ఇతరములు

బాక్టీరియల్ గజ్జి తెగులు(క్యాంకర్)

Pseudomonas syringae pv. syringae

బ్యాక్టీరియా

5 mins to read

క్లుప్తంగా

  • ఆకులపై నీటిలో నానినట్టు వున్నమచ్చలు.
  • మచ్చలు పొడిగా మారి రాలిపోతాయి.
  • - "షాట్ రంధ్రాలు".
  • పండ్లపై ముదురు-గోధుమ, చదునైన మచ్చలు.
  • కొమ్మల బెరడును కూడా ప్రభావితం చేయగలదు.

లో కూడా చూడవచ్చు

5 పంటలు
ఆపిల్
అప్రికోట్
చెర్రీ
పీచ్
మరిన్ని

ఇతరములు

లక్షణాలు

ఆకు పైన 1-3 మిమీ వ్యాసం కలిగిన చిన్న, గుండ్రని, నీటిలో నానినట్లుండే మచ్చలు కనిపిస్తాయి. ఆకులు పరిపక్వం చెందుతున్నప్పుడు ఈ మచ్చలు గోధుమరంగులోకి మారి పొడిగా మరియు పెళుసుగా అవుతాయి. చివరికి తెగులు సోకిన ప్రాంతాలు పతనం చెంది ఆకులు 'షాట్-హోల్' లేదా చిరిగిపోయినట్టుగా కనిపిస్తాయి. తెగులు సోకిన పండ్లపై చదునుగా, పైభాగంలో కనిపించే, ముదురు-గోధుమ రంగు మచ్చలు వృద్ధి చెందుతాయి. వాటి కింద వుండే కణజాలం ముదురు-గోధుమ నుండి నలుపురంగులో మరియు కొన్నిసార్లు స్పాంజీ లాగా ఉంటుంది. తెగులు సోకిన పువ్వులు నీటితో నానినట్టు ఉండి గోధుమ రంగులోకి మారి, వాడిపోయి కొమ్మపై వేలాడుతూ ఉంటాయి. ఈ క్యాంకర్లు తరచూ జిగురు వంటి ద్రవాన్ని స్రవిస్తూ, పండు ముచ్చికల మొదలు వద్ద వృద్ధి చెందుతాయి. తెగులు సోకిన ప్రాంతాలు ముదురు గోధుమ రంగులో కొద్దిగా నొక్కబడినట్టు ఉంటాయి. ఈ క్యాంకర్లు మొదట శీతాకాలం చివరిలో లేదా వసంత ఋతువులో కనపడతాయి. వసంత ఋతువులో క్యాంకర్లు బెరడును విచ్ఛిన్నం చేసే జిగురును ఉత్పత్తి చేస్తాయి. శీతాకా లంలో వచ్చే క్యాంకర్లు కూడా ఇదే సారూప్యతతో ఉంటాయి, కానీ సాధారణంగా మృదువుగా, తేమగా నొక్కుకుపోయినట్టు ఉంటాయి మరియు పులిసిన వాసన కలిగి ఉంటాయి. సంక్రమణ కొమ్మ అంతటా వ్యాపిస్తే అది త్వరగా చనిపోతుంది.

Recommendations

సేంద్రీయ నియంత్రణ

రాగి సమ్మేళనాలు లేదా బోర్డియక్స్ మిశ్రమాన్ని కలిగి ఉన్న సేంద్రీయ బాక్టీరిసైడ్లు శరదృతువు మరియు వసంతకాలంలో తెగులు యొక్క క్యాంకర్ దశపై సమర్థవంతమైన నియంత్రణను అందిస్తాయి, రింగ్ నెమటోడ్లను నియంత్రిస్తాయి.

రసాయన నియంత్రణ

అందుబాటులో ఉంటే, వీలైనంతవరకు ఎల్లప్పుడూ జీవపరమైన మరియు నివారణా చర్యలతో కూడిన సమీకృత విధానాన్నిపరిగణలోకి తీసుకోండి. బ్యాక్టీరియల్ గజ్జి తెగులును సమర్థవంతంగా నిర్మూలించడానికి రాగి బాక్టీరిసైడ్లు సిఫారసు చేయబడ్డాయి. కుప్రిక్ హైడ్రాక్సైడ్‌కు ఫెర్రిక్ క్లోరైడ్ లేదా మాంకోజెబ్‌ను జోడించడం వలన సంవత్సరాలుగా నిరోధకతను వృద్ధి చేసిన జాతులపై మంచి నియంత్రణ లభిస్తుంది.

