बटाटा
बटाट्यावरील बोकड्या रोग
PLRV
विषाणू
5 mins to read
थोडक्यात
- कडा वरच्या दिशेने गोळा होतात.
- दोन शिरांमधील भागात पिवळेपणा दिसतो.
- जुनी पाने कडक आणि ठिसुळ होतात आणि त्यांचा खालचा पृष्ठभाग जांभळा होतो.
- झाडाची वाढ खुंटते.
- देठ कडक होऊन वरच्या दिशेने वळतात.
मध्ये देखील मिळू शकते
बटाटा
लक्षणे
रोगाची लक्षणे, लागवड केलेले वाण, हवामान परिस्थिती आणि संक्रमणाच्या प्रकाराप्रमाणे बदलतात. प्राथमिक संक्रमण माव्याद्वारा होते आणि बहुधा कोवळ्या पानांवर दिसते. पानांच्या कडा वरच्या दिशेने वळतात आणि पान कोरडे व फिकट होऊन दोन शिरांमधील भाग पिवळा पडतो. झाड जर संक्रमित कंदातुन उगवलेले असले (दुय्यम लागण) तर जुनी पाने वरच्या दिशेने वळलेली, कडक आणि ठिसुळ असुन त्यांचा खालचा पृष्ठभाग जांबळा किंवा लाल असतो तर कोवळी पाने सरळ उभी असुन फिकट हिरवी किंवा पिवळी पडतात झाडाची वाढ खुंटते आणि देठ कडक होऊन झाडे वरच्या दिशेने वळतात. जास्त प्रादुर्भाव झाल्यास उत्पादनात मोठी घट होते तसेच विक्रीची क्षमताही कमी होते.
Recommendations
जैविक नियंत्रण
विषांणूंचा थेट उपचार शक्य नाहीत पण माव्याची संख्या भक्षक किंवा परजीवींना प्रतिबंधक उपाय म्हणुन वापरुन कमी केली जाऊ शकते. लेडीबर्डस, सोल्जर बीटल्स, लेसविंग्ज आणि काही प्रकारचे मिजेस आणि माशा माव्याच्या प्रौढांना आणि अळ्यांना खातात. परजीवी वॅस्पसचा वापरही केला जाऊ शकतो.
रासायनिक नियंत्रण
नेहमी एकात्मिक दृष्टीकोन ठेवा म्हणजे प्रतिबंधक उपायांबरोबरच उपलब्ध असल्यास जैविक उपचार पद्धतीचा वापर करा. या विषाणूजन्य रोगासाठी रसायनिक उपचार शक्य नाहीत. तरीपण, माव्याच्या संख्येचे नियंत्रण काही प्रमाणात केले जाऊ शकते. पीक वाढीच्या सुरवातीला नियोनिकोटिनिल कीटनाशकांचा वापर केल्यास चांगले नियंत्रण मिळु शकते.
कशामुळे झाले
झाडाच्या वाढीच्या काळात जेव्हा विषाणूचे वहन करणारे मावा त्यांचे रसशोषण करतात तेव्हा प्राथमिक संक्रमण होते. जेव्हा संक्रमित कंद पेरले जातात आणि त्यातुन रोपे उगवतात तेव्हा दुय्यम संक्रमण होते. मावा संक्रमित झाडातील रस शोषण केल्यानंतर त्या विषाणूचे वहन करून इतर निरोगी झाडांवर जाऊन संक्रमण करतात. विषाणू माव्याचे जीवन असेपर्यंत निरंतर त्यांच्या बरोबर रहातो त्यामुळे संक्रमणाचा संभव उच्च असतो. विषाणूंचे वहन होण्यासाठी माव्याला किमान दोन तास तरी त्या झाडावर रसशोषण करायला हवे. दमट जमिनीमुळे संक्रमणाची जोखिम जास्त होते.
प्रतिबंधक उपाय
- निरोगी झाडापासुन धरलेले किंवा प्रमाणित बियाणेच वापरा.
- उपलब्ध असल्यास लवचिक वाण लावा.
- शेताचे निरीक्षण करुन संक्रमित झाडांना काढुन नष्ट करा.
- तण व आपोआप उगवणारी झाडे विषाणू आणि माव्याला थारा देऊ शकतात त्यामुळे त्यांना काढुन नष्ट करा.
सामायिक करा
प्लँटिक्स डाऊनलोड करा
