ಬಿಳಿ ಕೊಳೆ ರೋಗ

ರೋಗಲಕ್ಷಣಗಳು

ಬೆಳವಣಿಗೆಯ ಯಾವುದೇ ಹಂತದಲ್ಲಿ ಸೋಂಕು ತಗುಲಬಹುದಾದರೂ ಇದು ಹಳೆಯ ಗಿಡಗಳಲ್ಲಿ ಸಾಮಾನ್ಯವಾಗಿ ಕಾಣಿಸಿಕೊಳ್ಳುತ್ತದೆ. ಎಲೆಗಳು ತುದಿಯಿಂದ ಹಳದಿ ಬಣ್ಣಕ್ಕೆ ತಿರುಗಲು ಪ್ರಾರಂಭಿಸಿ ಇದು ಕೆಳಮುಖವಾಗಿ ಮುಂದುವರೆಯುತ್ತದೆ. ಬಾಡುವುದೂ ತುದಿಯಿಂದ ಹಿಂದಕ್ಕೆ ಗಿಡವು ಸಾಯುವುದೂ ಉಂಟಾಗಬಹುದು. ನೆಲದ ಮೇಲೆ ಈ ಲಕ್ಷಣಗಳು ಸ್ಪಷ್ಟವಾಗಿ ಕಂಡುಬಂದರೆ, ರೋಗಕಾರಕಗಳು ಈಗಾಗಲೇ ಬೇರು, ಗಡ್ಡೆ, ಕಾಂಡ ಮತ್ತು ಎಲೆಯ ಪೊರೆಗಳನ್ನು ಆಕ್ರಮಿಸಿಕೊಂಡಿರುತ್ತವೆ. ಸಾಮಾನ್ಯವಾಗಿ ಮಣ್ಣಿನ ಸಾಲಿನಲ್ಲಿ ಬಿಳಿ ಶಿಲೀಂಧ್ರಗಳ ಬೆಳವಣಿಗೆಯು ಗೋಚರಿಸುತ್ತದೆ ಹಾಗೂ ಇದು ಬೇರುಗಳು ಕೊಳೆಯುತ್ತಿರುವುದರ ಕುರುಹಾಗಿದೆ. ಹೊರಗೆಳೆದು ನೋಡಿದರೆ ಗಡ್ಡೆಯ ಮೇಲೆ ಬಿಳಿಯ ಬಣ್ಣದ ತುಪ್ಪುಳದಂತಹ ಶಿಲೀಂಧ್ರದ ಬೆಳವಣಿಗೆಯನ್ನು ಕಾಣಬಹುದು ಹೆಚ್ಚೂ ಕಡಿಮೆ ಇದು ಗಡ್ಡೆಯ ಬುಡದಲ್ಲಿ ಕಂಡು ಬರುತ್ತದೆ, ಇದು ತೀವ್ರ ಸೋಂಕಿನ ಲಕ್ಷಣ. ಸಣ್ಣ, ಕಪ್ಪು ಬಣ್ಣದ, ದುಂಡಗಿನ ಕಲೆಗಳು ಬಿಳಿಯ ಬೂಷ್ಟಿನ ನಡುವೆ ಮೂಡುತ್ತದೆ. ಪ್ರಧಾನ ಬೇರುಗಳು ನಿಧಾನವಾಗಿ ನಾಶವಾಗುತ್ತವೆ ಹಾಗೂ ಕಾಣದೆ ಹೋಗುತ್ತವೆ. ಹೆಚ್ಚುವರಿ ಬೇರುಗಳು ಬೆಳೆಯಬಹುದು ಹಾಗೂ ಅಡ್ಡಕ್ಕೆ ವಿಸ್ತರಿಸಬಹುದು. ಇದರಿಂದ ಇತರ ಗಿಡಗಳಿಗೆ ಸೋಂಕು ಹರಡಲು ನೇರ ಹಾದಿ ಒದಗಿಸಬಹುದು. ಕೆಲವೇ ದಿನಗಳಲ್ಲಿ ಅಥವಾ ಒಂದು ವಾರದಲ್ಲಿ ಗಿಡಗಳು ನಾಶವಾಗಬಹುದು. ಹೊಲದಲ್ಲಿ ಗುಂಪುಗಳಲ್ಲಿ ರೋಗಲಕ್ಷಣಗಳು ಕಾಣಿಸಿಕೊಳ್ಳುವ ಕಾರಣವನ್ನು ಇದು ವಿವರಿಸುತ್ತದೆ.