کیلا
پانامہ بیماری
Fusarium oxysporum
فطر
لب لباب
- پرانے پتوں کا پیلا ہونا اور مرجھانا۔
- پتے بھورے ہو جاتے ہیں اور سُکڑ جاتے ہیں۔
- تنے کا منقسم ہونا۔
- تنوں پر زرد سے سرخی مائل دھاریاں ہونا۔
- اندرونی ٹشوز کا بد رنگ ہونا۔
- بالآخر پودے کے تمام حصے سڑ جاتے ہیں اور مر جاتے ہیں۔
- ہ۔
اس میں بھی پایا جا سکتا ہے
کیلا
علامات
علامات میں کیلے کی نوع، مرض زا کی قوت اور ماحولیاتی حالات کے اعتبار سے معمولی تبدیلیاں ہو سکتی ہیں۔ مرض پہلے پرانے پتوں کو متاثر کرتا ہے اور پھر آہستہ آہستہ نئے پتوں کی طرف اوپر کی جانب بڑھتا ہے۔ اس مرض کی نشاندہی زرد اور مرجھائے ہوئے پتوں اور پت ڈنڈیوں کے زرد پڑنے اور مرجھانے اور تنے کی بنیاد کے چٹخنے سے ہوتی ہے۔ مرض یافتہ پتے بھورے، خشک ہو جاتے ہیں اور بالآخر پت ڈنڈی سے ڈھے جاتے ہیں جس سے تنے کے اردگرد "اسکرٹ" بن جاتا ہے۔ پیلی سے سرخ دھاریاں تنوں پر دیکھی جا سکتی ہیں جس سے تنا زیادہ شدید ہو سکتا ہے۔ اندرونی بافتوں کے کراس سیکشنز سرخی مائل سے گہری بھوری بدرنگی کا مظاہرہ کرتے ہیں جو کہ فطر کی افزائش اور بافت کی سڑاند کی نشانی ہے۔ بالآخر، زمین سے اوپر اور نیچے کے تمام اعضاء سڑ جاتے ہیں اور مر جاتے ہیں۔
سفارشات
نامیاتی کنٹرول
حیوی کنٹرول کے ایجنٹس جیسے کہ فطر ٹرائیکوڈرما ویرائیڈ یا سوڈومونا فلورایسنس کا مٹی میں اطلاق اس مرض کے ظہور اور سنگینی کو کم کرنے کے مؤثر طریقے ہیں۔
کیمیائی کنٹرول
اگر دستیاب ہو تو ہمیشہ حیوی معالجات کے ساتھ بچاؤ کی تدابیر والی ایک مکمل حکمت عملی اختیار کریں۔ کیلے کے دیگر فطری امراض کے برعکس، فیوسیریم سے مرجھانا جب ایک بار پہنچان میں آ جائے تو اسے فطر کش ادویات سے قابو نہیں کیا جا سکتا۔ چھوٹے پودوں کو کاربینڈازم (19 گرام فی 10 لیٹر پانی) میں ڈبونا اور مٹی کو پودا لگانے کے 6 ماہ بعد ہر دوسرے مہینے اس سے شرابور کرنا تجویز کیا جاتا ہے۔
یہ کس وجہ سے ہوا
پانامہ مرض (جسے فیوسیریم سے مرجھانا بھی کہا جاتا ہے) فطر فیوسیریم آکسیپورم کی ایک ذیلی نوع کی وجہ سے ہوتی ہے جو مٹی میں دہائیوں تک زندہ رہ سکتی ہے۔ یہ پودے میں جڑوں کے چھوٹے بالوں کے ذریعے داخل ہوتے ہیں، ایک ایسا عمل جس کی روشنی اور ناقص نکاسی آب والی مٹی حوصلہ افزائی کرتے ہیں۔ یہ مختصر فاصلوں تک سطحی پانی، سواریوں، آلات اور جوتوں وغیرہ کے ذریعے پھیلتا ہے۔ انفیکشن زدہ پودا لگانے کا مواد اس مرض کے طویل فاصلوں تک پھیلنے کا سب سے عام ذریعہ ہے۔ بلند درجہ حرارت اس مرض کی بڑھوتری کے اہم ترین عناصر میں سے ہے۔ پتوں کی بے خضری اور پودے کی قوت میں کمی تنے میں نقل و حمل کی بافتوں کے سڑنے کی وجہ سے ہوتی ہے جو پانی اور غذائیت کی نقل و حمل کے ناقص ہونے کا سبب بنتا ہے۔ اگر تمام حالات سازگار ہوں تو فیوسیریم سے مرجھانا کیلے کا ایک تباہ کن مرض ثابت ہو سکتا ہے۔
احتیاطی تدابیر
- سندیافتہ ذرائع سے صرف صحت مند پودے کا مواد استعمال کریں۔
- اگر دستیاب ہوں تو مزاحم انواع لگائیں۔
- اچھی نکاسی آب کو یقینی بنائیں۔
- پودوں کو ہر دوسرے ہفتے مانیٹر کریں۔
- مرض یافتہ پودوں کو اسی جگہ مارنے کیلئے نبات کش کا استعمال کریں۔
- شدید انفیکشن کا شکار پودوں کو اکھاڑیں اور انہیں علیحدہ لے جا کر جلا دیں۔
- انفیکشن زدہ علاقوں کی مٹی کو نادانستہ طور پر انفیکشن زدہ علاقوں میں لیجانے کے حوالے سے احتیاط برتیں۔
- آلات، ساز و سامان اور فارم کی مشینری کو سوڈیم ہائپوکلورائیٹ بلیچ استعمال کر کہ ان کی عفونت ربائی کریں۔
- زیادہ انفیکشن کا شکار مٹی میں اگلے 3-4 سالوں تک کیلا نہ اگائیں۔
- گنے، چاول یا سورج مکھی کے ساتھ بدل کر فصل لگائیں تاکہ ظہور کم ہو سکے۔
- چینی گندنوں (ایلیم ٹیوبروسم) کے ساتھ فصل بدل کر لگائیں۔
- ایسے جرثوموں کی موجودگی کو بڑھوتری دیں جو اس فطر کی افزائش کو کم کرتے ہیں۔
اشتراک کریں
پلانٹکس ڈاؤن لوڈ کریں
