انگور
انگور کی بیل کے پتے کے مڑنے کا مرض
GLD
وائرس
لب لباب
- نسوں کے درمیان پتے کی بافت سرخ بیل کی انواع میں گہری سرخ اور سفید بیل کی انواع میں زرد ہو جاتی ہے۔
- پتوں کے حاشیوں کے نیچے کی طرف مڑنا اور پیالے نما شکل اختیار کر لینا بھی نمایاں ہوتا ہے۔
- بیلوں کی نشوونما کم ہو سکتی ہے، لاٹھیاں چھوٹی رہ سکتی ہیں اور کینوپیاں بھی چھوٹی ہو سکتی ہیں۔
اس میں بھی پایا جا سکتا ہے
انگور
علامات
علامات انگوروں کی مختلف وائرسز کے خلاف حساسیت کے اعتبار سے بڑی حد تک تبدیل ہوتی ہیں اور ان کو گرمیوں کے آخر میں یا خزاں میں دیکھا جا سکتا ہے۔ سرخ جلد والی انواع میں، نسوں کے درمیان موجود پتوں کی بافت گہری سرخ سے جامنی ہو جاتی ہے اور پتوں کے حاشیے نیچے کی طرف مڑ جاتے ہیں یا پیالے نما وضع بنا لیتے ہیں۔ سفید انواع میں، پتے کی بافت زرد رنگ کی ہو جاتی ہے اور پتے کے حاشیے مڑ جاتے ہیں یا کپ کی صورت اختیار کر لیتے ہیں۔ عمومی طور پر، مرکزی نسیں سبز رہتی ہیں، اگرچہ کچھ صورتوں میں بدرنگی پورے پتے کی بافت کو متاثر کر دیتی ہے۔ بیلوں کی نشوونما محدود ہو سکتی ہے، لاٹھیاں اور کینوپیاں بھی چھوٹی ہو سکتی ہیں۔ کئی سال بعد، یہ مرض پھل کی پکنے میں تاخیر اور عدم توازن، شکر کے مواد میں کمی، بیری کی بدرنگی اور تیزابیت میں اضافے کا باعث بن سکتا ہے۔ سال گزرنے کے ساتھ انگور کی بیلوں کا گھٹنا صاف طور پر عیاں ہوتا ہے جس سے متاثرہ تاکستانوں کی مدت حیات کم ہو جاتی ہے۔ یہ انگور کی بیلوں کی ایک سنگین بیماری ہے اور پوری دنیا میں مرکزی اہمیت کی حامل ہے۔
سفارشات
نامیاتی کنٹرول
معذرت، ہم انگور کی بیل کے پتے کے مڑنے کے مرض کیلئے کسی متبادل علاج کے بارے میں نہیں جانتے۔ اگر آپ اس مرض کے خلاف لڑنے کیلئے کسی مددگار شے کے بارے میں جانتے ہوں تو براہ کرم ہم سے رابطہ کریں۔ ہم آپ کی بات سننے کے منتظر ہیں۔
کیمیائی کنٹرول
اگر دستیاب ہو تو ہمیشہ حیوی معالجات کے ساتھ بچاؤ کی تدابیر والی ایک مکمل حکمت عملی اختیار کریں۔ وائرل امراض کو کیمیائی مرکبات سے ٹھیک نہیں کیا جا سکتا ہے۔ تقاطر آبیاری والے تاکستانوں میں امیڈاکلورڈ کو موسم کے دوران کسی بھی آٹے کی سرسریوں کے خلاف استعمال کیا جا سکتا ہے۔ تھیامیتھوکسام، اسیٹامیپریڈ اور ڈینوٹیفیوران پر مشتمل مصنوعات کے برگی اسپرے تنے اور تاکستانوں کی اہم شاخوں پر کیے جا سکتے ہیں جن کی تقاطر آبیاری نہیں ہوتی۔ دیگر ذراعتی اور حیوی سرگرمیاں آٹے کی سرسریوں اور اسکیلز کو قابو کرنے کیلئے دستیاب ہیں۔
یہ کس وجہ سے ہوا
انگور کی بیل کے پتے کے مڑنے کے مرض کی علامات دس مختلف وائرسز کی وجہ سے ہوتی ہیں جن کو مجموعی طور پر انگور کی بیل کے پتے کے مڑنے کے مرض سے منسلک وائرسز کے بطور جانا جاتا ہے۔ بیل بوٹوں سے پھیلاؤ، انفیکشن زدہ پودوں کے مواد کی نقل و حمل اور پیوندکاری مرض کے دور دراز کے مقامات تک پھیلنے کے سب سے عام ذرائع ہیں۔ مزید برآں، دو حشرات مرض دار، آٹے کی سرسریاں اور سافٹ اسکیلز بھی انہیں ایک ہی تاکستان کے اندر ایک بیل سے دوسری بیل تک یا پھر کبھی کبھار مختلف تاکستانوں کے درمیان منتقل کر سکتے ہیں۔ یہ وائرس میکانکی طور پر منقل ہونے کیلئے نہیں جانے جاتے مثلاً کاٹ چھانٹ کے آلات یا کٹائی کے آلات کے ذریعے، نہ ہی یہ بیج کے ذریعے پھیلتے ہیں۔ فاسفورس اور پوٹاشیم کی قلت کی علامات انگور کی بیل کے پتے کے مڑنے کا مرض سے پیدا ہونے والی علامات سے ملتی ہیں۔ چنانچہ، نظم کیلئے فیصلے لینے سے پہلے انفیکشن کی تصدیق کر لینی چاہیئے۔
احتیاطی تدابیر
- اگر آپ کے ملک میں قرنطینہ کے ضوابط ہوں تو انہیں چیک کریں۔
- پودا لگانے کا ایسا مواد منتخب کریں جو لیف رول وائرس سے پاک ہو۔
- اگر دستیاب ہوں تو مزاحم انواع استعمال کریں۔
- تاکستان کو مرض کی علامات کیلئے باقاعدگی سے مانیٹر کریں۔
- انگور کے پتے مڑنے کے مرض کی تصدیق ہونے کے ساتھ تاکستانوں میں آٹے کی سرسریوں اور نرم اسکیلز کی موجودگی کیلئے بھی چیک کریں۔
- شک کی صورت میں، اپنی تاکوں کو وائرس کی جانچ کیلئے لیبارٹری بھیجیں۔
- وائرس سے انفیکشن کا شکار تاکوں کو جڑوں سمیت ہٹائیں اور تباہ کر دیں۔
- اوپری حصے پر پیوندکاری سے پرہیز کریں کیونکہ جڑیں انفیکشن زدہ ہو سکتی ہیں۔
- ممکنہ طور پر انفیکشن کا شکار پودے کے مواد کو دیگر تاکستانوں میں نہ بھیجیں۔
اشتراک کریں
پلانٹکس ڈاؤن لوڈ کریں
