مکئی
مکئی کا جنوبی زنگ
Puccinia polysora
فطر
5 mins to read
لب لباب
- چھوٹے، سرخی مائل نارنجی، سفوفی، گنجان گچھوں میں موجود چھالے پرانے پتوں کے نچلے حصے پر پیدا ہوتے ہیں۔
- بعد ازاں، یہ نو عمر پتوں اور پودے کے دیگر اعضاء پر بھی بننے لگتے ہیں۔
- ہریاؤ اور نخر العظام کے نشانات بھی پتوں پر موجود ہوتے ہیں۔
- پودے کی ناقص صحت ڈنٹھل کی سڑاند، خمیدہ ہونے اور دانے کے ناقص معیار کا سبب بنتی ہے۔
اس میں بھی پایا جا سکتا ہے
مکئی
علامات
جنوبی زنگ چھوٹے، سرخی مائل سے نارنجی پن کے اوپری سرے جیسے چھالوں کے بطور نمودار ہوتا ہے جو پرانے پتوں کے اوپری حصے پر اور بہت کم تعداد میں نچلے حصے پر ہوتے ہیں۔ یہ چھالے سفوفی، گول تا بیضوی، ابھرے ہوئے ہوتے ہیں جو گنجان گچھوں میں پائے ہیں۔ مرض کے بعد کے مراحل میں یہ گنجان طور پر تقسیم ہو جاتے ہیں اور نو عمر پتوں، پتوں کے غلاف، چھلکوں اور ڈںٹھلوں پر بھی پائے جا سکتے ہیں۔ ہریاؤ (زرد مائل) اور نخر العظام (بھورا مائل) کے نشانات بھی پتوں پر موجود ہوتے ہیں۔ نو عمر پتے پرانے پتوں سے زیادہ حساس ہوتے ہیں اور اس کی وجہ سے دیر سے لگائی گئی فصلیں مرض کیلئے زیادہ حساس ہو جاتی ہیں۔ پودوں کی ناقص صحت ڈنٹھل کی سڑاند اور خمیدہ ہونے اور دانے کے ناقص معیار کا سبب بنتی ہے۔ اس کے پھیلاؤ کی قابلیت پیداوار کے خاطرخواہ نقصان کا باعث بن سکتی ہے۔
Recommendations
نامیاتی کنٹرول
تخمک کی نمو کو روکنے کیلئے گواکو (میکانیا گلومیراٹا) کا پانی والا عرق لگائیں۔ یہ عرق گواکو کے پورے پتوں کو ڈسٹل شدہ پانی میں بھگو کر اور اس محلول کو 24 گھنٹے ریفریجریٹر میں رکھ کر بنایا جا سکتا ہے۔ بعد ازاں، اس عرق کو فلٹر پیپر کے ذریعے فلٹر کریں اور پانی کے ساتھ اس کو پتلا کریں جب تک کہ یہ 5٪ کے ارتکاز نہیں پہنچ جاتا اور پھر اسے پتوں پر لگائیں۔
کیمیائی کنٹرول
ممکنہ حیوی معالجات کے ساتھ بچاؤ کی تدابیر والی ایک مکمل حکمت عملی کا استعمال ضروری ہے۔ فطر کش ادویات کا استعمال انفیکشن زدہ اعضاء کو ٹھیک نہیں کر سکتا لہذا اسے صرف صحت مند پودوں تک پھیلنے سے روکنے کیلئے بچاؤ کی تدبیر کے بطور استعمال کیا جا سکتا ہے۔ اسے بروقت استعمال کرنا بھی ضروری ہے جس کیلئے پودے کی عمر، مرض کے وقوع، موسمی حالات کو زیر غور لینا ضروری ہے۔ مینکوزب، سائپروکونازول، فلوٹریافول + فلوکساسٹروبن، پائراکلوسٹروبن، پائراکلوسٹروبن + میٹکونازول، ایزوکسسٹروبن + پروپیکونازول، ٹرائی فلوکسیسٹروبن + پروتھیوکونازول پر مبنی فطر کش ادویات مؤثر انداز میں مرض کے اثر کو کم کر سکتی ہیں۔ علاج کی ایک مثال ہو سکتی ہے: آبلے نمایاں ہونے کے ساتھ ہی مینکوزب @ 2.5 گرام/لیٹر کا اسپرے کریں اور پھولداری تک 10 دن کے وقفہ کے ساتھ دہرائیں۔
یہ کس وجہ سے ہوا
جنوبی زنگ فطر پیوسینیا پولیسورا کی وجہ سے ہونے والا ایک مرض ہے جو عام طور پر پودے کی نشوونما کے آخری مراحل میں منطقہ حارہ یا نیم منطقہ حارہ علاقوں میں ہوتا ہے۔ یہ ایک لازمی طفیلی ہے جس کا مطلب ہے کہ یہ صرف زندہ پودے کے مواد میں ہی زندہ رہ سکتا ہے نہ کہ مٹی کے فضلے یا بیجوں میں۔ نتیجتاً، ایک موسم میں ہونے والا انفیکشن اگلے موسم میں انفیکشن ہونے کے امکانات کو نہیں بڑھاتا۔ دیگر کھیتوں یا علاقوں سے ہوا کے ذریعے آنے والے تخمک انفیکشن کا بنیادی ذریعہ ہیں۔ پھر یہ ہوا اور پانی کے ذریعے ایک پودے سے دوسرے پودے تک پھیلتا ہے۔ شدید انفیکشن کیلئے موزوں حالات 27 اور 33 ڈگری سینٹی گریڈ کے درمیان کے درجہ حرارت اور بلند نمی ہیں۔ نباتیاتی عرصہ کے دوران ابتدائی انفیکشن فوری اور خاطرخواہ پودے کے نقصان کا باعث بن سکتے ہیں۔
احتیاطی تدابیر
- مزاحم یا متحمل انواع استعمال کریں۔
- موسم کے آخر میں مکئی لگانے سے پرہیز کریں۔
- مرض کی کسی بھی علامت کیلئے کھیت کا معائنہ کریں۔فصلوں کو تقویت دینے کیلئے متوازن زرخیزکاری یقینی بنائیں۔
- نشوونما کے بعد کے مراحل کے دوران کھیتوں کی اونچائی سے آبیاری سے پرہیز کریں۔
اشتراک کریں
پلانٹکس ڈاؤن لوڈ کریں
