સેપ્ટોરિયા ટપકા

લક્ષણો

ફળ ઉપર નાના, નિશાન અથવા ખાડાઓ (1-2 મીમી વ્યાસ) દેખાય છે, કે જે તેની છાલના સ્તર કરતાં વધુ ઊંડા હોતા નથી. શરૂઆતમાં આ ખાડા આછા સોનેરી રંગના અને ફરતે લીલા રંગની સાંકડી કિનારી ધરાવે છે, જે ફળ પરિપક્વ બનતાં લાલાશ પડતા કથ્થાઈ રંગમાં ફેરવાય છે. આ જખમ ભેગા મળી એક અનિયમિત આકારનો, કથ્થઈ થી કાળા રંગનો મોટો વિસ્તાર રચી શકે છે. આ જખમની અંદર ખૂબ જ નજીક નજીક, જૂથ જેવા માળખામાં કાળા રંગના કણો નિર્માણ થઈ શકે છે, જે ફળમાં ફૂગની હાજરી નું પ્રતિનિધિત્વ કરે છે. ખુબ જ અસર પામેલ ફળમાં ઝડપથી એક લાક્ષણિક દુર્ગંધ નિર્માણ થાય છે અને અકાળે ખરી પડે છે. પાંદડા પર તેના લક્ષણો ફરતે પીળા રંગની આભા સાથે ઉપસેલા, ફોલ્લા જેવા કાળા ટપકા દ્વારા દર્શાવી શકાય છે. સમય જતા આ ટપકાનું કેન્દ્ર સુકાય છે અને આછા કથ્થાઇ રંગનું બને છે. અનુકૂળ પરિસ્થિતિ હેઠળ આ રોગના કારણે ઝાડના નીચેના ભાગમાં રહેલ પાંદડા ખરી પડે છે. પાંદડા ખરી પડતા, આ જખમ ઘેરા કથ્થાઈ રંગનું બને છે અને ફરતે ઘેરા રંગની કિનારીનું નિર્માણ થાય છે. જખમી અંદર કાળા રંગના સુગંધી દ્રવ્યો નિર્માણ થાય છે.