ઘઉંમાં છૂટી મેસ

તે શાના કારણે થયું?

બીજજન્ય ફૂગ ઉસ્ટિલેગો ટ્રીટીસીના કારણે આ લક્ષણો નિર્માણ થાય છે, જે ચેપી ઘઉંના દાણામાં નિષ્ક્રિયતાથી ટકી રહે છે. ફૂગનો વિકાસ છોડના જીવન ચક્રની સાથે સાથે ગતિ પામે છે. જયારે ઉપદ્રવ પામેલ બીજનું અંકુરણ થાય છે, કુમળા ઘઉંના છોડના અંકુરની સાથે સાથે ફૂગ વૃદ્ધિ શરૂ કરે છે અને છેવટે ફૂલની પેશીઓને અસર કરે છે. પરાગરજના બદલે, ફૂલો ફૂગના બીજકણ વિખેરે છે જે પવન દ્વારા બીજા તંદુરસ્ત ફૂલો પર ફેલાય છે. જ્યાં, તે અંકુરણ પામી અને આંતરિક પેશીઓમાં વૃદ્ધિ પામવાનું શરૂ કરે છે, છેવટે તે નવા બીજમાં ભળે છે. અસરગ્રસ્ત બીજ નિષ્ક્રિય ફૂગ ધરવે છે પરંતુ દેખાવમાં તંદુરસ્ત હોય છે. આ ચક્ર બીજની વાવણી સાથે ફરીથી શરૂ થાય છે. ફેલાવાના અન્ય સાધનોમાં લણણી બાદના અવશેષો, વરસાદ અને જંતુઓનો સમાવેશ થાય છે. રોગના બીજના ઝડપી વિકાસ માટે વરસાદ અથવા ઝાકળ સાથે ભેજવાળું હવામાન (60-85% સાપેક્ષ ભેજ) અને 16-22 ° સે વચ્ચેનું ઠંડુ તાપમાન એ સાનુકૂળ પરિસ્થિતિ છે.