સફેદ પતંગિયા

તે શાના કારણે થયું?

એસ્કિયા મોનસ્ટેના જંતુની ઈયળના કારણે નુકસાન થાય છે. તે એક ખૂબ જ હાનિકારક જીવાત છે, જે ક્રૂસિફેરસ પરિવારના પાકમાં નોંધપાત્ર નુકસાનનું કારણ બને છે. પુખ્ત વયની માદા પાંદડાની ટોચ પર સમૂહમાં પીળા, સ્પિન્ડલ-આકારના ઇંડા મૂકે છે. આવું નવેમ્બર અને મે માસની વચ્ચે થાય છે, જે ઉષ્ણકટિબંધીય વિસ્તારો માટે ગરમ ​​અને વરસાદની ઋતુ હોય છે. આ ઈયળો રાખોડી પટ્ટાઓ વાળી પીળા રંગની હોય છે. આ પટ્ટાઓ તેમના શરીરની દિશામાં હોય છે અને તેના પર નાના કાળા ટપકાં પણ હોય છે. પુખ્ત પતંગિયા સફેદ (નર) અને મેલિયા સફેદ કે રાખોડી (માદા) રંગના હોય છે. પુખ્ત ફૂદાં લગભગ 19 દિવસ સુધી જીવે છે. કિશોર અવસ્થામાં વિકાસ માટે ખોરાક, સંવનન અને સારી પરિસ્થિતિઓ શોધવા તે લાંબા અંતરની મુસાફરી કરે છે. અભ્યાસ પરથી જાણવા મળ્યું છે કે આ જીવાતો ભેજવાળી અને ગરમ પરિસ્થિતિઓમાં, 16 થી 35 ° સે સુધીના તાપમાનમાં ખુબ જ સક્રિય હોય છે. ઠંડુ હવામાન અને ભારે વરસાદમાં ટકી રહેવાનું તેમના માટે મુશ્કેલ હોય છે.