જુવારના પાંદડાં પર ખરબચડા ટપકાં

લક્ષણો

ચેપના પ્રારંભિક તબક્કામાં, પાંદડા પર લાલ નાના ટપકાં દેખાય છે. આ ટપકાં ધીમે ધીમે ઉપસે છે અને નાની કાળી ફોલ્લીઓનું નિર્માણ થાય છે, મુખ્યત્વે પાંદડાની ઉપરની સપાટી પર દેખાય છે. તે આખરે તૂટે છે, અને તેઓ પાંદડાં પર કાળી કિનારી વાળા સફેદ રંગના મુખ બનાવે છે. પછીના તબક્કે, જખમ લંબગોળાકારે મોટા થતા રહે છે અને ઘાટાં કેન્દ્રવાળા જાંબલી કે ઘેરા લાલ રંગના બને છે. તેઓ પણ એકરૂપ થઈ શકે છે, અને એક સાંકડી, ઘાટી લાલ રેખાથી ઘેરાયેલ ખુબ જ ઘેરા ચાઠાં રચે છે. ઝખ્મ પર નાનો, કાળો, કડક અને ઊપસેલા ફુગના ભાગો દેખાય છે, જે તેમને ખરબચડો દેખાવ આપે છે. તે પાયકનીડીયા તરીકે પણ ઓળખાય છે, તેઓ ક્યારેક તંદુરસ્ત લીલા પાંદડાની સપાટી પર પણ જોઈ શકાય છે. તેવું જ જખમ પાંદડાંના આવરણ પર અને ક્યારેક સાંઠા પર પણ હોઈ શકે છે. છેલ્લે, પાંદડા નાશ પામે છે.