आंबा आणि पपईवरील अँथ्रॅकनोज करपा

लक्षणे

अँथ्रॅकनोज पानांवर आणि देठांवरही दिसते पण जास्तकरुन हा फळांचा रोग आहे. पानांवर प्रादुर्भावाचे लक्षण राखाडी ते तपकिरी डाग असून त्यांची कडा गडद पिवळी असते. कालांतराने हे डाग मोठे होऊन एकमेकांत मिसळतात ज्याने मोठे करपलेले भाग तयार होतात. सुरुवातीला फळांच्या सालींवर लहान, फिकट रंगाचे ठिपके दिसतात. जशी ती पिकतात तसे डाग चांगलेच मोठ्या गोल आकाराचे (५ सें.मी. पर्यंत) होतात आणि गोल, गडद तपकिरी रंगाचे, पाणी शोषल्यासारखे किंवा उंचवट्यासारखे दिसतात. ह्या डागांमध्ये केंद्रीत गुलाबीसर ते नारिंगी खूप दाट ठिपके दिसतात. लहान लालसर तपकिरी खोलगट डाग (२ सें.मी. पर्यंत) ज्यांना "चॉकलेट डाग" असेही म्हटले जाते तेही दिसतात. फ़ळे अकाली गळतात. खासकरून जेव्हा फळांना वातानुकुलीत परिस्थितीत साठवण केलेली असतात अशा वेळी सुद्धा फळांवर ह्या रोगाची लक्षणे येऊ शकतात.