लिंबूवर्गीय

अल्टरनेरिया तपकिरी ठिपके

Alternaria alternata

बुरशी

5 mins to read

थोडक्यात

  • पानाच्या दोन्ही बाजुवर पिवळ्या प्रभावळीसकट तपकिरी ते काळे ठिपके उमटतात.
  • कालांतराने अनियमित किंवा गोलाकार करपट भाग तयार होतात जे काही वेळा फार खडबडीत असतात.
  • कोवळ्या फळांवर पिवळ्या प्रभावळीसकट गडद ठिपके उमटतात जे नंतर जाड व वाळलेल्या पदार्थांनी आच्छादित होतात.

मध्ये देखील मिळू शकते


लिंबूवर्गीय

लक्षणे

सुरवातीला कोवळ्या पानांवर बहुधा कडांच्या बाजुला बारीक तपकिरी ते काळे ठिपके उमटतात नंतर त्याभोवती ठळक पिवळी प्रभावळ तयार होते. ठिपके नंतर वाढुन अनियमित किंवा गोलाकार करपट भागात रुपांतरित होतात व पानाचा मोठा भाग व्यापतात. करपटपणा आणि पिवळेपणा शीरांच्या समांतर वाढु शकतो. डाग सपाट असतातआणि पानांच्या दोन्ही बाजुला आढळून येतात. जुन्या डागांच्या मध्यावर खरबडीत भाग तयार होतो. कोवळ्या फळांत पिवळ्या प्रभावळीसकट थोडे खोलगट गडद भाग तयार होतात. तयार फळांच्या सालीवर जाड व वाळलेल्या पदार्थांचे भागाचे आच्छादन येते जे सालीतुन उमटल्यासारखे दिसते. जर जाड व वाळलेल्या पदार्थांचे भाग गळले, तर खड्डे किंवा देवीच्या व्रणांसारखे दिसते. फळे अकाली गळणे सर्वसामान्यपणे आढळून येते.

Recommendations

जैविक नियंत्रण

कॉपर ऑक्झिक्लोराइडवर आधारीत जैविक बुरशीनाशके अल्टरनेरिया तपकिरी ठिपक्यांविरुद्ध चांगले परिणाम देतात. जर आपल्याकडे या रोगावरील इतर खात्रीलायक उपचार असल्यास कृपया आमच्याशी संपर्क साधा.

रासायनिक नियंत्रण

नेहमी एकात्मिक दृष्टीकोन ठेवा म्हणजे प्रतिबंधक उपायांबरोबरच उपलब्ध असल्यास जैविक उपचार पद्धतीचा वापर करा. ईप्रोडियॉन, क्लोरोथॅलोनिल आणि अॅझॉक्सिस्ट्रोबिनवर आधारीत बुरशीनाशके अल्टरनेरिया तपकिरी ठिपक्यांचे चांगले नियंत्रण करतात. प्रॉपिकोनेझोल आणि थायोफेनेट मिथिलवर आधारीत उत्पादही चांगलेच परिणाम देतात. बुरशीमध्ये प्रतिकार निर्माण होऊ नये म्हणुन बुरशीनाशकांचा विविध प्रकारे वापर करताना दिलेल्या ठराविक तीव्रतेचे पालन करणे गरजेचे आहे.

कशामुळे झाले

अल्टरनेरिया अल्टरनेटा नावाच्या बुरशीमुळे ही लक्षणे उद्भवतात. या रोगाचा तरंगणार्‍या बीजाणूंच्या वारा किंवा पाण्याच्या थेंबांच्या उडण्यासह प्रसार होतो. पाऊस किंवा सापेक्ष आर्द्रतातील अचानक बदल फांद्या, पान किंवा फळावरील ठिपक्यात असलेल्या बुरशीजन्य संरचनांपासून बीजाणूंच्या उत्पादनात आणि त्यांना सोडण्यास अत्यंत पूरक असतात. अल्टरनेरिया तपकिरी ठिपक्यांचे संक्रमण रोपवाटिकेतील मालाच्या मानवांद्वारे वहनाने होते. कोवळ्या पानांवर लक्षणे पहिल्यांदा संक्रमणानंतर सुमारे ३६ ते ४८ तासात निदर्शनात येतात. पाकळ्या गळल्यानंतर सुमारे ४ महिन्यापर्यंत फळे या संक्रमनास संवेदनशील असतात.


प्रतिबंधक उपाय

  • प्रमाणित स्त्रोताकडुन निरोगी लागवडीची सामग्री घ्या.
  • पिकाची नैसर्गिक रोगप्रतिकारक क्षमता वाढविण्यासाठी योग्य खते द्या पण जास्त नत्र असलेली खते टाळा.
  • बागांत पाण्याचा निचरा चांगला होईल याकडे लक्ष द्या कारण पाण्याचा ताण किंवा जास्त पाणी देण्याने फळ तडकू शकतात.
  • तुषार सिंचन पद्धती टाळा.
  • झाडांमध्ये हवा खेळती ठेवण्यासाठी लागवडीचे अंतर योग्य ठेवा.
  • रोगाच्या लक्षणांसाठी झाडाचे किंवा बागेचे नियमित निरीक्षण करा.
  • बीजाणूंचा स्त्रोत आणि फळांवरील संक्रमण कमी करण्यासाठी प्रभावित फांद्या छाटुन टाका.
  • जुनी फळे आणि वाळलेल्या फांद्या बागेतुन गोळा करा.
  • काढणीच्या वेळी फळांचे वर्गीकरण आणि श्रेणीकरण काळजीपूर्वक केल्याने साठवणीच्या आणि वहनाच्या काळात रोगाचा प्रसार होत नाही.

प्लँटिक्स डाऊनलोड करा