દ્રાક્ષમાં કડવો સડો

લક્ષણો

દ્રાક્ષના ફળ પર સૌથી વધુ અને સ્પષ્ટ લક્ષણો જોવા મળે છે. પ્રારંભિક લક્ષણ તરીકે પરિપક્વ બનતાં ફાળો પર કથ્થાઈ રંગના, પાણીના ભરાવાના કારણે નિર્માણ થતાં ઘા જોવા મળે છે. ફળો પાકવાની શરૂઆત થતાં તે ચેપ પ્રત્યે સંવેદનશીલ બની જાય છે. એકવાર ફળો પર ચેપ લાગ્યા બાદ તે નરમ બને છે અને તેની સપાટી પર એક રિંગ આકારમાં નાના ફૂગના માળખાં જોવા મળે છે. ડાઘ રિંગ્સમાં ઝડપથી ફેલાય છે અને સામાન્ય રીતે ટૂંક સમયમાં જ આખા ફળને આવરી લે છે. જ્યારે આછા રંગના ફળોને ચેપ લાગે છે, ત્યારે તેઓ કથ્થાઈ રંગના બને છે. 2 થી 3 દિવસ પછી, દ્રાક્ષની છાલ પર કાળા રંગની ફોલ્લીઓ જોવા મળે છે. ભેજવાળી પરિસ્થિતિઓમાં, આ ફોલ્લીઓ ભેગી મળી ફળની સપાટી પર એક ગુમડા જેવો અનિયમિત આકાર બનાવે છે. ફળની છાલ ફાટી શકે છે, અને દ્રાક્ષ સુકાઈને કાળા રંગની બની શકે છે, જે કાળા રંગના સડા, ફાયલોસ્ટિક્ટા એમ્પ્લોનિકિડા, જેવું જ દેખાય છે. આ રોગના લક્ષણો કુમળા અંકુર અને દ્રાક્ષના ઝુમખાંની દાંડી પર પણ શક્યતઃ (અમુક કિસ્સાઓમાં) જોવા મળે છે. ચેપગ્રસ્ત પાંદડા પર, તેના લક્ષણો પીળા રંગની આભા વાળા નાના, સુકાયેલ, લાલ-કથ્થાઈ કણો તરીકે જોવા મળે છે. રોગના કણ અંકુર, પાંખડીઓ અને ફળની દાંડી ને પણ સંક્રમિત કરી શકે છે. જ્યારે ફળની દાંડીને ચેપ લાગે છે ત્યારે ફળ પાકે ત્યાં સુધી ફૂગ નિષ્ક્રિય રહે છે.