دیگر
پھل کی سڑاند
Monilinia fructigena
فطر
لب لباب
- پھول کھلنے کی جگہیں بھوری ہو جاتی ہیں، پت روگ والے حصے لکڑی نما ٹشو میں بنتے ہیں۔
- پھل پر بھورے مائل سانولے دھبے۔
- پھول کھلنے جگہوں، ڈالیوں اور پھل پر راکھ نما بھورے مائل خاکستری تخمک کے گچھے۔
- درختوں پر موجود پھل سکڑ جاتے ہیں اور "حنوط زدہ" ہو جاتے ہیں۔
اس میں بھی پایا جا سکتا ہے
دیگر
علامات
علامات درخت کی انواع کے لحاظ سے مختلف ہوتی ہیں تاہم عموماً پھول لگنے کی جگہ کا مرجھانا، ڈالی کا پت روگ اور پھلوں کی بھوری سڑاند میں انہیں زمرہ بند کیا جا سکتا ہے۔ انفیکشن زدہ پھول لگنے کی جگہیں مرجھا جاتی ہیں، بھوری ہو جاتی ہیں اور عموماً ڈالی سے لٹکی رہ جاتی ہیں۔ لکڑی جیسے ٹشو میں انحطاطی پت روگ کی جگہیں پیدا ہوتی ہیں۔ گیلے یا نمی والے حالات میں، راکھ نما خاکستری مائل بھورے رنگ کے تخمک کے گچھے مرض کا شکار پھول لگنے کی جگہوں اور ڈالیوں کی سطح پر بنتے ہیں۔ پت روگ سے عموماً لیس دار مادہ خارج ہوتا ہے جو مرجھائے ہوئے پھول کو ڈالی سے جوڑے رکھتا ہے۔ بھوری سڑاند کیلئے پھل کی حساسیت بلوغت کے آخری مراحل کے دوران یعنی عموماً کٹائی سے 2 تا 3 ہفتے پہلے بڑھ جاتی ہے۔ ابتدائی طور پر، سانولے بھورے، دائرہ نما دھبے جلد پر ظاہر ہوتے ہیں۔ نم حالات میں، ان دھبوں کے اندر راکھ نما خاکستری مائل بھورے تخمکوں کے اجسام پیدا ہوتے ہیں۔ مرض کا شکار پھل جو زمین پر نہیں گرتے پانی کی کمی کا شکار ہو کر اور سکڑ کر "حنوط زدہ" ہو جاتے ہیں جو شاخ سے لٹکے رہتے ہیں۔
سفارشات
نامیاتی کنٹرول
پھل کو محفوظ رکھنے والا طریقہ کار جسے ہائیڈرو کولنگ کہا جاتا ہے جس میں تازہ کاشت کیے گئے پھلوں اور سبزیوں میں سے گرمائش کو برف والے پانی میں نہلا کر ختم کیا جاتا ہے، اسٹوریج یا نقل و حمل کے دوران فطر کی افزائش کو روک سکتا ہے۔ بیسیلس سبٹیلس پر مبنی حیوی فطر کش ادویات مونیلینا فرکٹیجینا کے مخالف کے بطور کام کرتی ہیں۔
کیمیائی کنٹرول
اگر دستیاب ہوں تو ہمیشہ حیوی معالجات کے ساتھ بچاؤ کی تدابیر والی ایک جامع حکمت عملی اختیار کریں۔ ڈائی کاربوکسی مائیڈز، بینزی مائیڈازولز، ٹرائی فورین، کلوروتھالونل، مائیکلوبیوٹانل، فینبوکونازول، پروپیکونازول، فین ہیکسامڈ اور اینیلینوپائریمیڈینز پر مشتمل فطر کش ادویات کا بار بار اور بروقت اطلاق مرض کا علاج کرنے کیلئے مؤثر ہیں۔ نئی فطر کش ادویات جیسے کہ پائراکلوسٹروبن اور بوسکیلڈ بھی مؤثر ہیں۔ درست اسپرے کا انحصار ایک ہی وقت میں دیگر امراض جیسے کہ کھرنڈ، سفوفی پھپھوندی، زنگ، رسیٹ زنگ یا خاکستری پھپھوندی کے وقوع پر ہے۔ حشرات کو کنٹرول کرنا بھی پھلوں کو چوٹ لگنے سے بچانے کیلئے اہم ہے۔
یہ کس وجہ سے ہوا
یہ علامات فطر مونیلینا فرکٹیجینا کی وجہ سے ہوتی ہیں جو گرم، نم موسم میں خوب پھلتا پھولتا ہے۔ کچھ صورتوں میں، دیگر فطر بھی ملوث ہو سکتے ہیں۔ تمام صورتوں میں یہ حنوط زدہ پھلوں یا ٹہنیوں میں سردیاں گزارتے ہیں۔ ابتدائی انفیکشن عموماً پھولوں کے زر دانوں یا بقچہ گل میں گرنے والے تخمکوں کے ذریعے پھیلتا ہے۔ اس کے بعد فطر پھول کھلنے کی جگہوں (پھولوں کی نالی، بیضہ اور شاخ ازہار) کے داخلی ٹشوز تک جا پہنچتا ہے اور پھر اس ڈالی تک جو پھول سے منسلک ہوتی ہے۔ پھول اور ڈالیاں آہستہ آہستہ مرجھانے اور اس کے بعد پت روگ کا شکار ہو جاتی ہیں۔ فطر کے تخمک حنوط زدہ پھول کے اندر بھی رہتے ہیں جب تک کہ وہ مزید انفیکشن کیلئے کسی دوسرے درخت کی شاخ تک سفر نہیں کر لیتے۔ انفیکشن زدہ پھل اور بالخصوص حنوط زدہ پھل انفیکشن کے سب سے وافر ذرائع ہیں۔
احتیاطی تدابیر
- اگر آپ کے علاقے میں دستیاب ہوں تو مزاحم انواع استعمال کریں۔
- کھیت میں کام کرنے کے دوران یا پھر کیڑوں سے پھلوں کو چوٹ پہنچنے سے بچائیں۔
- کینوپی کو خشک رکھنے کیلئے اقدامات کریں، مثلاً موزوں کاٹ چھانٹ کے ذریعے۔
- پھلواڑی سے خود رو متبادل میزبانوں سے کو ہٹائیں۔
- انفیکشن کی پہلی علامت ظاہر ہونے پر تمام مرنے والی ٹہنیوں کو صحت مند لکڑی نظر آنے کے 20 سے 30 سینٹی میٹر کے بعد تک کاٹ دیں۔
- انفیکشن پھیلنے سے روکنے کیلئے تمام انفیکشن زدہ پھلوں یا شاخوں کو ہٹا کر تلف کر دیں (جلا دیں یا دفنا دیں)۔
- اعلی حفظان صحت کا معیار برقرار رکھنا یقینی بنائیں۔
- نائٹروجن کی کھادوں کے ضرورت سے زیادہ استعمال سے گریز کریں۔
- مرض کی علامات کیلئے محفوظ کردہ پھلوں کو مانیٹر کریں کیونکہ یہ ایک پھیلاؤ کا مرض دار ہے۔
- اسٹوریج یا نقل و حمل کے دوران پھلوں کو تقریباً 5 ڈگری سینٹی گریڈ تک ٹھنڈا رکھیں تاکہ فطر کی افزائش کی رفتار کم ہو۔
اشتراک کریں
پلانٹکس ڈاؤن لوڈ کریں
