ಸೋಯಾಬೀನ್

ಸೋಯಾಬೀನಿನ ಬ್ರೌನ್ ಸ್ಪಾಟ್

Septoria glycines

ಶಿಲೀಂಧ್ರ

5 mins to read

ಸಂಕ್ಷಿಪ್ತವಾಗಿ

  • ಹಳದಿ ಅಂಚುಗಳಿರುವ ಕೆಂಪು-ಕಂದು ಬಣ್ಣದ ಅನಿಯಮಿತ ಕಲೆಗಳು ಹಳೆಯ ಎಲೆಗಳ ಮೇಲೆ ಕಾಣಿಸುತ್ತವೆ.
  • ಕಲೆಗಳು ಒಂದಾಗಿ ದೊಡ್ಡ ಕಂದು ಬಣ್ಣದ ಮಚ್ಚೆಗಳಾಗಿ ಬೆಳೆಯಬಹುದು ಮತ್ತು ಅವುಗಳ ಸುತ್ತ ಹಳದಿ ಬಣ್ಣದ ಪ್ರಭಾವಾಲಯವಿರುತ್ತದೆ.
  • ಸಂಪೂರ್ಣ ಎಲೆಯು ತುಕ್ಕು ಕಂದು ಮತ್ತು ಹಳದಿ ಬಣ್ಣಕ್ಕೆ ತಿರುಗುತ್ತದೆ, ಮತ್ತು ಅಕಾಲಿಕವಾಗಿ ಉದುರುತ್ತದೆ.

ಇವುಗಳಲ್ಲಿ ಸಹ ಕಾಣಬಹುದು

1 ಬೆಳೆಗಳು

ಸೋಯಾಬೀನ್

ರೋಗಲಕ್ಷಣಗಳು

ಮೊದಲಿನ ರೋಗಲಕ್ಷಣಗಳು ಕೆಳಗಿನ ಕ್ಯಾನೋಪಿಯಲ್ಲಿರುವ ಹಳೆಯ ಎಲೆಗಳಲ್ಲಿ ಸಾಮಾನ್ಯವಾಗಿ ಕಾಣಿಸಿಕೊಳ್ಳುತ್ತವೆ. ಬೆಳೆವಣಿಗೆಯ ಋತುವಿನಲ್ಲಿ ಬೆಚ್ಚಗಿನ ಮತ್ತು ಮಳೆಯ ವಾತಾವರಣವು ಅದು ಸಸ್ಯದ ಮೇಲ್ಭಾಗಗಳಿಗೆ ಹರಡಲು ಸೂಕ್ತವಾದವು. ಸಣ್ಣ ಅನಿಯಮಿತ ಕಪ್ಪು-ಕಂದು ಬಣ್ಣದ ಚುಕ್ಕೆಗಳು ಎಲೆಗಳ ಎರಡೂ ಬದಿಗಳಲ್ಲಿಯೂ ಬೆಳೆಯುತ್ತವೆ. ರೋಗವು ಹೆಚ್ಚಾದಂತೆ, ಕಲೆಗಳು ಒಂದಾಗಿ ದೊಡ್ಡ ಕಂದು ಬಣ್ಣದ ಮಚ್ಚೆಗಳಾಗಿ ಬೆಳೆಯುತ್ತವೆ ಮತ್ತು ಅವುಗಳ ಸುತ್ತ ಹಳದಿ ಬಣ್ಣದ ಪ್ರಭಾವಾಲಯವಿರುತ್ತದೆ, ಮತ್ತು ಅದು ಎಲೆಯ ತುದಿ ಅಥವಾ ಸಿರೆಗಳಿಂದ ಪ್ರಾರಂಭವಾಗುತ್ತದೆ. ನಂತರ, ಸಂಪೂರ್ಣ ಎಲೆಯು ತುಕ್ಕು ಕಂದು ಮತ್ತು ಹಳದಿ ಬಣ್ಣಕ್ಕೆ ತಿರುಗುತ್ತದೆ, ಮತ್ತು ಅಕಾಲಿಕವಾಗಿ ಉದುರುತ್ತದೆ. ಹಾನಿ ವ್ಯಾಪಕವಾದುದಲ್ಲ ಮತ್ತು ಇಳುವರಿ ನಷ್ಟಗಳನ್ನು ಅಷ್ಟಾಗಿ ಉಂಟುಮಾಡುವುದಿಲ್ಲ.

