انگور کے زنگ والے کرمک

یہ کس وجہ سے ہوا

علامات انگور کے زنگ کے کرمک (کیلپی ٹرائی میرس وائٹس) کی وجہ سے ہوتی ہیں جو وائٹس وینی فیرا کا طفیلی کیڑا ہے۔ یہ بالغ ماداؤں کے طور پر چھال کے نیچے یا تاکوں کے شگافوں میں سردیاں گزارتے ہیں اور آغاز بہار میں نموپذیر تنوں میں ہجرت کر جاتے ہیں۔ ان کا خردبینی حجم اور شفاف رنگ ان کی شناخت کو مشکل بناتا ہے۔ پتوں پر، یہ عموماً پودے کے سفید بالوں سے گھرے ہوتے ہیں۔ یہ آغاز بہار میں نو عمر پتوں اور تنوں کو ندیدے پن کے ساتھ کھاتے ہیں، یہ اپنے کٹارے (منہ کے اعضاء) برادمی خلیات میں داخل کرتے ہیں اور ان کا مواد چوس لیتے ہیں۔ غذا حاصل کرنے وقت یہ کیڑے خلیات میں کچھ مواد داخل کرتے ہیں جس میں ہارمونل خصوصیات ہوتی ہیں اور یہ بافتوں کی بدہیئتی کا باعث بنتا ہے۔ گرمیوں کے وسط سے آخر تک، یہ کرمک اپنی سردیاں گزارنے کے مقامات میں پناہ لیتے ہیں۔ یہ عموماً کوئی بڑا مسئلہ نہیں بن پاتے کیونکہ متعدد شکار خور کرمک اور حشرات ان کو اپنی غذا بنا لیتے ہیں۔