సోయాబీన్

ఆముదం పంటలో సెమీ లూపర్

Achaea janata

కీటకం

5 mins to read

క్లుప్తంగా

  • బూడిద-గోధుమ రంగు గొంగళి పురుగులు పంటలకు నష్టాన్ని కలిగిస్తాయి.
  • ఆ నష్టం ఆకులు అస్థిపంజరంలాగా అయిపోతాయి.
  • (కేవలం ప్రధాన ఈనెలు మాత్రమే మిగిలి వుంటాయి) ఆకులు అన్ని రాలిపోవడం లేదా పొలం ధ్వంసం కావడం జరగొచ్చు.


సోయాబీన్

లక్షణాలు

ఈ నునుపైన బూడిద-గోధుమ రంగు గొంగళి పురుగులు పంటలకు అధిక మొత్తంలో నష్టాన్ని కలిగిస్తాయి. ఆ నష్టం ఆకులు అస్థిపంజరంలాగా అయిపోతాయి. (కేవలం ప్రధాన ఈనెలు మిగిలి వుంటాయి) ఆకులు అన్ని రాలిపోవడం లేదా పొలం విధ్వంసం కావడం జరగొచ్చు. చిన్న లార్వాలు ఆకుల బాహ్య చర్మాన్ని కొరుక్కు తింటాయి. ముదురు లార్వాలు మొత్తం మొక్కను తిని గణనీయమైన నష్టం కలిగించే విపరీత భక్షకులు.

Recommendations

సేంద్రీయ నియంత్రణ

లార్వా మొదటి దశలో 5% వేప విత్తన మరియు 2% వేప నూనె మిశ్రమం వాడినట్లైతే ఈ మిశ్రమం కీటక జనాభాను తగ్గిస్తుంది. ట్రైకోగ్రాంమా ఎవనిసెన్స్ మినుటుం జాతుల కందిరీగలు గుడ్లను ఆశిస్తాయి. క్రమంగా బ్రేకొనిడ్ పరాన్నజీవులు, మైక్రోప్లైటిస్ మాక్యులిపెన్నిస్ మరియు రోగస్ జాతులు ఈ లార్వాలను చాలా అధికంగా పరాన్నభుక్తులుగా చేసుకుంటాయి. ఇతర పరాన్నజీవులు వాణిజ్యపరంగా అందుబాటులో ఉన్నాయి లేదా ప్రయోగాల దశలో ఉన్నాయి. కొన్ని జాతుల పక్షులు కూడా చివరి లార్వా దశలను ప్రభావవంతంగా వేటాడతాయి. పొలంలో పక్షుల కడ్డీలను ఏర్పాటుచేయడం వలన తెగులు యొక్క సంభావ్యతను తగ్గించడంలో సహాయకారిగా ఉంటుంది.

రసాయన నియంత్రణ

వీలైనంతవరకు ఎల్లపుడూ జీవపరమైన మరియు నివారణ చర్యలతో కూడిన సమీకృత సమగ్ర సస్యరక్షణ విధానాన్నిపరిగణలోకి తీసుకోండి. పుష్పించే దశ నుండి మలాథియాన్ ను మూడు వారాల అంతరంతో పిచికారి చేయవచ్చు. సెమీ-లూపర్లు చాలా ఎక్కువసంఖ్య లో కనబడితే ఒక లీటర్ నీటికి 2 మిల్లీ లీటర్ల క్లోర్ఫెరీఫాస్ పిచికారి చేయండి.

దీనికి కారణమేమిటి?

ఓఫియాయ మెలికెర్టా యొక్క లార్వాల వల్ల ఈ నష్టం సంభవిస్తుంది. పెద్ద కీటకాలు శరీరం మొత్తం పొలుసులుతో లేత గోధుమ రంగులో వుంటాయి. ఇవి హ్యాంగ్ గ్లైడర్ ను పోలి వుంటాయి. వెనుక రెక్కల యొక్క పృష్ఠ ప్రాంతంలో విలక్షణమైన నలుపు మరియు తెలుపు నమూనాలను కలిగి ఉంటాయి. ఆడ కీటకాలు ఆకు ఉపరితలం మరియు మొక్కల యొక్క లేత భాగాల మీద సమూహాలుగా గుడ్లను పెడతాయి. గుడ్లు ఆకుపచ్చరంగులో వుండి ఉపరితలం మీద వంపులు మరియు బొచ్చుతో అందంగా చెక్కబడి వుంటాయి. పూర్తిగా పెరిగిన గొంగళి పురుగులు 60 మి.మీ. వరకు పొడువుతో, నల్లటి తల మరియు మారే రంగు నమూనాలు గల శరీరం కలిగి వుంటాయి. శరీరం మఖమల్ లాగా మెత్తటి రూపు కలిగి, ఒక నల్లని నేపధ్యం మీద పొడవుగా మధ్య-వీపు నల్లటి చారలతో వుంటుంది. లార్వా వ్యవధి దాదాపు 15-19 రోజుల పాటు వుంటుంది మరియు మొత్తం పెరుగుదల వ్యవధి దాదాపు 33-41 రోజులు వుంటుంది.


నివారణా చర్యలు

  • మొక్కను పర్యవేక్షించి పెద్ద లార్వాలను లేదా తెగులు సోకిన మొక్క భాగాలను తొలగించండి.
  • ప్రయోజనకరమైన కీటకాల జనాభాను ప్రభావితం చేయకుండా ఉండేలా క్రిమిసంహారక వినియోగాన్ని నియంత్రించండి.
  • లార్వాలను ఆహారంగా తీసుకునే పక్షుల కొరకు పొలంలో గూళ్ళను ఏర్పాటు చేయండి.
  • పురుగులను పర్యవేక్షించి పట్టుకోవడానికి ఉచ్చులను ఉపయోగించండి.

ప్లాంటిక్స్‌ను డౌన్‌లోడ్ చేసుకోండి