మొక్కజొన్న
మొక్కజొన్న లెథల్ నెక్రోసిస్ వైరస్
MLND
వైరస్
5 mins to read
క్లుప్తంగా
- ఈనెకు సమాంతరంగా ఆకుల పై పసుపు-ఆకుపచ్చ నమూనా కనిపిస్తుంది.
- ఆకుల అంచులు ఎండిపోవడం మొదలయి ఈ మచ్చలు మెల్లగా మధ్య ఈనె వైపు విస్తరిస్తాయి.
- ఈ తెగులు తీవ్రంగా వున్నట్లైతే మొక్క మొత్తం వాలిపోయి కాండం లోపల డెడ్ హార్ట్స్ కనపడతాయి.
- మొక్కల ఎదుగుదల తగ్గిపోతుంది మరియు పుష్ప గుచ్చాలు నిస్సారమైపోతాయి.
- పెరుగుదల తగ్గిపోయి, కళావిహీనంగా వుండి పొత్తులు రూపుమారి పాక్షికంగా గింజ పోసుకుంటాయి.
- తెగులు సోకిన మొక్కలు ఇతర చీడలకు నెమటోడ్లకు లక్ష్యంగా మారి కుళ్లిపోతాయి.
లో కూడా చూడవచ్చు
మొక్కజొన్న
లక్షణాలు
తెగులు మొదటి దశలో ఆకులపై పసుపు-ఆకుపచ్చ నమూనాలు కనిపిస్తాయి. ఆకుల అంచులు ఎండిపోయి ఈ మచ్చలు మెల్లగా మధ్య భాగానికి విస్తరిస్తాయి. ఈ తెగులు తీవ్రంగా వున్నట్లైతే మొక్క మొత్తం వాలిపోయి కాండం లోపల డెడ్ హార్ట్స్ కనపడతాయి. మొక్కల ఎదుగుదల తగ్గిపోతుంది మరియు పుష్ప గుచ్చాలు నిస్సారమైపోతాయి. ఈ తెగులు సోకిన మొక్కలు ఇతర చీడలకు నెమటోడ్లకు లక్ష్యంగా మారి కుళ్లిపోతాయి.దీని వలన దిగుబడి తగ్గిపోతుంది.
Recommendations
సేంద్రీయ నియంత్రణ
క్షమించండి. ఈ వైరస్ కు ఎటువంటి జీవ సంబంధిత నియంత్రణ లేదు.
రసాయన నియంత్రణ
వీలైనంతవరకు ఎల్లపుడూ జీవపరమైన మరియు నివారణ చర్యలతో కూడిన సమీకృత సమగ్ర సస్యరక్షణ విధానాన్నిపరిగణలోకి తీసుకోండి. ఈ తెగులుకు ఎటువంటి రసాయన చికిత్స లేదు. వీటి జనాభాను తగ్గించడానికి కొన్ని కీటక నాశినులు విత్తన శుద్ధికి కానీ లేదా ఆకులపై పిచికారీ చేయడానికి వాడవచ్చు.
దీనికి కారణమేమిటి?
అన్ని మొక్కజొన్న రకాలకు ఈ తెగులు సోకే అవకాశం ఉంది. వీటి లక్షణాలు వైరస్ బట్టి మరియు వాతావరణ పరిస్థితులపై ఆధారపడి వుంటాయి. ఈ తెగులు మొక్కజొన్న మోటెల్ వైరస్ మరియు చెరుకు మొజాయిక్ వైరస్ అనే రెండు రకాల వైరస్ కలయిక వలన కలుగుతుంది, చాలా సందర్భాల్లో షుగర్ కేన్ మొజాయిక్ వైరస్ కూడా కారణం అవుతుంది. ఈ తెగులును కలిగించే ఏజెంట్లు మైజ్ త్రిప్స్, వేరు పురుగులు, కందిరీగలు ఇంకా సీరియాల్ లీఫ్ బీటల్స్ వలన వ్యాపిస్తాయి. కరువు, తక్కువ భూసారం మరియు సరిగా పాటించని వ్యవసాయ పద్ధతుల వలన ఈ తెగులు మరింత అధికంగా నష్టం కలుగచేస్తుంది.
నివారణా చర్యలు
- తట్టుకునే రకాలను నాటండి.
- ఆరోగ్యకరమైన మొక్కల విత్తనాలు మాత్రమే వాడాలి.
- సీజన్ కన్నా ముందు లేదా తర్వాత పంట వేయాలి.
- తద్వారా ఈ మొక్కలకు అధిక సంఖ్యలో వున్న తెగుళ్ల జనాభా నష్టం కలగచేయకుండా ఉంటుంది.
- వ్యాధి వ్యాపించకుండా తెగులు సోకిన మొక్కలను తొలగించి కాల్చి వేయాలి.
- పొలం లోపల మరియు చుట్టుపక్కల వున్న కలుపును నియంత్రించాలి.
- ఇదే ప్రాంతంలో మళ్ళీ మొక్కజొన్న పంట వేయరాదు.
- చిక్కుళ్ళు, బఠాని, బంగాళాదుంప, కసావా మరియు ఇతర అతిథేయి కాని పంటలతో పంట మార్పిడి చేయండి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
