હળદર
હળદરના પાંદડાં પર ચાઠાં
Taphrina maculans
ફૂગ
ટૂંકમાં
- પાંદડાઓની બંને બાજુ પર ઘણાં બધા નાના, અંડાકાર, અનિયમિત આકારના ટપકાં દેખાય છે.
- ટપકાં એકરૂપ થઈને અનિયમિત આકારનો ડાઘ બનાવે છે.
- છોડ બળેલો દેખાય છે અને હળદરની ગાંઠોની ઉપજમાં ઘટાડો થાય છે.
માં પણ મળી શકે છે
હળદર
લક્ષણો
સામાન્ય રીતે આ રોગ પાંદડાની નીચેની સપાટી પર દેખાય છે. ટપકાં 1 - 2 મીમી જેટલા નાના અને મોટે ભાગે લંબચોરસ હોય છે. આ ટપકાં પાંદડાંની નસોને સમાંતર હરોળમાં ગોઠવાયેલ અને એકરૂપ થઈને અનિયમિત આકારનું જખમ બનાવે છે. શરૂઆતમાં, તે આછા પીળા રંગની વિકૃતિ તરીકે દેખાય છે અને ત્યારબાદ ઘેરા પીળા રંગના બને છે. ચેપગ્રસ્ત પાંદડા વિકૃત બને છે અને લાલાશ પડતો કથ્થઈ રંગ દર્શાવે છે. ગંભીર ઉપદ્રવના કિસ્સાઓમાં, છોડ બળી ગયો હોય તેવો દેખાય છે અને હળદરની ગાંઠોની ઉપજ ઓછી થાય છે.
ભલામણો
જૈવિક નિયંત્રણ
જ્યારે રોગનું પ્રમાણ ઓછું હોય ત્યારે સ્યુડોમોનાસ ફ્લોરોસેન્સ અને ટ્રાઇકોડર્મા હાર્ઝિયનમ ધરાવતા ઉત્પાદનો રોગના ઉપદ્રવને ઘટાડી શકે છે. આસોપાલવના (પોલિઆન્થિયા લોન્ગીફોલીયા) પાંદડાંનો અર્ક અથવા ડુંગળીનો ઘરે બનાવેલ અર્ક પણ ઉપદ્રવને ઘટાડી શકે છે.
રાસાયણિક નિયંત્રણ
જો ઉપલબ્ધ હોય તો હંમેશા જૈવિક સારવાર સાથે નિવારક પગલાંનો સંકલિત અભિગમ અપનાવો. વાવેતરની સામગ્રીને એક લીટર પાણી દીઠ 3 ગ્રામ અથવા એક લીટર પાણી દીઠ 1 ગ્રામ કાર્બેન્ડાઝિમ સાથે 30 મિનિટ સુધી સારવાર આપો અને વાવણી પહેલાં તેને છાયડાં નીચે સુકવી લો.
તે શાના કારણે થયું?
મુખ્યત્વે આ ફૂગ હવાજન્ય હોય છે અને તેનો પ્રારંભિક ચેપ નીચેનાં પાંદડા પર લાગે છે. ખેતરમાં પડી રહેલા યજમાન છોડના સૂકા પાંદડાઓમાં તેનો ભરાવો થાય છે. ત્યારબાદ આગળનો ચેપ એસ્કોસ્પોર્સને કારણે ફેલાય છે જે ક્રમિક રીતે પરિપક્વ બને છે અને તાજા પાંદડાને ચેપ લગાડે છે. આ પરોપજીવી ઉનાળા દરમિયાન પાંદડાના કચરામાં રહેલ એસ્કોજેનસ કોષો અને જમીનમાં અને ખરી પડેલ પાંદડાઓમાં એસ્કોસ્પોર્સ અને બ્લાસ્ટસ્પોર્સમાં ટકી રહે છે. માટીમાં વધુ પડતો ભેજ, 25 ° સે તાપમાન અને પાંદડાની ભીનાશ રોગની તરફેણ કરે છે.
નિવારક પગલાં
- યોગ્ય સ્વચ્છતા જાળવી રાખો.
- ખેતરમાં જંતુનો જ્યાં ભરાવો થઇ શકે તેવી જગ્યા નિર્માણ ન થાય તે માટે ચેપી અને સૂકા પાંદડા એકઠા કરી સળગાવી દો.
- રોગ મુક્ત વિસ્તારોમાંથી મેળવેલ બિયારણ પસંદ કરો.
- શક્ય હોય ત્યાં પાકની ફેરબદલીની આદત રાખો.
શેર કરો
પ્લાન્ટીક્સ ડાઉનલોડ કરો
