ٹماٹر
ٹماٹر کے تنے کی سڑان
Didymella lycopersici
فطر
5 mins to read
لب لباب
- تنوں کے نچلے حصے پر گہرے، واضح، دھنسے ہوئے دھبے۔
- چھوٹے سیاہ دھبے متاثرہ بافتوں پر واضح ہوتے ہیں۔
- پودے کمزور ہو جاتے ہیں اور آہستہ آہستہ مرجھا جاتے ہیں۔
- پھل سیاہ ہو کر سکڑ جاتے ہیں۔
اس میں بھی پایا جا سکتا ہے
ٹماٹر
علامات
انفیکشن عموماً تنے پر یا زمین سے اوپر ہوتا ہے مگر مٹی سے رابطے میں موجود پتے بھی متاثر ہو سکتے ہیں۔ بھورے، واضح اور دھنسے ہوئے دھبے پہلے تنے پر نمودار ہوتے ہیں۔ جب یہ مزید بڑھتے ہیں تو یہ زخم تنے کے گرد پٹکا ڈال سکتے ہیں جس سے سکڑنا اور بعد میں پودے کا مرجھانا پیش آ سکتا ہے۔ چھوٹے سیاہ دھبے متاثرہ بافتوں پر دیکھے جا سکتے ہیں۔ ثانوی زخم یا پت روگ بعد میں تنے کے اوپری حصے پر پیدا ہو سکتے ہیں۔ پانی کے چھیںٹے پودے کے دیگر اعضاء تک تخمکوں کو پھیلاتا ہے جس کا نتیجہ اضافی انفیکشنز اور مرض کے پھیلنے کی صورت میں نکلتا ہے۔ متاثرہ پھل سیاہ ہو سکتے ہیں اور سکڑنا شروع ہو سکتے ہیں۔
Recommendations
نامیاتی کنٹرول
بچاؤ کی تدابیر مرض سے بچنے یا اس کے وقوع کو کم کرنے کا بہترین آپشن ہیں۔ فطر ٹرائیکوڈرما ہارزیانم کے کچھ اسٹرین ڈی۔ لائیکوپرسیسی پر اچھا کنٹرول دیتے ہیں اور پیداوار کو بڑھاتے ہیں۔
کیمیائی کنٹرول
اگر دستیاب ہو تو ہمیشہ حیوی معالجات کے ساتھ بچاؤ کی تدابیر والی ایک مکمل حکمت عملی اختیار کریں۔ بچاؤ کی تدابیر مرض سے بچنے یا اس کے وقوع کو کم کرنے کا بہترین آپشن ہیں۔ فطر کش ادویات کے معالجات مؤثر ہو سکتے ہیں اگر انہیں بروقت استعمال کیا جائے۔ کلوروٹالونل پر مبنی مصنوعات نئے انفیکشنز سے بچنے کیلئے مفید ہو سکتی ہیں۔
یہ کس وجہ سے ہوا
علامات فطر ڈیڈیمیلا لائیکوپرسیکی کی وجہ سے ہوتی ہیں جو مٹی میں اور انفیکشن زدہ پودے کے فضلے میں زندہ رہ سکتا ہے۔ فطر باآسانی ان زخموں کے ذریعے داخل ہو سکتا ہے جو مثال کے طور پر معمول کی کاٹ چھانٹ کی وجہ سے ہو جائیں۔ متبادل میزبان نائٹ شیڈ کے خاندان تک محدود ہیں، ٹماٹر کا تعلق اسی خاندان سے ہے۔ پتوں پر موجود دھبوں پر وہ کشنز موجود ہوتے ہیں جو تخمک پیدا کرتے ہیں۔ یہ بعد میں ہوا یا بارش کے چھینٹوں سے دوسرے صحت مند پودوں پر منتقل ہو جاتے ہیں۔ یہ خیال بھی کیا جاتا ہے کہ یہ مرض انفیکشن زدہ بیجوں کے ذریعے پھیل سکتا ہے۔ ڈیڈیمیلا تنے کی سڑاند حالات کی ایک وسیع رینج میں ہو سکتی ہے۔ تاہم، ٹھنڈے درجہ حرارت (20 ڈگری سینٹی گریڈ)، بارش کے چھینٹوں کے ساتھ نم موسم یا اونچائی سے آبیاری موزوں حالات ہیں۔ پودے بلوغت کے بعد زیادہ حساس ہو جاتے ہیں اور مٹی کے نائٹروجن اور فاسفورس کی کمی مرض کی شدت میں اضافہ کر سکتی ہے۔
احتیاطی تدابیر
- سندیافتہ ذرائع سے صحت مند بیج استعمال کریں۔
- مزاحم انواع بوئیں۔
- کینوپی میں ہواداری کو فروغ دینے کیلئے گرین ہاؤس میں پودے لگاتے ہوئے ان کے درمیان موزوں فاصلہ دیں۔
- نچلے پتوں کا مٹی سے رابطہ ہونے سے بچائیں یا بس انہیں ہٹا یا چھانٹ دیں۔
- پودوں کو صبح کے وقت پانی دیں اور اونچائی سے آبیاری سے پرہیز کریں۔
- کم از کم 3 سال تک مختلف فصلوں کی گردش کروانا یقینی بنائیں۔
- متعدد ہفتوں تک مٹی کی آفتاب زدگی کا منصوبہ بنائیں۔
- کھیت میں کام کے دوران پودوں کو زخمی نہ کرنا یقینی بنائیں۔
- نشاندہی ہوتے ہی انفیکشن زدہ پودوں کو ہٹائیں۔
- رضاکار پودوں، فالتو جھاڑیوں اور متبادل میزبانوں کو کھیت کے اندر اور اردگرد سے ہٹائیں۔
- کٹائی کے بعد تمام پودے کا فضلہ ہٹائیں اور جلا دیں۔
- کھیت میں کام کے بعد پولز اور آلات کی عفونت ربائی کرنا یقینی بنائیں۔
- گلاس ہاؤسز میں، نمی کو 90٪ سے نیچے رکھیں اور درجہ حرارت کو 15 ڈگری سینٹی گریڈ سے اوپر۔
- ریڈ کینز (آرنڈو ڈونیکس) یا یوکلپٹس اسٹیکس کے ذریعے ٹماٹروں کو سپورٹ فراہم کریں کیونکہ اس سے مرض کا وقوع کم ہوتا ہے۔
اشتراک کریں
پلانٹکس ڈاؤن لوڈ کریں
