फळझाडांच्या खोडाच्या सालीवरील भुंगा

कशामुळे झाले

स्कॉलिटस मालि नावाच्या बीटल्समुळे फळझाडांवर लक्षणे उद्भवतात. ह्या किड्यांच्या अळ्या झायलोफॅगस आहेत म्हणजे त्या लाकडाला सालीच्या आतुन खातात. प्रौढ चकचकीत लालसर तपकिरी असुन डोके काळे असते आणि लांबीला सुमारे २.५-४.५ मि.मी. लांब असतात. माद्या बहुधा अशक्त झालेली रोपे निवडतात, सालीत छिद्र करुन आतील लाकडात बोगदे तयार करतात. ह्या सुमारे १० सेंमी. लांब असु शकणार्‍या मुख्य बोगद्यांच्या भिंतींच्या कोनाड्यात अंडी घालतात. ऊबल्यानंतर, अळ्या ह्या मुख्य बोगद्यापासुन त्याला काटकोनात असे छोटे आणि अरुंद बोगदे सालीच्या आतुन तयार करतात. वसंत ऋतुत अळ्या तेथील घरट्यात कोषात जातात. सतत ऊबदार हवामान (१८-२० अंश) असल्यास प्रौढ बीटल्स सालीत छिद्रे करुन बाहेर येतात आणि इतर अनुरुप झाडांवर नविन जीवनचक्र सुरु करण्यास उडून जातात. संक्रमण हे आधीच कमजोर असलेल्या झाडांचे लक्षण आहे ज्याची कारणे उदा. बुरशीचे संक्रमण किंवा जमिनीच्या प्रतिकूल परिस्थिती असु शकतात.