ખાટા ફળોમાં કાટ જેવો રોગ નિર્માણ કરતી સૂક્ષ્મ જીવાત

લક્ષણો

ઝાડની પ્રજાતિ અને ફળની પરિપક્વતાના આધારે લક્ષણો બદલાય છે. સામાન્ય રીતે, નારંગીના ફળ, પાંદડાં અને ડાળીઓની સપાટી ઉપર જોવા મળતા બ્રોન્ઝ રંગ દ્વારા ખાટા ફળોમાં કાટ જેવું દ્રવ્ય નિર્માણ કરતી સૂક્ષ્મ જીવાતના પ્રારંભિક લક્ષણો જોવા મળે છે. લીલા ફળ, પાંદડાં અને થડ ઉપર ખોરાકના કારણે નુકસાન જોઈ શકાય છે. પાંદડાની બંને સપાટી અને ફળની ત્વચા પર સૂક્ષ્મ જીવાત નભે છે અને તેમાં લાળ દાખલ કરે છે, જેનાથી બહારની ત્વચાના કોષો છુટા પડે છે. બહારની ત્વચા તેનો ચળકાટનો ગુણધર્મ ગુમાવે છે, અને નિસ્તેજ અને બ્રોન્ઝ જેવો રંગ અથવા કાટ નિર્માણ થયેલ વિસ્તારમાં પીળા રંગના પટ્ટાઓ જોવા મળે છે. શરૂઆતમાં, પાંદડાની નીચેની સપાટી ઉપર આછા રંગના ચાઠાં દેખાય છે અને પછી સુકાયેલ ટપકા નિર્માણ થાય છે. ખોરાકને કારણે તેની ત્વચાના કોષો નાશ પામે છે અને તેની સપાટી લીંબુના ઝાડમાં ચાંદી જેવા રંગની, પરિપક્વ નારંગીના ઝાડમાં કાટ જેવા કથ્થઈ રંગની, અને લીલા રંગની નારંગીમાં કાળા રંગની બને છે. જ્યારે ઋતુની શરૂઆત માં કાટ નિર્માણ કરતી સૂક્ષ્મ જીવાતના કારણે નુકસાન થાય ત્યારે તેને “રસ્ટીન્ગ” કહેવામાં આવે છે અને જયારે પરિપક્વ ફળને નુકસાન પહોંચે છે ત્યારે તેને ”બ્રોન્ઝિંન્ગ” કહેવામાં આવે છે. ઇજાગ્રસ્ત સપાટી લીસી અને ઘેરા કથ્થઈ રંગની હોય છે, અને જો ઝાડ પર ફળ લાંબા સમય સુધી ટકી રહે તો, આ ખામીઓ વધુ ગંભીર સ્વરૂપ લઇ શકે છે. જો ફળને પરિપક્વતા પહેલા નુકશાન પહોંચે તો ચેપગ્રસ્ત ફળ કદમાં નાના દેખાય છે. ભારે માત્રામાં ચેપ લાગવાથી કુમળા ઝાડ પર ગંભીર નુકસાન પહોંચી શકે છે. ખાટા ફળોમાં કાટ નિર્માણ કરતી સૂક્ષ્મજીવાત જ્યારે વસંત ઋતુની શરૂઆત માં ફળ પર નભે છે ત્યારે તેની છાલ રંગે ઉનાળામાં દેખાય એના કરતાં આછા રંગની અને તેનું માળખું થોડું ખરબચડું બને છે. જેને શાર્કસ્કિન તરીકે ઓળખવામાં આવે છે.