો કરાયેલ ફળ ઘણીવાર નાના, વિકૃત બની તેનો આકાર ગુમાવી દે છે.
- નાના ફળો કાપણી માટે તૈયાર થાય તે પહેલાં જ ઝાડ પરથી ખરી શકે છે.
- નાળિયેરની અંદરના કોપરા અને છોતરાંના રેસાની ગુણવત્તામાં ઘટાડો થાય છે.
માં પણ મળી શકે છે
નાળિયેર
લક્ષણો
હુમલાના પ્રથમ સંકેત તરીકે રક્ષણાત્મક આવરણની નીચે રહેલ ખૂબ જ નાના ફળો પર નાના, આછા પીળા અથવા સફેદ રંગના ત્રિકોણાકાર ધબ્બા દેખાય છે. જેમ જેમ ફળો મોટા થાય છે, તેમ તેમ આ ધબ્બા કથ્થઈ કે કાળા રંગના થઈ જાય છે અને છાલ ખરબચડી અને લાંબી તિરાડો વાળી બની જાય છે. આ જીવાત ચોક્કસ જગ્યાએ ખોરાક લેતી હોવાથી ફળ અસમાન રીતે વધે છે, જેના કારણે તે નાના અથવા વિકૃત આકારના દેખાય છે. ઘણા કિસ્સાઓમાં, ફળ ઝાડ પરથી વહેલા ખરી શકે છે. જ્યારે લણણી કરવામાં આવે છે, ત્યારે નાળિયેરમાં ખુબ જ ઓછું કોપરું હોય છે, અને અંદરના રેસા ઘણીવાર નુકસાન પામેલા હોય છે જેથી તેનો ઉપયોગ કરવો મુશ્કેલ બને છે.
ભલામણો
જૈવિક નિયંત્રણ
વિકલ્પોમાં મદદરૂપ શિકારી જીવાતનો ઉપયોગ શામેલ છે જે કુદરતી રીતે ફળની ટોપી નીચે રહેતી જીવાતનો શિકાર કરે છે. ચોક્કસ પ્રકારની ફાયદાકારક ફૂગ પણ લાગુ કરી શકાય છે; જે જીવાત વિકાસ પામી તેને મારી નાખે છે. લીમડા અથવા લસણમાંથી બનાવેલા કુદરતી તેલનો વિકાસશીલ ફળના ગુચ્છા પર છંટકાવ કરી શકાય છે જેથી જીવાતની ખોરાક લેવાની ક્ષમતા ધીમી પડે. ફળ નિર્માણ થાય કે તરત અપનાવવામાં આવે તો આ પદ્ધતિઓ સૌથી અસરકારક હોય છે.
રાસાયણિક નિયંત્રણ
હંમેશા નિવારક પગલાં અને જૈવિક/પર્યાવરણને અનુકૂળ સારવાર સાથે સંકલિત અભિગમનો વિચાર કરો. આ જીવાત નાળિયેરની ટોપી નીચેની સાંકડી જગ્યામાં રહેતી હોવાથી પ્રવાહીથી આ જીવાતોનું નિયંત્રણ કરવું પડકાર જનક છે. કોઈપણ સારવાર માટે, તેને ઝાડની "ટોચ" માં, ખાસ કરીને સૌથી નાના કદના ફળોના ગુચ્છો પર કરવી આવશ્યક છે. જંતુની વસ્તીને વધતી અટકાવવા માટે ઋતુની શરૂઆતમાં કાર્ય કરવું શ્રેષ્ઠ છે. એક જ પ્રકારની સારવાર કરતાં વિવિધ પદ્ધતિઓનો ઉપયોગ કરવો વધુ સારું છે, કારણ કે તેનાથી સમય જતાં જીવાતનું સંચાલન કરવામાં મદદ કરે છે.
તે શાના કારણે થયું?
આ સમસ્યા નાની ગાજર આકારની જીવાતને કારણે થાય છે જે માઇક્રોસ્કોપ વગર જોઈ શકાતી નથી. તેઓ નારિયેળની ટોપી નીચે મોટી વસાહતોમાં છુપાઈને રહે છે, જ્યાં તે નરમ, કોમળ પેશીઓમાંથી રસ ચૂસે છે. આ જીવાતનું જીવનચક્ર ખૂબ જ ઝડપી હોય છે, દર 7 થી 10 દિવસે નવી પેઢી પેદા કરે છે, જેના કારણે તેમની સંખ્યામાં ઝડપથી વધારો થાય છે. તેઓ પવન દ્વારા એક ઝાડ પરથી બીજા પર સરળતાથી ફેલાય છે અથવા જંતુઓ અને પક્ષીઓ દ્વારા પણ પરિવહન કરે છે. તે સમગ્ર વર્ષ દરમિયાન હાજર હોય છે, છતાં શુષ્ક અથવા ઉચ્ચ ભેજવાળા સમયગાળા દરમિયાન સૌથી વધુ નુકસાન પહોંચાડે છે.
નિવારક પગલાં
- કુદરતી રીતે મસી સામે પ્રતીકરક્ષમ હોય તેવા નાળિયેરની જાતો અથવા હાઇબ્રિડ પસંદ કરો.
- નાળિયેરીને પૂરતા પ્રમાણમાં નાઇટ્રોજન, ફોસ્ફરસ અને પોટેશિયમ મળે તે રીતે સંતુલિત પોષક તત્વો આપવાની ખાતરી કરો.
- નાળિયેરીના કુદરતી સંરક્ષણને મજબૂત બનાવવા માટે માટીમાં બોરેક્સ અથવા જીપ્સમ ઉમેરો.
- તાણ ઘટાડવા માટે, ખાસ કરીને સૂકી ઋતુમાં, સારી રીતે પાણી પૂરું પાડો.
- નીચે પડી ગયેલા "અંકુર" અને નાના ફળોને દૂર કરો અને તેનો નાશ કરો.
- આનાથી જીવાત છુપાઈને રહે તેવા સ્થળોથી છુટકારો મળે છે.
- જીવાતને વહન કરતા પવનને રોકવા માટે રોપાની આસપાસ ઊંચા વૃક્ષો વાવો અથવા પવન અવરોધક લગાવો.
- શણ જેવા પાક ઉગાડો જેનાથી જમીનનું માળખું સુધરે છે અને લાભદાયક જંતુઓના વિકાસને ટેકો મળે છે.
- પીળાશ પડવાના પ્રારંભિક સંકેતો જોવા માટે ઝાડની ટોચ પર રહેલ નાના ફળના ગુચ્છાને નિયમિતપણે તપાસો.
શેર કરો
પ્લાન્ટીક્સ ડાઉનલોડ કરો
