બીટના પાંદડાં પર સેરકોસ્પોરા ટપકાં

લક્ષણો

આ રોગ પહેલા જૂના, નીચલા પાંદડા પરથી શરૂ થાય છે અને પછી કુમળા પાંદડાં તરફ આગળ વધે છે. પાંદડાં અને પાંદડાંની દાંડી પર આછા કથ્થઈ અથવા રાખોડી રંગના, ગોળાકાર અથવા લંબગોળ ટપકાં (2-3 મીમી વ્યાસ) દેખાય છે. આ સુકાયેલ પેશીઓની ફરતે લાલ-કથ્થઈ રંગની કિનારી હોય છે. ઘણીવાર ટપકાં એકરૂપ થાય છે, અને તેનું કેન્દ્ર સુકાઈ અને ખરી પડે છે, જેનાથી પાંદડાની સપાટી (શોટ-હોલ અસર) પર કાણાં દેખાય છે. ધીરે ધીરે પાંદડાના રંગમાં પણ વિકૃતિ આવે છે જે પ્રથમ પીળા (ક્લોરોસિસ) રંગના અને પછીથી, જેમ જેમ તે સૂકાઈ અને નાશ પામે, કથ્થઈ રંગના બને છે. દૂરથી, જોતા અસરગ્રસ્ત છોડ બળી ગયા હોય તેવું લાગે છે, અને સુકાયેલ પાંદડાં છોડ પરથી દૂર થઇ શેક છે. ડાળીઓ અને પાંદડાની દાંડી પરના ટપકાં વિસ્તૃત થાય છે અને ઘણી વખત તે સહેજ સુકાયેલ હોય છે. લાંબા સમયની ભેજવાળી પરિસ્થિતિ હેઠળ, પાંદડાની નીચેની સપાટી પર, ખાસ કરીને ઝખ્મની નીચે, ઘેરા રાખોડી રંગની મલમલ જેવી દેખાતી ફૂગનો વિકાસ જોઈ શકાય છે.