دال
مسور کا اینتھریکنوز
Colletotrichum truncatum
فطر
لب لباب
- پتوں، تنوں، پھلیوں اور بیجوں پر زخموں کا نمودار ہونا۔
- زخم بیضوی سے لے کر لمبوترے، خاکستری سے لے کر کتھئی رنگت کے ہوتے ہیں اور عموماً گہرے بھورے حاشیے کے اندر ہوتے ہیں۔
- تنے کا نچلا حصہ گہرا بھورا اور کھردرا حلیہ اختیار کر سکتا ہے۔
- انفیکشن زدہ بیج سکڑ جاتے ہیں اور بے رنگ ہو جاتے ہیں۔
- سنگین کیسز میں، پت جھڑ، زمین میں جم جانا اور سرے سے مرنا شروع ہونا ہو سکتے ہیں۔
اس میں بھی پایا جا سکتا ہے
دال
علامات
اینتھراکنوز کو پتوں، تنوں، پھلیوں اور بیجوں پر زخموں کے ظاہر ہونے سے پہچانا جاتا ہے۔ بیضوی، خاکستری سے سانولے رنگ کے اںحطاطی نشانات گہرے بھورے حاشیوں کے ساتھ پرانے برگچوں پر بنتے ہیں۔ سنگین کیسز میں، یہ برگچے سکڑ جاتے ہیں، مرجھا جاتے ہیں اور گر جاتے ہیں اور اس طرح پودے میں پت جھڑ کا باعث بنتے ہیں۔ تنوں پر، زخم لمبوترے، دھنسے ہوئے اور گہرے بھورے ہوتے ہیں اور ان کے حاشیے بھی گہرے رنگ کے ہوتے ہیں۔ جیسے جیسے یہ بڑے ہوتے یں، زخم تنے کی بنیاد کو ڈھانپ سکتے ہیں اور پودے کے مرجھانے اور مرنے کا سبب بن سکتے ہیں۔ پھلیوں پر گول اور دھنسے ہوئے زخم سرخی مائل بھورے حاشیوں اور سرخی مائل مراکز کے ساتھ ہوتے ہیں۔ تمام صورتوں میں، چھوٹے منفرد گہرے رنگ کے یا سیاہ دھبے مردہ بافت پر دیکھے جا سکتے ہیں۔ کبھی کبھار، ایک سرخی مائل نارنجی گاد بھی درمیان میں نمودار ہوتا ہے۔ انفیکشن زدہ بیج مرجھا جاتے ہیں اور بے رنگ ہو جاتے ہیں۔ مجموعی طور پر، پودے کی قوت بہت کم ہو جاتی ہے اور وہ ناسازگار موسمی حالات میں خمیدہ ہو سکتے ہیں۔
سفارشات
نامیاتی کنٹرول
فطر کی کچھ متعلقہ انواع کیلئے (دیگر فصلوں پر)، انفیکشن زدہ بیجوں کو 30 منٹ کیلئے 52 ڈگری سینٹی گریڈ کے گرم میں بھگو کر کسی حد تک انفیکشن پر قابو پایا گیا ہے۔ درجہ حرارت اور وقت کی بالکل ٹھیک طرح تعمیل کرنی ہو گی تاکہ علاج کا حسب منشا اثر حاصل کیا جا سکے۔ حیوی ایجنٹس بھی انفیکشن کو قابو کرنے میں مدد کر سکتے ہیں۔ فطر ٹرائیکوڈرما ہارزیانم اور بیکٹریا سوڈومونا فلورایسنس کو جب بیج کے علاج کے بطور استعمال کیا جائے تو یہ کولیٹوٹرائکم کی کچھ انواع کے ساتھ مقابلہ کرتا ہے۔
کیمیائی کنٹرول
