ખાટા ફળોમાં લાલ સૂક્ષ્મ જીવાત

તે શાના કારણે થયું?

ખાટા ફળોમાં જોવા મળતી લાલ રંગની પેનોનીચર્સ સીટ્રી સૂક્ષ્મ જીવાતના પરિપક્વ અને બાલ કીડાની ખાવાની પ્રવૃત્તિના કારણે લક્ષણો નિર્માણ થાય છે. તેને ઈટ જેવા લાલ રંગના જમરૂખ જેવા આકારના શરીર અને તેની પીઠ પર આવેલા મોતી જેવા ટપકા માંથી બહાર નીકળતા કડક સફેદ વાળ દ્વારા દર્શાવી શકાય છે. તેઓ ખાટા ફળોના ઝાડ ને સંક્રમિત કરે છે અને કોઈક વાર પપૈયા, કસાવા અથવા દ્રાક્ષ જેવા અન્ય પાકને પણ અસર કરે છે. તે પાંદડાની બંને સપાટી ઉપર અસર કરે છે, પરંતુ સામાન્ય રીતે તેને ઉપરની સપાટી ઉપર ખાતા જોઇ શકાય છે. રેશમી તાંતણા ના કારણે તે પવન દ્વારા સરળતાથી એક ઝાડથી બીજા ઝાડ પર પરિવહન કરી શકે છે. બીજી રીતે જંતુઓ અને પક્ષીઓ દ્વારા પણ તેનો ફેલાવો થઇ શકે છે. ચેપગ્રસ્ત સાધન અને ખેતીની સાચવણીની ખરાબ પદ્ધતિ ના કારણે પણ જંતુઓનો અન્ય ખેતરમાં ફેલાવો થઈ શકે છે. પૂરતા પ્રમાણમાં પાણી પૂરું પાડવાની સારી સિંચાઇની યોજનાઓ દ્વારા આ જંતુથી નિર્માણ થતાં રોગના બનાવો અને નુકસાનમાં નોંધપાત્ર રીતે ઘટાડો થઇ શકે છે. આનાથી વિપરીત, ખુબ ઓછો અથવા વધુ પ્રમાણમાં ભેજ, વધુ પડતો પવન, દુકાળ અથવા મૂળના અપૂરતા વિકાસથી પરિસ્થતિ કથળી શકે છે. 25° સે તાપમાન અને 50-70% ભેજ એ ખાટાં ફળોમાં જોવા મળતી લાલ સૂક્ષ્મ જીવાત માટે અનુકૂળ પરિસ્થિતિ છે.