شملہ مرچ اور مرچی
مرچ کا اینتھراکنوز
Colletotrichum sp.
فطر
لب لباب
- پھل پر زخم بن جاتے ہیں۔
- پھل کے دھبوں پر ہم مرکز دائرے بن جاتے ہیں۔
- سبز پھل پوشیدہ طور پر متاثر ہوتے ہیں۔
- لیکن پھل پکنے تک علامات ظاہر نہیں ہوتیں۔
- سیاہ بھورے کناروں کے ساتھ شاخوں اور پتوں پر خاکی بھورے رنگ کے دھبے بنتے ہیں۔
- پھل اور شاخیں سڑ جاتی ہیں۔
اس میں بھی پایا جا سکتا ہے
شملہ مرچ اور مرچی
علامات
پھلوں پر پانی جذب کرنے والے گول دائرے یا زاوِيَہ دار دھبے جو بعد میں نرم اور تھوڑے کھوکھلے ہو جاتے ہیں۔ دھبے کا درمیانہ حصہ بھورے یا مالٹے رنگ کا ہوتا ہے جو بعد میں سیاہ رنگ کا ہوجاتا ہے جبکہ نزدیک کی بافتیں ہلکے رنگ کی ہوجاتے ہیں۔ دھبے پھل کے زیادہ تر حصے کو ڈھانپ لیتے ہیں۔ زیادہ دھبے بن سکتے ہیں۔ پھل کے دھبوں کے اندر گول دائرے عام ہوتے ہیں۔ سبز پھلوں میں مخفی انفیکشن ہو سکتا ہے لیکن وہ پکنے تک کوئی علامات ظاہر نہیں کرتے۔ پتوں اور شاخوں پر علامات سیاہ بھورے کناروں کے ساتھ چھوٹے بے ترتیب شکل کے خاکی بھورے دھبوں سے ظاہر ہوتی ہیں۔ موسم کے آخر میں، پکے ہوئے پھل کا سڑنا اور شاخوں کا سرے سے پیچھے تک مرجھانا دیکھنے میں آتا ہے۔
سفارشات
نامیاتی کنٹرول
متاثرہ بیجوں کے علاج کے لیے ان کو 52 ڈگری سینٹی گریڈ گرم پانی میں 30 منٹ کے لیے ڈبو کر رکھیں۔ علاج کے مطلوبہ نتائج کو یقینی بنانے کے لئے درجہ حرارت اور وقت کا صحیح استعمال کریں۔
کیمیائی کنٹرول
ہمیشہ حیاتیاتی علاج کے ساتھ مل کر حفاظتی اقدامات کے ساتھ ایک مربوط نقطہ نظر پر غور کریں۔ اگر حشرات کش ادویات کی ضرورت ہو تو مینکوزیب یا کاپر پر مبنی مصنوعات کا سپرے کریں۔ پھول لگنے کے وقت علاج شروع کریں۔
یہ کس وجہ سے ہوا
یہ مرض دراصل جینس کولیٹوٹریچم کے فطر کے ایک گروہ کی وجہ سے ہوتا ہے جس میں سی۔ گلوایوسپوریوس اور سی۔ کیپسیسی شامل ہیں۔ یہ مرض زا نشونما کے تمام مراحل میں بیماری کا سبب بنتے ہیں، بڑے پھلوں کی طرح چھوٹے پھلوں پر بھی اور ہل چلانے کے بعد۔ یہ بیج کے اندر اور باہر، پودے کے فضلے میں یا متبادل میزبان جیسا کہ سولینئیسی میں زندہ رہ سکتا ہے۔ یہ متاثرہ ٹرانسپلانٹ کی طرف سے نئے سرے سے متعارف ہو سکتے ہیں۔ فطر گرم اور گیلے وقت کے دوران زیادہ فروغ پاتا ہے اور بارش یا آبپاشی کے پانی سے پھیل سکتا ہے۔ پھل میں انفیکشن 10-30 سینٹی گریڈ کے درجہ حرارت میں ہوسکتا ہے جبکہ 23 سے 27 ڈگری سینٹی گریڈ درجہ حرارت اس بیماری کے بڑھنے کے لیے مناسب ہے۔ پھل کی سطح کی نمی اینتھراکنوز کی شدت میں اضافہ کرتی ہے۔
احتیاطی تدابیر
- مٹی میں مینور استعمال کریں تاکہ اس کے کاربن کا مواد بڑھے۔
- سیم زدگی سے بچنے کیلئے کھیت کی اچھی نکاسی کا منصوبہ بنائیں۔
- اگر آپ کے علاقے میں دستیاب ہوں تو مزاحم اقسام اگائیں۔
- صحت مند پودوں یا مصدقہ ذرائع سے بیج استعمال کرین۔
- تخمی پودوں کو لگانے سے پہلے مرض کی علامات کیلئے چیک کریں۔
- مرض کی علامات کیلئے کھیتوں کو باقاعدگی سے مانیٹر کریں۔
- کھیت کے اندر اور ارد گرد فالتو جھاڑیوں اور متبادل میزبانوں کو ہٹائیں۔
- مٹی اور پودوں کے بیچ تخمکوں کی منتقلی سے بچنے کیلئے قطار کے بیچ ملچ کا استعمال کریں۔
- اونچائی سے آبیاری کرنے سے گریز کریں اور صرف صبح کے وقت آبیاری کریں۔
- منقسم نائٹروجن کے اطلاقات کے ذریعے کھیت کی متوازن زرخیزکاری کا منصوبہ بنائیں۔
- کٹائی کے بعد پودے کے فضلے کو ہٹا دیں یا جلا کر ضائع کر دیں۔
- فصلوں کی گردش کروائیں لیکن مرچ، ٹماٹر یا اسٹرابیری کی دیر فصلوں کے ساتھ گردش مت کروائیں۔
اشتراک کریں
پلانٹکس ڈاؤن لوڈ کریں