Recommendations

ಜೈವಿಕ ನಿಯಂತ್ರಣ

ದೀರ್ಘಕಾಲಿಕವಾದ ಮಳೆ ವಾತಾವರನವಿದ್ದರೆ, ರೋಗದ ಆರಂಭಿಕ ಹಂತಗಳಲ್ಲಿ ಬಾಸಿಲಸ್ ಸಬ್ಟಿಲೀಸ್ ಹೊಂದಿರುವ ಉತ್ಪನ್ನಗಳನ್ನು ಹಾಕಿ.

ರಾಸಾಯನಿಕ ನಿಯಂತ್ರಣ

ಯಾವಾಗಲೂ ಜೈವಿಕ ಚಿಕಿತ್ಸೆಗಳು ಲಭ್ಯವಿದ್ದರೆ ಅದರ ಜೊತೆ ನಿರೋಧಕ ಕ್ರಮಗಳನ್ನು ಒಟ್ಟುಗೂಡಿಸಿ ಸಮಗ್ರವಾದ ಮಾರ್ಗವನ್ನು ಪರಿಗಣಿಸಿ. ಬ್ರೌನ್ ಸ್ಪಾಟ್ನಿಂದ ಉಂಟಾಗುವ ಹಾನಿ ಸಾಮಾನ್ಯವಾಗಿ ಚಿಕ್ಕದಾಗಿರುತ್ತದೆ. ಆದ್ದರಿಂದ, ಶಿಲೀಂಧ್ರನಾಶಕ ಚಿಕಿತ್ಸೆಗಳನ್ನು ಸಾಮಾನ್ಯವಾಗಿ ಸೂಚಿಸಲಾಗುವುದಿಲ್ಲ. ಶಿಲೀಂಧ್ರನಾಶಕಗಳೊಂದಿಗೆ ಬೀಜ ಸಂಸ್ಕರಣೆ ಮಾಡಿ ಅದನ್ನು ನಿರೋಧಕ ಕ್ರಮವಾಗಿ ಬಳಸಬಹುದು. ಮಳೆಯ ವರ್ಷಗಳಲ್ಲಿ, ಅಜೋಕ್ಸಿಸ್ಟ್ರೋಬಿನ್, ಕ್ಲೋರೊಥಲೋನಿಲ್, ಮಾಂಕೋಜೆಬ್ ಮತ್ತು ಪಿರಕ್ಲೋಸ್ಟ್ರೋಬಿನ್ ಗುಂಪುಗಳ ಶಿಲೀಂಧ್ರನಾಶಕಗಳನ್ನು ಭೂಮಿಯ ಮೇಲಿರುವ ಸಸ್ಯ ಭಾಗಗಳಿಗೆ ಹಾಕಿ (ಸಾಮಾನ್ಯವಾಗಿ 2-2.5 ಗ್ರಾಂ/ಲೀ ನೀರು).

