మినుములు మరియు పెసలు
మినుములపై తుప్పు తెగులు
Uromyces phaseoli
శీలీంధ్రం
5 mins to read
క్లుప్తంగా
- చిన్న, గుండ్రపు ఎరుపు-గోధుమ మచ్చలు ఆకుల కింది భాగంలో కనిపిస్తాయి.
- తర్వాత బొడిపెలు ఒక పెద్ద ప్రాంతంలో కలసిపోయి ఆకుల పైభాగంలో కనిపిస్తాయి.
- సీజన్లో సన్నని, ముదురు గోధుమ రంగు మచ్చలు కనిపిస్తాయి.
- కణుపుల పైన మరియు కాండం పైన, గింజల తొక్కపైన ఈ తెగులు కనిపిస్తుంది.
- ఆకులు ఎండిపోయి ముడుచుకుపోయి రాలి పోతాయి.
- దీనివలన దిగుబడి తగ్గుతుంది.
లో కూడా చూడవచ్చు
మినుములు మరియు పెసలు
లక్షణాలు
తెల్లటి ఫంగల్ మచ్చల మధ్యలో చిన్న, గుండ్రపు, ఎరుపు గొధుమ రంగు మచ్చలు కనపడతాయి. సాధారణంగా ఇవి ఆకుల కింది భాగం లో కనబడతాయి. మచ్చలు మొదట్లో చిన్న గుంపులుగా ఉండవచ్చు తరువాత అవి అన్నీ ఒక్క చోట కలిసి ఆకు అంచులపై పెద్దగా కనపడతాయి. అదనంగా సన్నగా ముదురు గోధుమ ప్రదేశం ఏర్పడుతుంది. తెగులు తీవ్రత అధికంగా ఉండడం వలన ఆకుల పైభాగం నష్టానికి గురి కావచ్చు. దానివలన ఆకులు మచ్చలతో మూసివేయ బడతాయి. ఆకులు ఎండిపోయి, ముడుచుకుపోయి రాలి పోవచ్చు. ఈ దశలో కాయలు మరియు కాండాలు కూడా ప్రభావితం కావచ్చు. ఆకువు బాగా ఎక్కువగా రాలిపోవడం వలన దిగుబడి బాగా తగ్గుతుంది.
Recommendations
సేంద్రీయ నియంత్రణ
సాల్వియా ఆఫీసినలిస్ మరియు పోటేంటిల్ల ఎరేక్టా మొక్కల సారం ఈ ఫంగల్ ఎదుగుదలను అడ్డుకోవడంలో రక్షణగా ఉపయోగపడుతుంది.
రసాయన నియంత్రణ
వీలైనంతవరకు ఎల్లపుడూ జీవపరమైన మరియు నివారణ చర్యలతో కూడిన సమీకృత సమగ్ర సస్యరక్షణ విధానాన్నిపరిగణలోకి తీసుకోండి. చివరిదశల్లో తెగులును గుర్తిస్తే రసాయన మందులవలన ఉపయోగం ఉండకపోవచ్చు. ఒక వేళ శీలింద్ర నాశినులు వాడవలసి వస్తే మాంకోజెబ్, కార్బెన్డిజమ్, ప్రొపికోనజోల్, కాపర్ లేదా సల్ఫర్ కూడిన రసాయనాలు వాడాలి. తెగులు కనిపించిన వెంటనే మందులు వాడడం మొదలు పెట్టాలి. ఆ తర్వాత ప్రతి 15 రోజులకు ఒకసారి మందులను వాడాలి.
దీనికి కారణమేమిటి?
తెగులు కారక పురుగులు మట్టిలోని పంట అవశేషాల్లో ఇతర అతిధి మొక్కలపై జీవిస్తాయి. మట్టిలోనుండి బీజాంశాలు ముదురు ఆకులపైకి చేరడంవలన చీడ మొదట మొదలవుతుంది.రెండవ దశలో గాలి వల్ల ఒక మొక్కనుండి ఇంకొక మొక్కకు వ్యాపిస్తుంది. తెగులు మొదలవ్వడానికి మరియి వ్యాప్తి చెందడానికి వేడి ఉష్ణోగ్రతలు, తేమ మరియు మబ్బులు పట్టి ఉన్న వాతావరణం (21 నుండి 26° C) మరియు రాత్రి వేళల్లో అధిక మంచు వంటివి సహకరిస్తాయి.
నివారణా చర్యలు
- ఆరోగ్యవంతమైన మొక్కల లేదా ధృవీకరించ బడిన రోగ రహిత విత్తనాలు మాత్రమే వాడాలి.
- మీ ప్రాంతంలో అందుబాటులో ఉండే తెగులు నిరోధక రకాలను వాడాలి.
- మీ పొలం చుట్టు పక్కల ప్రత్యామ్నాయ తెగులును ఆశించే మొక్కలు నాటకుండా చూడాలి.
- ప్రత్యామ్నాయ ఆతిధ్యం ఇచ్చే మొక్కలని మరియు కలుపుని పొలంలో నుండి తీసి వేయాలి.
- పంటను గమనిస్తూ తెగులు సోకిన మొక్కల భాగాలను తీసి వేయాలి.
- ప్రతి మూడు నుండి నాలుగు సంవత్సరాల్లో ఇతర రకాల పంటలతో పంట మార్పిడి చేయాలి.
- పొలం లోతుగా దున్ని పంట అవశేషాల్ని తొలగించి కాల్చివేయాలి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
