ಹತ್ತಿಯ ಆಂಥ್ರಾಕ್ನೋಸ್

ರೋಗಲಕ್ಷಣಗಳು

ಹತ್ತಿಯ ಆಂಥ್ರಾಕ್ನೋಸ್, ಸಸ್ಯದ ಎಲ್ಲಾ ಬೆಳವಣಿಗೆಯ ಹಂತಗಳಲ್ಲಿ ತಗುಲಬಹುದು ಮತ್ತು ಇದು ಎಲ್ಲಾ ಅಂಗಾಂಶಗಳ ಮೇಲೂ ಪರಿಣಾಮ ಬೀರಬಹುದು. ಸಸಿಗೆ ಸೋಂಕು ತಗುಲಿದರೆ ಅದು, ಕಪ್ಪು ಕೊಳೆತದಂತಹ ಅಂಚಿರುವ, ಕೆಂಪು ಬಣ್ಣದಿಂದ ಕಂದುಬಣ್ಣದ ಸಣ್ಣ ವೃತ್ತಾಕಾರದ ಚುಕ್ಕೆಗಳನ್ನು ಸಸಿ ಎಲೆಗಳ ಮತ್ತು ಪ್ರಾಥಮಿಕ ಎಲೆಗಳ ಮೇಲೆ ಉಂಟುಮಾಡುತ್ತದೆ. ಕಾಲರ್ ಭಾಗದ ಮೇಲೆ ಈ ಗಾಯಗಳು ಉಂಟಾದರೆ, ಅದು ಕಾಂಡವನ್ನು ಆವರಿಸಿ, ಸಸಿ ಅಥವಾ ಸಣ್ಣ ಸಸ್ಯಗಳು ಒಣಗಿ ಸಾಯುವಂತೆ ಮಾಡುತ್ತದೆ. ಬೆಳೆದ ಸಸ್ಯಗಳಲ್ಲಿ, ಕಾಂಡದ ಸೋಂಕು ಮತ್ತು ವಸಾಹತುವಿನಿಂದ ತೊಗಟೆಯು ಬೇರ್ಪಟ್ಟು, ಉದುರಿ ಹೋಗುವ ಸಂಭವ ಇರುತ್ತದೆ. ಬಾಧಿತವಾದ ಬೀಜಗಳು ಆರ್ದ್ರ ಸ್ಥಿತಿಗಳಲ್ಲಿ, ವೃತ್ತಾಕಾರದ, ನೀರಿನಲ್ಲಿ-ನೆನೆಸಿದಂತಹ ಸಣ್ಣ ಚುಕ್ಕಿಗಳನ್ನು ಪಡೆಯುತ್ತವೆ. ಇವುಗಳು ಗುಳಿಬಿದ್ದ, ಹಳದಿ ಮತ್ತು ಕಂದು ಗಾಯಗಳಾಗಿ ವೇಗವಾಗಿ ಬೆಳೆಯುತ್ತವೆ. ಲಿಂಟ್ ಗಳು(ಹತ್ತಿಯ ತೆಳುವಾದ ಎಳೆಗಳು) ಹಳದಿಯಿಂದ ಕಂದು ಬಣ್ಣಕ್ಕೆ ತಿರುಗಿ ಅಸ್ತವ್ಯಸ್ತವಾದ ಮತ್ತು ಸುಲಭವಾಗಿ ಮುರಿಯುವಂತಹ ನಾರಿನ ರಾಶಿಯಾಗುತ್ತದೆ. ಸೋಂಕು ತಗುಲಿದ ಬೀಜಗಳು ಬೆಳೆಯುವುದನ್ನು ನಿಲ್ಲಿಸುತ್ತವೆ, ಒಣಗಿ ಹೋಗುತ್ತವೆ ಮತ್ತು ಅಕಾಲಿಕವಾಗಿ ಒಡೆಯಬಹುದು.