મેલીબગ

તે શાના કારણે થયું?

મેલીબગ ગરમ આબોહવામાં જોવા મળતી લંબગોળ આકારની, પાંખો વગરની જીવાત છે. તેમના શરીર પર પાતળું સફેદ મીણ જેવું રક્ષક પડ હોય છે જેથી તે રૂ જેવી દેખાય છે. તેઓ તેમના લાંબા મોઢાના ભાગથી છોડની પેશીઓમાં કાણું કરીને તેમાંથી રસ ચૂસી લે છે. આ પ્રક્રિયા સમયે તેઓ જે ઝેરી રસ છોડે છે તેના કારણે છોડમાં રોગના લક્ષણો જન્મે છે. મેલીબગ જમીનમાં તેમના ઈંડા મૂકે છે. ઈંડામાંથી નીકળ્યા બાદ પુખ્ત થતા તેઓ નજીકના છોડ સુધી ફેલાઈ શકે છે. બહુ અંતરેથી આવતા ભારે પવન, કીડીઓ, પશુ-પક્ષીઓ અથવા કાપણી કે લણણી સમયની કામગીરી દ્વારા પણ તે ફેલાઈ શકે છે. રીંગણ અને શક્કરીયા જેવા વૈકલ્પિક યજમાનોની સાથે ઘણાં નીંદણ પણ તેમને મદદરૂપ થાય છે. ગરમ તાપમાન અને સૂકી આબોહવા તેમના જીવનચક્રને આગળ વધારે છે સાથે લક્ષણોની ગંભીરતા પણ તીવ્ર બને છે.