اگر دستیاب ہو تو ہمیشہ حیوی معالجات کے ساتھ بچاؤ کی تدابیر والی ایک مکمل حکمت عملی اختیار کریں۔ بیج کے معالجات کو بیج سے پھیلنے والے انفیکشنز کیلئے استعمال کیا جا سکتا ہے۔ متعدد فطر کش ادویات گل کشائی سے پہلے برگی اسپرے کے بطور تجویز کردہ ہیں، اگر مرض کی نشوونما کیلئے حالات سازگار ہیں تو ایپلیکشن کو دہرانا بھی تجویز کیا جاتا ہے۔ پائراکلوسٹروبن، کلوروتھالونل، پروتھیوکونازول یا بوسکیلڈ پر مبنی فارمولیشنز کو کامیابی کے ساتھ مرض کو روکنے کیلئے استعمال کیا جا چکا ہے۔ ان مصنوعات میں سے کچھ کے خلاف مزاحمت پیدا ہونے کے کچھ کیسز سامنے آئے ہیں۔
یہ کس وجہ سے ہوا
علامات فطر کولیٹوٹرائیکم ٹرنکیٹم کی وجہ سے ہوتی ہیں، جو کہ بیجوں کے ساتھ جڑ کر، مٹی کے اندر یا پودے کے فضلے میں چار سال تک زندہ رہ سکتا ہے۔ انفیکشن نئے پودوں تک دو طریقوں سے پھیل سکتا ہے۔ بنیادی انفیکشنز تب ہوتے ہیں جب مٹی میں اگنے والے تخمک وقوع کے دوران تخمی پودے کو ان کی بافتوں میں ںظامی طور پر نمو پا کر انفیکٹ کرتے ہیں۔ دیگر صورتوں میں، یہ تخمک نچلے پتوں پر بارش کے قطروں کے ذریعے چھینٹوں سے پہنچتا ہے اور انفیکشن اوپر کی طرف پھیلنا شروع کرتا ہے۔ فطر بعد میں زخم کے اندر مزید تخمک پیدا کرنے شروع کرتا ہے جو پودے کی بافتوں پر بنتے ہیں (گہرے یا سیاہ دھبے)۔ یہ بارش کے چھینٹوں سے پودے کے اوپری حصوں یا دیگر پودوں میں پھیلتے ہیں (ثانوی انفیکشن)۔ ٹھنڈے سے گرم درجہ حرارت (موزوں 20 سے 24 ڈگری سینٹی گریڈ)، بلند پی-ایچ والی مٹی، پتے کا طویل عرصے تک گیلا پن (18 سے 24 گھنٹے)، کثرت سے بارشیں اور گنجان کینوپیاں مریض کی حوصلہ افزائی کرتے ہیں۔ غذائی طور پر تناؤ کا شکار خاص طور پر حساس ہوتے ہیں۔ بدترین صورتوں میں، پیداوار میں ہونے والی کمی 50 فیصد کی بلندی تک پہنچ سکتی ہے۔
احتیاطی تدابیر
- صحت مند پودوں یا سندیافتہ ذرائع سے بیج استعمال کریں۔
- اگر دستیاب ہو تو مزید مزاحم نوع استعمال کریں۔
- بیج بوتے ہوئے پودوں کے درمیان مناسب فاصلہ رکھیں۔
- غیر میزبان پودوں کے ساتھ کم از کم 4 سال تک فصل بدل کر لگائیں۔
- ایسے کھیتوں میں دالیں مت لگائیں جو پہلے انفیکشن کا شکار ہوئے تھے۔
- کھیت کے اردگرد اور اندر فالتو جھاڑیاں اور رضاکار پودوں کو ہٹائیں۔
- مٹر یا وسیع لوبیے مت لگائیں کیونکہ یہ متبادل میزبان ہیں۔
- پودے کی باقیات کو مت دفنائیں کیونکہ یہ اگلی فصل میں فطر کو منتقل کر سکتے ہیں۔
- پودے کے فضلے کو زمین پر ہی چھوڑ دیں کیونکہ فطر وہاں جلدی گل جائے گا۔
- قلبہ رانی نہ کرنے والی حکمت عملیوں سے پرہیز کریں کیونکہ یہ مرض زا کی حوصلہ افزائی کرتی ہیں۔
اشتراک کریں
پلانٹکس ڈاؤن لوڈ کریں
