અન્ય
ઉત્તરી પાંદડા પર ફૂગ
Setosphaeria turcica
ફૂગ
5 mins to read
ટૂંકમાં
- નીચેના પાંદડા પર પ્રથમ લક્ષણો થાય છે.
- પાંદડાની કિનારીને સમાંતર લાંબા સાંકડા રાતા શ્યામ ઘાટી કિનારીવાળા 25-150 એમ એમ લાંબા જખમ.
- રોગ ને કારણે પાંદડા સુકાય છે , કરમાય છે અને મૃત્યુ પામે છે.
અન્ય
લક્ષણો
લક્ષણો પહેલા નીચેના પાંદડા પર નાના, અંડાકાર, પાણી ભરાયેલા ટપકા તરીકે દેખાય છે. જેમ જેમ રોગ વિકસે છે, તે છોડના ઉપલા ભાગ પર દેખાવાના શરૂ થાય છે. જુના ટપકા ધીમે ધીમે નિસ્તેજ લીલી પાણી સોશાયેલ કિનારીવાળા અને વિશિષ્ટ ઘાટા ટપકા સાથે રાતા, લાંબા સિગાર આકારના મૃત જખમ માં વિકસે છે. આ જખમ પાછળથી એકરૂપ થાય છે અને પાંદડાની ધાર અને દાંડી નો એક મોટો ભાગ ઢાંકી દે છે, અને ક્યારેક મૃત્યુ અને નાશ તરફ દોરી જાય છે. જો મુખ્ય ડાળીના વિકાસ દરમિયાન છોડના ઉપરના ભાગોમાં ચેપ ફેલાય છે ત્યારે ઉપજને ગંભીર નુકસાન (70% સુધી) થઇ શકે છે.
Recommendations
જૈવિક નિયંત્રણ
ટ્રાઇકોડર્મા હરઝીયાનમ અથવા બેસિલસ સબટાઇટલિસ પર આધારિત જૈવિક- ફુગનાશક ચેપનું જોખમ ઘટાડવા માટે વિવિધ તબક્કે લાગુ પાડી શકાય છે. સલ્ફર દ્રાવણ નો છંટકાવ પણ અસરકારક છે.
રાસાયણિક નિયંત્રણ
સાવચેત ખેતીની પદ્ધતિઓ સાથે પ્રતિબંધક પગલાં નો સંકલિત અભિગમ ની ભલામણ કરવામાં આવે છે. પ્રારંભિક પ્રતિબંધક ફૂગનાશકનો ઉપયોગ રોગને અંકુશમાં રાખવા માટે નો એક અસરકારક રસ્તો હોઈ શકે છે. અથવા તો, જ્યારે નીચલા છત્ર પર લક્ષણો દેખાય ત્યારે ઉપરના પાંદડાં અને કાનના રક્ષણ માટે ફુગનાશકો ને લાગુ પાડી શકાય છે. એઝોક્સીસ્ટ્રોબિન, પિકોક્સીસ્ટ્રોબિન, મંકોઝેબ, પાયરાકલોસ્ટ્રોબિન, પ્રોપિકોનાઝોલ, ટેટ્રાકોનાઝોલ પર આધારિત છંટકાવો લાગુ પાડો. પિકોક્સીસ્ટ્રોબિન + સાયપ્રોકોનાઝોલ , પાયરાકલોસ્ટ્રોબિન + મેટકોનાઝોલ, પ્રોપિકોનાઝોલ + એઝોક્સીસ્ટ્રોબિન, પ્રોથીઓકોનાઝોલ + ટ્રિફ્લોક્સીસ્ટ્રોબિન પર આધારિત ઉત્પાદનો લાગુ કરો. બીજની સારવારની ભલામણ કરવામાં આવતી નથી.
તે શાના કારણે થયું?
ફૂગ શિયાળા દરમ્યાન જમીનમાં અથવા છોડના કાટમાળમાં રહે છે. વરસાદ, રાત્રે ઝાકળ, ઉચ્ચ ભેજ અને મધ્યમ તાપમાન ફૂગના ફેલાવાને તરફેણ કરે છે.પવન અથવા વરસાદ દ્વારા તે પહેલા જમીન માંથી યુવાન મકાઇના છોડના નીચેના પાંદડા પર ફેલાય છે. વરસાદી વાતાવરણ અને ખેતરની નબળી પરિસ્થિતિ ખેતરની અંદર અને અન્ય છોડ પર તેના ફેલાવાની તરફેણ કરે છે. વૃદ્ધિની મોસમ દરમિયાન ચેપ માટે 18 થી 27 ° સે વચ્ચેનું તાપમાન શ્રેષ્ઠ હોય છે. પાંદડા ની ભીનાશનો 6 થી 8 કલાક લાંબો સમયગાળો પણ જરૂરી છે. જુવાર ફૂગનો અન્ય મનપસંદ યજમાન છે.
નિવારક પગલાં
- પ્રતિકારક અથવા સહિષ્ણુ જાતોનું વાવેતર કરો.
- સંતુલિત પોષક પુરવઠો મળી રહે તેની ખાતરી કરો અને અતિશય નાઇટ્રોજનયુક્ત ખાતર ટાળો.
- ખેતરમાં અને તેની આસપાસ નિયમિત નીંદણ કરો.
- વ્યાપક ફેલાવો ટાળવા માટે સોયાબીન, કઠોળ, અથવા સૂરજમુખીના પાક સાથે ફેરબદલ કરો.
- છોડનો કાટમાળ દાટવા અને જમીનમાં જીવાણુની માત્રા ઘટાડવા માટે ઊંડી ખેડ કરો.
શેર કરો
પ્લાન્ટીક્સ ડાઉનલોડ કરો
