ಮಾವಿನ ಡೈಬ್ಯಾಕ್ ರೋಗ

ಅದಕ್ಕೆ ಏನು ಕಾರಣ

ಬಾಟ್ರಿಯೊಸ್ಫೇರಿಯಾ ರೋಡಿನಾ ಎಂಬ ಶಿಲೀಂಧ್ರವು ದೀರ್ಘಕಾಲದವರೆಗೆ ಗಿಡದ ಕೊಳೆಯುವ ಅಂಗಾಂಶದಲ್ಲಿ ಉಳಿದುಕೊಳ್ಳುತ್ತದೆ. ಇದು ಕಾಂಡ ಮತ್ತು ರೆಂಬೆಗಳಲ್ಲಿನ ಗಾಯಗಳ ಮೂಲಕ ಮಾವಿನ ಮರಗಳ ನಾಳೀಯ ವ್ಯವಸ್ಥೆಯನ್ನು ಆಕ್ರಮಿಸುತ್ತದೆ. ಸೋಂಕಿನ ನಿಖರವಾದ ಕಾರ್ಯವಿಧಾನವನ್ನು ಸಂಪೂರ್ಣವಾಗಿ ಅರ್ಥಮಾಡಿಕೊಳ್ಳುವುದು ಸಾಧ್ಯವಾಗಿಲ್ಲ. ತೋಟದ ಕೆಲಸದ ಸಮಯದಲ್ಲಾದ ಗಾಯಗಳ ಅಥವಾ ಕೀಟಗಳಿಂದಾದ (ಜೀರುಂಡೆಗಳು) ಗಾಯಗಳ ಮೂಲಕ ಶಿಲೀಂಧ್ರವು ದಾಳಿ ಶುರು ಮಾಡುತ್ತದೆ. ಕೊಂಬೆಗಳ ಸತ್ತ ತೊಗಟೆಯಲ್ಲಿನ ಬೀಜಕಗಳು ಸೋಂಕಿನ ಪ್ರಾಥಮಿಕ ಮೂಲವಾಗಬಹುದು. ಈ ಬೀಜಕಗಳು ಮರವು ಬೆಳೆಯುವ ಸಮಯದಲ್ಲಿ ಮರದಲ್ಲಿಯೇ ಇದ್ದು ಕೊಯ್ಲಿನ ಸಮಯದಲ್ಲಿ ಹರಡುತ್ತವೆ. ಕಬ್ಬಿಣ, ಸತು ಮತ್ತು ಮ್ಯಾಂಗನೀಸಿನ ಕೊರತೆಯು ರೋಗವು ಒಮ್ಮೆಗೆ ಕಾಣಿಸಿಕೊಳ್ಳಲು ಕಾರಣವಾಗಬಹುದು. ನೀರು ಮತ್ತು ಫ್ರೀಝಿಂಗ್ ಸ್ಟ್ರೆಸ್ (ಮಣ್ಣು ಮತ್ತು ಗಿಡದಲ್ಲಿರುವ ನೀರಿನ ಅಂಶ ಹಿಮ ಅಥವಾ ಗಟ್ಟಿಯಾಗುವ ಪ್ರಕ್ರಿಯೆ) ಕೂಡ ಈ ರೋಗಕ್ಕೆ ಸಂಬಂಧಿಸಿವೆ. ರೋಗವು ವರ್ಷದ ಯಾವುದೇ ಸಮಯದಲ್ಲಿ ತಗುಲಬಹುದು ಆದರೆ ಬೆಳೆಯ ಬೆಳವಣಿಗೆಯ ಕೊನೆಯ ಹಂತಗಳಲ್ಲಿ ಅತ್ಯಂತ ಗಮನಾರ್ಹವಾಗಿರುತ್ತದೆ.