چاول
چاول کے پتے کا سڑنا یا جھلسنا
Monographella albescens
فطر
لب لباب
- پتوں پر ہلکے، پانی میں بھیگے ہوئے دھبے جو پتے کے سرے سے شروع ہوتے ہیں۔
- زخم بڑھ جاتے ہیں جن سے پتہ جھلس یا جل جاتا ہے۔
- پتوں کا مرجھانا۔
اس میں بھی پایا جا سکتا ہے
چاول
علامات
پتے کے سڑنے سے جڑی علامات پودے کے بڑھنے کے مراحل ، انکی اقسام اور پودوں کی تعداد کے ساتھ بدلتی رہتی ہیں۔ اکثر حالات میں، پتوں کی نوک اور کناروں پر سرمئی سے سبز رنگ کے پانی جزب کرنے والے دھبے بنتے ہیں۔ بعد میں دھبے پھیل جاتے ہیں اور پتوں کی نوک اور کناروں سے شروع ہونے والے یکے بعد دیگرے خرمائی رنگ اور سیاہ بھورے رنگ کے منطقہ دار خاکے بناتے ہیں۔ دھبوں کا مسلسل بڑھنا کف برگ کے بڑے حصے کے مرجھانے کا سبب بنتا ہے۔ متاثرہ جگہیں خشک ہو جاتی ہیں جو پتے کو سڑنے جیسی شکل دیتی ہیں۔ کچھ ممالک میں دھبے بہت کم منطقہ دار خاکے بناتے ہیں اور صرف سڑنے کی علامات ہی دیکھی جاتی ہیں۔
سفارشات
نامیاتی کنٹرول
ابھی اس بیماری کے خلاف کوئی متبادل علاج نہیں ملا ہے۔
کیمیائی کنٹرول
اگر دستیاب ہو تو ہمیشہ حیاتیاتی علاج کے ساتھ حفاظتی اقدامات کے ایک مربوط نقطہ نظر پر غور کریں۔ بیج بگھونے کے علاج میں بینومائل، کاربنڈیزم، کوئٹوزین اور تھیوفینیٹ میتھائل کا استعمال، ایم ۔البیسین سے ہونے والی بیماری کو کم کرتا ہے۔
کھیت میں، بینومائل ، فینٹن ایسیٹیٹ، ایڈیفنفوس، اور والیڈامائسن نمایاں کے فولیئر سپرے کرنا پتے کے سڑنے کے امکانات کو کم کرتے ہیں۔ کیپٹافول، منکوزیب، اور کاپر آکسیکلورائڈ کا فولیئر استعمال بھی پھپھوندی کی بیماری کی شدت کم کرتا ہے. ان کیمیکل کا محلول بھی مؤثر ہے.
یہ کس وجہ سے ہوا
بیماری کا بڑھنا عام طور پر بڑے پتوں پر موسم کے آخر میں ہوتا ہے اور خشک موسم، زیادہ نائٹروجن کی کھاد اور کم فاصلے سے اسکو مدد ملتی ہے۔ نائٹروجن کی 40 کلوگرام/ ہیکٹر سے زیادہ مقدار سے پتے کے سڑنے کے واقعات زیادہ ہوتے ہیں۔ یہ سالم پتوں کی نسبت زخمی پتوں میں زیادہ بڑھتی ہے۔ بیماری کے ذرائع پچھلی کاشت سے بیج اور فصل کے بچے ہوئے تنے ہیں۔ پتے کے مرجھانے سے پتے کے سڑنے کو بتانے کے لیے ، کٹے ہوئے پتوں کو 5 سے 10 منٹ کے لیے صاف پانی میں رکھیں، اگر پانی سوراخوں میں سے نہ گزرے تو پھر یہ پتے کا سڑنا ہوگا۔
احتیاطی تدابیر
- جب متحمل اقسام دستیاب ہوں تو ان کا استعمال کریں۔
- پودوں کے درمیان کشادہ فاصلہ بڑھائیں۔
- مٹی میں سیلیکان کی سطح کو برقرار رکھنا فصل کی پیداوار کو بڑھاتا ہے اور بیماری کو کم کرتا ہے۔ نائٹروجن کی زیادہ مقدار کے استعمال سے گریز کریں۔
- کاشت کاری کے مراحل میں نائٹروجن کو وقفے وقفے سے استعمال کریں۔
- کھیت اور ارد گرد سے گھاس اور متاثرہ چاول کے پودوں کو ہٹا دیں اور ہل چلائیں۔
اشتراک کریں
پلانٹکس ڈاؤن لوڈ کریں