ಅದಕ್ಕೆ ಏನು ಕಾರಣ

ಬ್ರೌನ್ ಸ್ಪಾಟ್ ಎನ್ನುವುದು ಸೆಪ್ಟೋರಿಯಾ ಗ್ಲೈಸಿನ್ಸ್ ಎಂಬ ಶಿಲೀಂಧ್ರದಿಂದ ಉಂಟಾಗುವ ಒಂದು ಎಲೆಯ ರೋಗವಾಗಿದೆ. ಇದು ಸೋಂಕಿತ ಸಸ್ಯದ ಉಳಿಕೆಳಲ್ಲಿ ಚಳಿಗಾಲವನ್ನು ಕಳೆಯುತ್ತದೆ. ಇದು ಬೀಜದಿಂದ ಹರಡುವುದು ಅಲ್ಲವಾದ್ದರಿಂದ ಮಧ್ಯಾವಧಿಯಿಂದ ಕೊನೆಯವರೆಗಿನ ಅವಧಿಯಲ್ಲಿ ಇದು ಸಾಮಾನ್ಯವಾಗಿರುತ್ತದೆ. ಎಲೆಗಳನ್ನು ನಿರಂತರವಾಗಿ ತೇವವಮಾಡಬಹುದಾದ ಪರಿಸರದ ಪರಿಸ್ಥಿತಿಗಳು ಈ ರೋಗದ ಬೆಳವಣಿಗೆಗೆ ಅನುಕೂಲಕರವಾಗಿರುತ್ತವೆ. ದೀರ್ಘಾವಧಿಯ ಬೆಚ್ಚಗಿನ, ತೇವಾಂಶವುಳ್ಳ ಮತ್ತು ಮಳೆಯ ವಾತಾವರಣಗಳು ಮತ್ತು 25 °C ಯಷ್ಟು ತಾಪಮಾನವು ಅದರ ಬೆಳವಣಿಗೆಗೆ ಸೂಕ್ತವಾಗಿದೆ. ರೋಗಲಕ್ಷಣಗಳು 15 ರಿಂದ 30 °C ನಡುವೆ ಬರುತ್ತವೆ. ಮಳೆ ಮತ್ತು ಗಾಳಿ ಬೀಸಿ ಬೀಜಕಗಳು ಕೆಳಗಿನ ಎಲೆಗಳಿಗೆ ಹರಡಿದಾಗ ಮೊದಲ ಸೋಂಕು ಸಂಭವಿಸುತ್ತದೆ. ಈ ಪರಿಸ್ಥಿತಿಗಳಲ್ಲಿ ಸಸ್ಯಗಳ ನಡುವಿನ ದ್ವಿತೀಯಕ ಸೋಂಕುಗಳು ಸಂಭವಿಸುತ್ತವೆ. ಆದಾಗ್ಯೂ, ರೋಗವು ಮುಖ್ಯವಾಗಿ ಕೆಳಗಿನ ಎಲೆಗಳ ಮೇಲೆ ಇರುತ್ತದೆ, ಮತ್ತು ವಾತಾವರಣದ ಪರಿಸ್ಥಿತಿಗಳು ಬೆಚ್ಚಗಿದ್ದು ಶುಷ್ಕವಾಗಿದ್ದಾಗ, ಅದು ಅಪರೂಪವಾಗಿ ಮೇಲ್ಭಾಗದ ಮೇಲಾವರಣಕ್ಕೆ ಹರಡುತ್ತದೆ. ಸಾಮಾನ್ಯವಾಗಿ, ಇದು ಇಳುವರಿಗಳ ಮೇಲೆ ಕಡಿಮೆ ಪರಿಣಾಮ ಬೀರುತ್ತದೆ.


ಮುಂಜಾಗ್ರತಾ ಕ್ರಮಗಳು

  • ಸಹಿಷ್ಣು ಪ್ರಭೇದಗಳಿದೆಯೇ ಎಂಬುದರ ಬಗ್ಗೆ ವಿಚಾರಿಸಿ.
  • ನಾನ್ ಹೋಸ್ಟ್ ಬೆಳೆಗಳೊಂದಿಗೆ (ಕಾರ್ನ್, ಧಾನ್ಯಗಳು) ಸರದಿಬೆಳೆ ಮಾಡಿ.
  • ಸೋಂಕಿನ ಅಪಾಯವನ್ನು ಕಡಿಮೆ ಮಾಡಲು ಹೊಲವನ್ನು ಉಳುಮೆ ಮಾಡಿ.
  • ಕೊಯ್ಲಿನ ನಂತರ ಉಳುಮೆ ಮಾಡಿ ಮತ್ತು ಸಸ್ಯದ ಉಳಿಕೆಗಳನ್ನು ತೆಗೆದುಹಾಕಿ.

ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