ખાટાં ફળોની કળીઓમાં જોવા મળતી સૂક્ષ્મ જીવાત

તે શાના કારણે થયું?

ખાટા ફળોની કળીઓમાં જોવા મળતી સૂક્ષ્મ જીવાત એસિરિયા શેલ્ડોની ના કારણે લક્ષણો નિર્માણ થાય છે. તેને નરી આંખે જોઇ શકાતી નથી પરંતુ ખાટા ફળોની વાડીમાં તે ખૂબ જ નુકસાન કરે છે અને ઉપજમાં નોંધપાત્ર રીતે ઘટાડો થાય છે. બહિર્ગોળ કાચ વડે જોતા, ફૂલ ની કળીઓ પર અતિસૂક્ષ્મ, ઈયળ જેવા આકારની, લાક્ષણિક ક્રીમ જેવા સફેદ અથવા દુધિયા રંગની સૂક્ષ્મ જીવાત જોવા મળે છે. શિયાળાના મહિનાઓમાં, કળીઓના નીચેના ભાગમાં તે રક્ષણ પામે છે. જ્યારે વસંતઋતુમાં પરિસ્થિતિ અનુકુળ બને ત્યારે, માદા સૂક્ષમ જીવાત બહાર આવે છે અને ફૂલની કળીઓ પરના ભીંગડાની નીચે નવા વિકાસ માટે તેના ઈંડા મૂકે છે. બાળ કિડાં ડાળી અને ફાલની વૃદ્ધિ પામતી ટોચ ઉપર હુમલો કરે છે, જેનાથી કુમળા પાંદડા, ફૂલની કળીઓ અને અંકુરમાં વિકૃતિ નિર્માણ થાય છે. પરિણામે ઝાડની વૃદ્ધિ નબળી પડે છે. ફળોનો વિકાસ પણ નબળો પડે છે અને ફળોમાં ગંભીર વિકૃતિ નિર્માણ થઈ શકે છે. હૂંફાળા, સૂકા વાતાવરણ દરમિયાન તેમની વસ્તીમાં ઝડપથી વધારો થાય છે અને તેવી પરિસ્થિતિમાં ખુબ જ ઓછો ચેપ હોવા છતાં ગંભીર માત્રામાં નુકસાન થઈ શકે છે.