దీనికి కారణమేమిటి?

బాక్టీరియల్ క్యాంకర్ అనేది రెండు దగ్గరి సంబంధం ఉన్న బ్యాక్టీరియా వల్ల కలిగే వ్యాధి, ఇవి ప్లమ్, చెర్రీలు మరియు సంబంధిత ప్రూనస్ జాతుల ఆకులు మరియు కాండాలకు సంక్రమిస్తాయి. ఈ బ్యాక్టీరియా సాధారణంగా ఆకుల ఉపరితలంపై నివసిస్తుంది. వసంత ఋతువులో లేదా వేసవి ప్రారంభంలో తడి వాతావరణంలో, ఇది ఆకు సహజ రంధ్రాల ద్వారా ప్రవేశిస్తుంది, దీనివలన లేత ఆకుల్లో అంటువ్యాధులు ఏర్పడతాయి. ఆకు పరిపక్వం చెందుతున్నప్పుడు, ఈ అంటువ్యాధులు దెబ్బతిన్న కణజాలం యొక్క చిన్న ప్యాచీలుగా బయటపడతాయి, ఇవి క్రమంగా నిర్జీవమతాయి. ఆకు యొక్క కొనసాగుతున్న విస్తరణ ఈ చనిపోయిన ప్యాచీలు చిరిగిపోవడానికి మరియు పడిపోవడానికి దారితీస్తుంది. ఆకు రాలిపోయే సమయంలో గాయాలు లేదా ఆకు గాయాల ద్వారా కణజాలంలోకి బ్యాక్టీరియా ప్రవేశించి క్యాంకర్లు కొమ్మలపై వృద్ధి చెందుతాయి. కణజాలానికి నిరోధకత ఉన్నప్పుడు, వేసవి అంతా కొంచెం అటుఇటుగా మరియు శరదృతువు మరియు శీతాకాలంలో ఉష్ణోగ్రతలు తక్కువగా ఉన్నప్పుడు క్యాంకర్లు నిద్రావస్థలో ఉంటాయి. వసంత ఋతువులో బాక్టీరియా తిరిగి వృద్ధి చెందడం ప్రారంభిస్తుంది మరియు అంటువ్యాధులు వేగంగా వ్యాప్తి చెంది బెరడును చంపుతాయి.


నివారణా చర్యలు

  • ధృవీకరించిన నర్సరీల నుండి విత్తనాలు లేదా మొలకలను మాత్రమే వాడండి.
  • మీ ప్రాంతంలో అందుబాటులో ఉంటే తట్టుకోగల సామర్థ్యం ఉండే మొక్కల రకాలు వాడండి.
  • తేమను తగ్గించడానికి గాలికి గురయ్యే ప్రదేశాలను ఎంచుకోండి.
  • వ్యాధి లక్షణాల కోసం రోజూ తోటను గమనిస్తూ వుండండి.
  • నత్రజని అధికంగా ఉండే ఎరువుల వాడకాన్ని నివారించండి, కాని దానికి అనుగుణంగా ఎరువులను వాడండి.
  • ఆరోగ్యకరమైన కలప వరకు అన్ని క్యాంకర్ ప్రాంతాలను కత్తిరించండి.
  • పంట కోసిన వెంటనే కత్తిరించడం చేయడం వలన గాయాలు త్వరగా నయం అవుతాయి.
  • రెండు సందర్భాల్లోనూ తగిన పెయింటుతో కత్తిరింపు గాయాలను మూసివేయండి.
  • ప్రభావిత చెట్టు పదార్థాన్ని గోతుల్లో పూడ్చడం లేదా కాల్చడం ద్వారా నాశనం చేయండి.

ప్లాంటిక్స్‌ను డౌన్‌లోడ్ చేసుకోండి