सफरचंदवरील खपली

लक्षणे

सफरचंदवरील खपलीची पहिली दृष्य लक्षणे वसंत ऋतुत, अतिशय बारीक, गोलाकार, गडद हिरवे ठिपके पानांवर मध्यशिरेच्या बाजुने दिसणे ही असतात. जसे ते ठिपके मोठे होतात ते तपकिरीसर काळे होतात आणि अखेरीस एकमेकांत मिसळुन मोठे सुकलेल्या भागांचे डाग तयार करतात. प्रभावित पाने बहुधा विकृत असतात आणि अकाली गळतात ज्यामुळे संक्रमण गंभीर असल्यास पानगळ होते. फुटव्यांवर संक्रमणामुळे फोड येणे किंवा फुटव्याला चिरा जाणे होते ज्यातुन संधीसाधू जंतु शिरकाव करतात. फळांवर तपकिरी ते गडद तपकिरी गोलाकार भाग पृष्ठभागावर येतात. जसे ते वाढतात, ते एकमेकांत मिसळुन उंचावलेली, कडक आणि बुचासारखी खपली तयार करतात. ह्यामुळे फळांची वाढ खुंटते आणि फळे विकृत होतात तसेच त्यांची साल फाटुन आतील गर उघडा पडतो. कमी संक्रमणाने फळांच्या प्रतीवर जास्त प्रभाव पडत नाही. तरीपण खपलीमुळे फळांत संधीसाधू जंतु आणि कूज शिरु शकते ज्यामुळे साठवण क्षमता आणि प्रत फारच कमी भरते.